仲有10日我哋又出發喇!
今次又係我的最愛北海道，北海道真係去極都唔厭
事緣舊年10月的某一日，當我哋响屋企一齊睇緊JP Time節目時 (每個禮拜都會睇)
當時係講緊北海道，我突然湧起咗個念頭對老公講︰「如果換到機票嘅話，不如出年暑假去北海道好唔好?」
老公諗咗一陣答︰「好呀! 即管問問」
跟住即刻去攪掂D哩數，然後打電話去AM問
第一次唔多順利，隔咗一陣再打去，另一個職員竟然又成功幫我book到
Yeah...終於又可以去北海道
今次係我第7次去北海道，老公係第6次，而囝囝係第4次
至於夏天嘅北海道2005年去過一次，相隔已經有7年了
雖然北海道有好多地方已經去過，亦有些未去
不過冬天去和夏天去會感覺唔同，所以去多次都無妨 (係去幾多次都無妨
)
)
總共會去12日，全程自駕 (夏天北海道梗係揸車喇...爽!
)
)
今次行程遍及道東、南、央、北，大致如下︰
第一天︰香港 > 東京成田空港 > 札幌新千歲空港 > 札幌
响成田轉機，去到札幌都晚上8點幾，到達酒店已經9點幾，瞓覺
第二天︰札幌 (取車) > 登別 > 洞爺湖 > 函館
攞咗車第一站去登別，睇吓大湯沼，浸吓天然足湯，行吓地獄谷
去洞爺湖食晏，望吓湖睇吓火山，然後去函館
去到函館時間應該都唔早，到金森倉庫附近散散步，食完dinner上函館山睇夜景
响朝市食完早餐然後去大沼公園，跟住去二世古食lunch，之後遊覽二世古
第四天︰二世古 > 積丹半島 > 余市 > 小樽
神威岬舊年颱風大雨破壞咗部份遊步道仲未行得，雖然係咁，諗住睇得幾多得幾多，真可惜
嚟到積丹點少得食海膽飯
，到余市摘車厘子做飯後果
，到余市摘車厘子做飯後果
小樽去過6 次，都無咩地方要去，行吓運河食晚飯又完一日
由小樽到帶廣中途去南富良野金山湖附近行吓兼食lunch，順便去埋幾寅駅參觀
帶廣係咁意去一去幸福駅、愛國駅望望，去六花亭食個tea咁，再有剩時間先再諗
第六天︰帶廣 > 釧路
釧路主要去未去過嘅丹頂鶴自然公園、濕原展望台、細岡展望台 (其實夏天有無嘢睇呢?)
阿寒湖打算坐遊覽船去睇マリモ，跟住摩周湖、屈斜路湖、琉磺山
知床Villa Hotel Freeze唔係一間酒店
，其實係一間間獨立嘅木屋仔
，其實係一間間獨立嘅木屋仔
知床五湖要導賞員帶領先可以行，收費每人要5,000yen及需時3個鐘
一來要錢二來時間太長，都係行高架木道睇吓一湖到此一遊算數
網走會帶阿仔去吓流冰館及監獄參觀
今次網走酒店會翻兜北天の丘，不過房間及夕食和上次唔同
層雲峽會坐ropeway上旭岳，lunch後去美瑛
激C
啱啱好3個月前朝早send email去book一早心儀嘅Spoon Valley
啱啱好3個月前朝早send email去book一早心儀嘅Spoon Valley
點知竟然回覆話滿室 (都唔知係唔係)
臨急book咗最近某blog友住過評語又唔錯嘅お宿 一凛，期待ing
全日美瑛及富良野，去得幾多地方得幾多
第十一天︰富良野 > 札幌 (還車)
返到札幌便開始買物時間，先揸車到outlet，還車後再行狸小路...札幌駅...希望有時間可以路過大通公園
第十二天︰札幌 > 新千歲空港 > 東京成田空港 > 香港
最後一日，由於要坐13:05內陸機到東京成田，打算一早去到機場作最後衝刺
仲要去行Sky Park、Royce Chocolate Word.... 時間好緊迫
唔計頭尾其實只得10日，10日內去咁多地方會唔唔好趕呢? 
即管試試睇睇
，返到嚟便知答案
，返到嚟便知答案
沒有留言:
張貼留言