有好多人怕一個人住酒店，可能我個胆比較大，所以無有怕
昨晚瞓得雖不算太好，亦不差，就算老公在身邊亦不一定瞓得好
7點起床，梳洗後去食早餐
現在習慣了在日本住酒店都會要早餐
一來唔駛煩，二來食飽D無咁快肚餓
朝食會場スカイルーム スターライト在12樓
無周圍影相，坐定定食早餐算
食物種類唔算多，普普通通
但一定食得飽
食飽可以出發
今朝天色還好，但遲些會落雨
天氣差正好適合shopping
早上先去鳥栖プレミアム・アウトレット (Premium Outlet)
半個鐘左右便到鳥栖駅
然後在駅前坐直行巴士
約15分鐘左右便到outlet
10點幾去到
啱啱開門無咩人
又係優惠
我唔係LC迷，對煲碟無咩興趣，但就好鐘意佢嘅水煲
不過睇過就算，幾佰蚊買個水煲我又唔捨得
行咗唔夠兩夠鐘都已經行得七七八八
亦買了些想買的
原本打算在 outlet 食 lunch
但唔覺肚餓又無咩想食
決定返回博多再算
天色開始暗兼且開始落雨
好彩在巴士裏避過一場大雨
落車時雨細了好多
見到好多人走到橋上方向
原來車站旁啱啱昨日開咗間 J. League 球隊 Sagan Tosu (鳥栖砂岩) 的專門店
後來睇新聞剛啱今日有比賽
那些人應該係去球場睇波
其實剛才來到鳥栖已經發現
不過趕住去搵巴士站
可惜現在要趕去搭火車
無時間可以入去睇睇
一點幾到達博多
仲未十分餓
都係去咗AEON Mall先再算
又再去到博多バスターミナル
去イオンモール福岡要坐 No. 30
車程大約半個鐘
去到接近兩點
終於肚餓了
來來回回行了幾次
終於揀咗依間食炸豬扒
揀咗中間人気の組み合わせ定食
先來一大碗菜，食吓食吓到最後成碗食哂
然後到主菜
豬扒炸得都幾鬆軟，隻蠔好大隻又 juicy，係隻蝦麻麻
食飽咗可以開始行
又行咗個幾鐘，最後到超市買水果
返到博多駅又在地下街、阪急及 AMU Plaza 穿插
順便搵吓今晚食咩好
然後回酒店放下所買的東西
再休息一陣
Hea 到7點左右再次出動
終於去咗 DEITOS 下面的博多まぐろ屋
原來隔離有間利久
下次可以唔駛去AMU Plaza 嗰間
今次嚟日本仲未食過魚生
見まぐろ好吸引
當然唔會獨孤一味まぐろ
要咗海鮮丼
除咗飯面見到的三片まぐろ外
下面還鋪了一層，其他海鮮都唔錯
食完好滿足
食飽後又要散散步
最後又要到便利店巡視
今晚的甜品宵夜會唔會太多呢?
雖然無人分甘同味
但原來一個人獨食都好正
除咗飲品，其他一口氣KO哂
今日比昨日行多咗好多路
比昨日仲攰
未到11點便睡魔急 call
聽日仲有半日
瞓醒再繼續努力
竟然咁的骰嘅六粒裝士多啤梨！
回覆刪除