2016 單拖九州福岡快閃3天遊 : 第三天(下) (完) Canal City、回程

11點半check out (最遲12點)

然後將行寄存响酒店

仲有3個幾鐘可以消磨

博多駅已經無咩好行

唔想去太遠

咁就決定去Canal City 博多

其實有少許唔係好願由博多駅行去 Canal City
畢竟對我嚟講要行成15分鐘
幸好正想行去紅綠燈過馬路時
見到巴士站有100円巴士去天神而途中會停 Canal City
轉眼已經有架巴士停响面前
咁就毫不猶豫上去

雖然兜咗少少路
但都總比行路快少少

門口落車

2016 單拖九州福岡快閃3天遊 : 第三天(上) 博多Cityつばめ森林広場

同樣是7點起床

今日天氣會放晴

昨晚已一直在諗今日去邊好呢?

Shopping 地點都去了不少

想找個觀光景點去睇睇

上網睇過，太遠的太遠

近的又無什麼地方好去

算吧! 就在附近消磨一下好了

食完早餐執好行李都只係9點左右
百貨公司商場都仲未開
响房又無嘢做
都係走去博多駅望吓有無地方好行

2016 單拖九州福岡快閃3天遊 : 第二天 鳥栖、AEON Mall

有好多人怕一個人住酒店，可能我個胆比較大，所以無有怕

昨晚瞓得雖不算太好，亦不差，就算老公在身邊亦不一定瞓得好

7點起床，梳洗後去食早餐

現在習慣了在日本住酒店都會要早餐

一來唔駛煩，二來食飽D無咁快肚餓

朝食會場スカイルーム　スターライト在12樓

2016 單拖九州福岡快閃3天遊 : 第一天 (下) 太宰府天滿宮、天神、中洲川端

食飽飽有氣力可以出發到景點

2月至3月係日本梅花開花時間

既然是賞梅季節

就去一去著名賞梅地點太宰府的天滿宮

原本打算聽朝去
但聽日天氣唔好
星期日又會多人
所以決定今日下午去

在博多駅旁的博多バスターミナル有直行巴士到達
可惜去到啱啱走了一班車
要等半個鐘

2016 單拖九州福岡快閃3天遊 : 第一天 (上) 香港 > 福岡 (廉航初體驗)

當出走的日子決定後

那麼出走去日本邊度好呢?

一開始想去東京

今次想經濟一點試試坐廉航

睇過價錢原來就算淡季週未的日子都唔廉

而且航班時間亦唔好

大阪舊年已去過，唔想再去

後來發現原來去福岡的航班時間最好

可以早去晚返，價錢亦算是最平

加上福岡機場離市區又近

所以即時決定去九州

決定好地點後第一時間book酒店

要知星期六晚的酒店不但貴而且仲要好快full

好在時間尚早還有選擇

Book 好酒店便開始等機票

雖然遇過幾次優惠，但因為是週未日子，所以都無平

直至遇到信用咭的8折優惠，相信應該是最抵了
機票連稅加行李折咗都要$2,092

以往無論去日本或其他地方都會首選「因」航
因為老公是飛行常客享有額外服務
而且又可儲里數換機票 (雖然現在大部份里數都是從信用咭積分得來)
可惜現在服務每況愈下，飛機餐又難食
不過航班多時間好的優點又好難抗拒

今次一個人咩服務都無
加上見多了唔少網友選坐廉航
就即管試試

當日航班起飛時間是0755
朝早未夠4點便要起床
4點半便要出門
要坐N巴士去另一區先可搭到最早的機場巴士
6點幾到達機場時離起飛時間只有1小時45分鐘
好在排隊的人不多

48小時前已在網上做咗 online check-in
只需到櫃位寄行李
不過座位唔好，是個卡窿位
試過在網上改任何位都要俾錢
唯有寄行李時嘗試問問可否轉路邊或窗口位

地勤姐姐幫我轉了個窗口位
不過位置比較後

好快5分鐘已辦好

2016 單拖九州福岡快閃3天遊︰歸來篇

趕完北海道遊記後靜靜雞又走了一轉日本返嚟，哈哈!

又再次任性的一個人出走
自從舊年試過獨自去關西賞櫻後
好想搵機會再次一人旅

由於老公久不久都會出差工幹
如果阿仔不在香港時就會只剩下自己一人
正是出走的好機會

不過老公出差一般都不會太早知道
而太短時間決定亦都較難安排
舊年已知今年二月尾老公會出差幾天
所以一早已經開始計劃
因為唔想放太多假
所以日數只打算去3天，仲要係星期五、六、日

何解今次會選擇去九州福岡呢?
下篇自有交待

由於航班早去晚返加起來有兩整日的時間
景點只去了太宰府天滿宮賞梅
其餘時間便四圍逛逛去買物