大約瞓到接近朝早5點左右，突然感覺張床搖晃咗兩下，被搖醒了，好自然諗到應該係地震。但見老公無反應，以為佢無被震醒，無耐佢起身去洗手間，原來佢亦是被震醒了。
跟著佢又再上番床，我哋一直在床上，打算繼續瞓，大約過咗15分鐘右左，張床又再次搖晃，由輕微至強烈再轉為輕微，大概維持咗半分鐘 (唔太肯定)，然後停止，今次震得較劇烈。
其間我哋一直都响床上，聽唔到外面走廊有人走動或者有嘈吵嘅聲音，完全無諗過要起身去逃生，似乎從來無擔心過，十分鎮定，之後無再震，不久我哋又再瞓著了。直到7點幾要起床時開電視，先知道原來是東京地震，有5度，而栃木縣依度有4度，諗番起可能我哋身處日本，對地震的安全度信任較高，如果換著是响大陸，我諗我哋第一時間衫都唔換，一手攞起證件及貴重物品，無鞋挽屐走落街了。
一切如常，落樓下食無料早餐
電梯旁便是大浴場，作晚老公來試過，浴場不大普普通通
平日只提供給男仕，土日祝日某些時段會開放給女仕
