由於被垃圾留言侵襲,迫不得已在留言內加入驗證功能,不便之處請見諒!

2014年8月13日 星期三

2014 夏末東京、青森、新潟及群馬 - 行程


上次去山陰係趁著阿仔回港後暑假旺季前,今次去東京係趁著阿仔返英國開課前暑假旺季後,時間只相隔兩個月。

不過其實今次係一早計劃好了,去年年尾時已經換了機票,山陰之旅只是後期加入的。


換機票時仲未想到去邊,只打算飛東京,12天時間當然唔會只留在東京,其他地方慢慢再計劃。


問過老公和阿仔意見,老公曾經話想去行奧入瀨溪流,阿仔曾經話想坐五能線,雖然有些景點我和老公已經去過,但亦都想帶阿仔去睇睇,咁第一個目的地就決定去東北青森。


心想去東北都好,希望9月初天氣不會太熱,感覺會好些。


不過青森想去的地方大約只需3日,剩餘其他日子,又去邊好?


睇睇地圖,秋田、山形、仙台這些地方,好多景點都去過。


一路再南下只剩下新潟和群馬。


新潟完全未踏足過,群馬亦只係去過草津,好幾年前睇完頭文字D,好想去會一會秋名山。


所以最後決定東京、青森、新潟及群馬。


交通方面,上東北一定不能缺少JR East Pass,用來來往青森、秋田、新潟及東京。


八戶、奧入瀨溪流、十和田湖、八甲田山等地方似乎駕車會比較方便。

另外由新潟至妙高高原,還有上秋名山及赤城山當然一定要自駕。

最後除了火車會另加兩次租車自駕。


2014年8月10日 星期日

多謝支持!!!


早幾天Capture到的畫面


終於踏入6位數字

多謝各方面的網友捧場

我會繼續寫遊記和大家分享每個旅程的點點滴滴


2014年8月7日 星期四

2014 夏の山陰︰Day 5 (II) 神戶 及 Day 6 大阪完結篇


離開了旅館,山陰的行程也正式結束

由於明天早機返香港,所以旅程只剩下今天

由宍道湖溫泉至關西機場距離差不多350km
駕車要4個多小時

打算先到神戶停一停,最後才到機場還車再入酒店

回程大多是行高速公路

一小時後來到米子自動車道蒜山高原SA