完成了三日兩夜的那須行程
今天會返回茨城縣
路旁的櫻花樹
接近兩個鐘後來到茨城縣的竜神大吊橋
竜神大吊橋全長375米，1994年開通
在未有九州九重"夢"大橋前曾是日本最長的步行者吊橋
不過自從箱根西麓・三島大吊橋在2015年完成後便佔據了第一
跟昨天去過的紅葉谷大橋相比，這座橋吸引得多
所以一定要過橋
橋下是竜神湖
在100米的高空中可欣賞兩旁的山景
秋天紅葉時尤其美麗
竜神大壩
旁邊有梯級上觀景台
附近亦有行山 course
影完相返回對岸
停車場大橋旁的土產店水府物産センター
可在大橋上玩 Bungy Jump
逗留了約大半個鐘便離開
再一次沿路的櫻花
然後一個多小時後到達那珂湊おさかな市場
漁市場有點像曾經去過的新潟寺泊魚の市場通り
12點幾來到這裏當然是為了食
食店都有6、7間
選擇了這間廻船問屋魚一
店外有售賣水產，店內是食事處
有各式各樣的海鮮丼
三人都要了這款海鮮丼 (3,800円)
然後再加每人一隻燒帆立貝 (600円)
來到旅程中的尾聲才有機會食到一碗海鮮丼飯
特別覺得美味
飯後略為行了一會外面的水產店便要趕去下個地方
嗰度海產物價咁高....
回覆刪除係咁嘅價錢，唔算好平咁囉...
刪除我地喺男鹿食一個海鮮丼都好似2千多.
刪除或者茨城近東京掛，所以唔會太平
刪除但係唔會因為啲人驚輻射會平啲咩？
刪除但係似乎宜家驚輻嘅人係香港人而唔係日本人，依D唔太出名嘅漁市場基本上都係日本人去多，不過我又唔明點解仲有咁多人去築地，仲要係香港人，難道嗰度D海鮮無輻射咩?
刪除香港人驚輻射係同日圓匯價掛鈎，日圓匯率越高輻射越大XDDD
刪除日圓匯價高時啲人咪話有輻射唔去囉！
你唔可以用說話去破壞別人的玻璃心．
刪除同意Nerissa所講，日圓越低輻射就越低，仲可能係無添
刪除近年我仲見到個怪現象，我身邊有認識嘅人話因為輻射而唔去東京，只會去大阪，講真我唔認為東京同大阪距離好遠囉，九州沖繩應該仲遠D又唔見佢哋去，唔怪得近年大阪咁多人去，10個有8個都話去大阪
J少，我講事實啫，最憎人諸多藉口
我最反感係啲人聽到你去東北，第一句就係話輻射喎，我咪講兩年前我已經去咗囉！
刪除去日本安全過返祖國，至少我知道我食緊乜，飲既水係點，呼吸既係乜空氣，唔會乜都係大話。
哈哈!我仲大胆，2011年3月地震，同年10月我已經去東北
刪除好多香港人根本就唔熟識東北，一聽到東北、福島就好驚，我屋企附近有間日資百貨，有次做緊會津若松食品節，都吸引咗唔少人買，特別係喜多方拉麵，我同老公阿仔細聲講如果D人知到會津若松、喜多方係响福島縣的話，唔知仲會唔會有人買呢?
我 4月去立山, 7月去仙台空港.
刪除我諗緊下年帶阿女去東北，不過擔心嘅係冬天保暖問題多啲 😅
刪除一定要冬天去?
刪除夏天同秋天都去過，想冬天去睇雪祭
刪除冬天會落雪，雪地好難推住BB車，如果遇著大風雪仲麻煩
刪除其實係咪一定要帶埋阿囡，不如放低俾奶奶睇住，兩個人去算(我會咁做架，哈哈)
等天氣暖D再帶佢去其他有主題樂園、遊園地嘅地方，我覺得阿囡會玩得開心D
原本ㄧ心都係諗住兩個人去就算，但如果連續十日八日喺嫲嫲度湊兼過夜，嫲嫲會好吃力同辛苦，所以先諗緊帶埋阿女去嘅可能性
回覆刪除我都知冬天雪祭對小朋友嚟講冇咩意義又有好多限制，所以都係諗吓先，反正講緊嘅都係2018年年尾甚至2019年初嘅事
2018年尾阿女都只係得3歲幾，如果真係要响冬天帶佢去東北，或者等佢再大D，照顧都容易D
刪除