早上在酒店食過早餐後,便收拾行李check-out
雖然飛東京成田班機開13:05,但因為新千歲機場開了不少新的景點
所以一早決定早D到機場
09:30左右到達,由於時間尚早,當時辦理要轉機的 counter 仲未開
後來地勤專登為我哋開左counter幫我哋辦理登機手續
攪掂好後隨便行咗一陣shop,跟住去咗新景點 3/F
Royce Chocolate World 好colourful
呀....好驚呀....
(阿仔個頭過大,伸唔哂成個頭出嚟)
玩錯覺
show 道具
到 Doraemon 出場啦!
和真嘅 Doraemon 影完相就出番去
Sky Park 外有
兒童遊樂設施
遊戲機
行完3/F,上咗去4/F
100yen shop
Calbee Shop
老公同阿仔都話要食,雖然時間早咗少少
但又怕遲少少要排隊,最後都決定趁未多人早D食
因為未肚餓食得唔算多,半個多鐘便埋單走人
一出嚟已經有條長長的人龍,只係11點幾﹐好誇張啫
依個拉麵道場都好多人
依個幾特別
之後又去番Domestic 嗰邊
主要搵依個六花亭新產品
即整即食
批中間紫色係ハスカップcheese cream
(ハスカップ係北海道名物,類似藍苺嘅果實,宜家係季節)
外面白色係白朱古力,要凍食.....好好味
食完見仲有少少時間,坐低用電話上吓網,當時香港仲係3號風球
兩點幾到咗成田,因為要等3個幾鐘再上機
去咗International 4/F 行shop,好快行完後又搵地方坐低上網
成田機場個wifi上網好麻煩﹐有時間限制
過咗時就 connect 唔到,要隔一陣再重新 login 先得
斷斷續續咁上網加 whatsapp,期間已經知道香港將會掛8號風球
响UCC食完下午茶便入閘
去到閘口已經出咗notice話由於香港打風,班機可能要轉飛台北
都無計,唯有立刻通知屋企人可能今晚返唔到香港,叫佢哋唔駛擔心
最終班機delay咗半個鐘先起飛
日航飛機餐只有一款
仲有menu說明 (唔逐一介紹,自己睇喇!)
賣相好得
除咗主菜外,左上角係麵豉湯
右上角係JAL Original Drink "Sky Time" 奇異果汁
右下角綠色嗰包係米餅小食,至於左下角係.....
咪就係Haagen-Dazs 雪糕囉...
全個飛機餐雖唔可以講話非常好味,但都唔差
有新鮮感,起碼好過CX
食完飛機餐後不時睇住個飛行地圖,見到架機飛過咗台灣
即表示唔去台北直飛香機喇,開始安心
直至到距離香港約一小時機程時,飛機突然轉彎,又開始擔心
好在轉了一圈後又回復正常向著香港方面再去
當到達香港上空時,機窗外橫風橫雨,但機身不算太搖晃
正當準備著陸接近跑道時,飛機突然抽高加速上升
表示著陸失敗,心裏頓時涼了一截
經過約20分鐘在上空轉咗一圈後,機長嘗試第2次降落
又再當飛機接近跑道時,心情又再緊張,腦內在諗一定要成功
當機轆碰到跑道時,即時鬆了口氣
好囉....終於成功著陸到達香港,好險
如果第2次唔成功的話,機長未必會嘗試第3次
好大機會轉飛去第2度
咁就真係唔知幾時再飛,幾時先返到香港囉...一額汗
原本ETA 22:00,現在係23:04,遲了約一個鐘,唔算多了
飛機停低後,在機艙等咗一段時間
由於停唔到閘口(估計是full哂),要坐接駁巴士
地勤上嚟每人派了一件雨衣,大家穿上冒住風雨落機上巴士
天氣非常惡劣
好快就到咗入境大堂,順利過咗關行去等行李
都幾多人响度等,又唔算太混亂
我哋條行李帶當時有另一班由多哈返港的機正在出行李
我哋一直企响度等
直至那班機D行李出哂,D乘客攞哂,再等咗一段時間都仲未見
由始至終等咗大半個鐘,突然間連我哋班機嘅顯示都無咗
咁即係點? 後來有個地勤走過嚟講由於飛機行李艙門未能打開
叫我哋走去行李詢問處度排隊登記資料
然後航空公司會安排翌日送到屋企
又或者可以翌日返回機場取回
老公話我哋住港島區咁遠當然等佢哋送喇,反正喼內物品都唔等住用
攪掂好行李都已經零晨12點半,已經轉咗9號風球
出咗去諗住去搭的士
點知未到的士站已經有機場職員話起碼要等個幾兩個鐘
仲要唔太多的士入嚟,建議我哋坐機場快線
咁啱有班車就快開,唔理咁多跳咗入去先再算
途中老公話去到中環都可能會好多人,又唔知有無的士
咁我就响度諗吓有咩方法,終於諗起可以向某個人求救
即時check吓佢瞓咗未,好彩未瞓
問佢可否揸車到中環接我哋,然後車我哋返屋企
佢好爽快答應咗,去到中環已經變咗10號風球,等咗一陣車便到了
回家途中看到路旁有不少樹倒塌,又有好多垃圾
第一次10號風球仲响街上
最後於零晨1:30左右平安返抵屋企,感受到一次從未遇過嘅經歷
不過返得到香港都算好彩,萬一轉飛去另一度就真係麻煩
有人話"貴人出門招風雨",慶幸風雨發生在回程,而唔係去程或旅行途中
後來在當晚11:45左右才收到行李,即時打開其中一個喼
看看我那3個蜜瓜
富良野的那個還好,夕張的那兩個買時還是青的
但已經變成熟透,真係難為咗佢哋
~~~~~~~~~~~~~~~~~~~~~~~~~~~~~~~~~
後話
終於用咗兩個多月完成今次個遊記
如果拖得太耐,我個失憶症會越嚴重
有9成幾的行程都能如期去到
某部份無疑有些趕,但都叫做去過睇過
時間最不足相信係美瑛和富良野的行程
下次再去應該要住多一晚會比較好
12日內的天氣應該最差只有在知床網走的那日
其餘的日子算是不錯了
特別是賞花的那幾天天公造美
住宿方面,只有小樽Sonia感覺稍為差些
Ramina、知床Hotel Freeze、Pension Ashitaya及お宿一凛
都是質素很好的民宿
特別是お宿一凛,從未想像到會有高級溫泉旅館的享受
最最開心的當然是北天の丘的意外客房提升
加上美味的夕食,令人難忘
雖然在回程時發生了些驚險刺激的場面
亦慶幸不是發生在出發時
不至影響行程
第8回的北海道之旅極希望可以在秋天季節,相信最快要到明年了....
~~~~~~~~~~~
全卷完
沒有留言:
張貼留言