由於被垃圾留言侵襲,迫不得已在留言內加入驗證功能,不便之處請見諒!

2013年11月10日 星期日

2013 秋︰紅葉、溫泉、享樂@北海道 - Day 4 (三余庵) (上)


不用5分鐘便到達旅館

門口已經有職員在等候
第一時間前來迎接我們


記得2009年來三余庵住時,旅館還是寂寂無名
 (當時我只看過有台灣人的遊記提及過)
斷估不到在這幾年間竟然人氣急升
不但在網上出現了達人
還吸引了旅行團的垂青
既然如此,理應要再來一次
雖然新鮮感稍欠
但十勝的溫泉及旅館的食事還是非常吸引


上次是春天5月時份,今次是秋天


坐下不久,女職員便送來茶及甜品


一邊享用茶點,一邊辦入住手續
其間女職員還跟我們傾談了一會
大致是問我們會玩幾多天,此行目的是什麼等等
我亦順帶告訴她這是我們第二次來住
然後她好開心的問是邊年邊月
我還留意到當我們傾談時,她會用筆寫在簿上
循例介紹一下旅館設施及約好夕食時間後便帶我們上房間
房間在最高層3/F (上次是住2/F的洋室)


一早於2月尾時已經在官網預約了
不過一個月後看見有早割價錢,又更改了一次
還用電郵要求指定部屋 - たけくらべ
溫泉ひのき風呂付和室【庭園側】


進門後右邊是mini bar



雪櫃裏有無料飲品


旁邊的門是洗手間


 再進去是客廳



客廳外有個露台


望內園景,景觀開揚


對面是十勝第一酒店


側望可看到十勝川大橋


客廳旁有個10.5畳的和室


和室另一邊是睡眠區


房間面積有55平方米


客廳另一個門口裏面是浴室




推開玻璃門便是私人風呂



選擇這間房主要是為了這個圓形的檜木風呂
旅館大多數房間的檜木風呂都是長方形
上次住的洋室也是長方形
只有這間たけくらべ才是圓形


另一道玻璃門拉開通往露台



影完相整理好行李後又到浸浴時間
然後一直房間Hea,看看電視上上網
原來旅館有wifi設施,之前一直在官網找不到資料

直至晚飯前到大堂四處走走


バー「道草」有飲品試飲




要了兩杯試試


然後又走到大浴場望望



見無人影幾張相


男女湯晚上9點後會對調


夠鐘食飯

今晚夕食餐單


另有一張講及夕食材料的產地



一人一杯果汁


夕食的食前酒
(我們也不是滴酒不沾,如果酒精成份不高,容易入口的話
也會飲的,這杯帶少許酸味,酒味不太重可以接受)


先附︰NEEDSチーズ豆腐 生湯葉 蝦夷鮑酒蒸し
(幕別的手作芝士豆腐,函館的蝦夷鮑)



前菜︰大助  冬瓜  柚子酢味噌 (根室大助)
吸酢 順才  オクラ  ずわい蟹 (鄂霍次克海松葉蟹)
合鴨マスタード煮 (滝川合鴨)
(賣相精緻,好看也好食)






凌ぎ︰新得そば  蕎麦出汁ジュレ  牛蒡天  山わさび  マーシュー
(從未試過這種烹調的蕎麥麵,好特別)


お椀︰吹き寄せ真丈  きくらげ  銀杏  栗  粟麩  車海老  松茸 酢橘


お造り︰本鮪  牡丹海老  目抜き  塩コンブと海苔のソース


本鮪 (鮪魚是藍鰭吞拿魚)


紋別牡丹蝦


根室目抜き


焼き物︰黑毛和牛ヒレ炭火焼き


十勝黑毛和牛
(這十勝牛比昨晩的富良野牛好得多,不會食到一口油)


焼き物︰タラバ蟹


鄂霍次克海鱈場蟹
(燒得很香)


當和牛及蟹放上枱前,職員給我們每人一隻碟
然後把牛及蟹一併放在我們面前
好像已經知道我們會share來食,十分好的安排
以往每當遇上某道菜是二選一時,我們喜歡每款各一
然後share來食,但每次總是各自食完一半後再給對方
今次可以一起食,不用轉來轉去

跟著清一清味蕾


炊き合わせ︰インかの目覚め  しめじ  ズッキー二  玉ねぎ  インゲン
揚げ蓮根 和風グラダンソース



酢の物︰蛸  甘海老  胡瓜 茗荷  梅ジュレ



お食事︰とうもろこしの炊き込みご飯  枝豆  赤出汁 香
(混入粟米及枝豆的米飯,比一般白飯好味得多)


甘味︰抺茶のアイスケーキ  紫花豆  オレンジ  ぶどう  いちこ
(綠茶雪糕蛋糕、紫豆、橙、葡萄、士多啤梨)


在辦理入住時,女職員曾經問過我們今次來北海道的目的
是否會是慶祝結婚週年或是其他原因
當時我曾經猶豫了一陣
雖然今次主要是一年一度的秋季旅行
但又確實也是順道補充結婚週年紀念
在不太好意思下也承認了,接著又問這是第幾年

原來她主動問是有目的
是想為給客人一些驚喜

當我看到這甜品碟時,再加上旅館職員的祝賀
真的好開心好感動
雖然只是幾個字,但已經感到好窩心

可能這只是旅館慣常做的事
不過在客人心裡總會有開心驚喜的感覺


其實生果除了提子及士多啤梨外,還有蜜瓜、楊桃及柿等


最後當然還有這籃宵夜



美味的食物,細心的服務,再加上意外的驚喜
今晚是整個旅程最開心的一晚

回到房間休息一會
然後浸完溫泉後便進入甜睡夢鄉了


17 則留言:

  1. 體貼的安排和驚喜,真的很窩心呢 ! :'>
    那道十勝黑毛和牛和燒蟹真的超級吸引 =P~

    回覆刪除
    回覆
    1. 確實係好體貼窩心,難怪有人一而再,再而三去住
      當然每間旅館除了好的服務、溫泉、部屋及食物可以令客人留下深刻印象外,花心思的驚喜及體貼的安排絕對會令客人難忘::_368
      雖然相隔4年,但旅館各方面不但沒有退步,反而有進步,相信我們會來第三次::_342

      刪除
    2. 我唔知點解會又 click 咗入嚟.... 我都唔知自己會唔會有下一次了, 哈哈~~~

      刪除
    3. 証明你潛意識對佢都仲有種情義結,既然咁放唔開,繼續再觀望一下,或者遲D會有改進呢..

      刪除
    4. 有緣的話, 可能等佢有新元素先再考慮.
      否則都極少機會去道東.

      刪除
  2. 嘻,讚!對小肥個人嚟講三仔系值得花時間享受嘅旅館。我近年都系破冰後落帶廣,太勞碌,所以,選第一既自助餐平Plan。要揾次由札幌過嚟,或者先住釧路先會排三仔入行程。。。anyway,先你地享受,自己都開心 ^O^

    回覆刪除
    回覆
    1. 所以你明白為何某人現在已變成達人了::mm2373
      其實第一都唔錯,房間望十勝川大橋簡直無得彈::mm2374
      不過現在對食自助餐會有D保留,但一班人食會開心D,兩個人較喜歡食會席,唔駛行嚟行去::mm1582

      刪除
  3. 結婚周年おめでとう! ::_382

    回覆刪除
  4. Oh 23 years already, congratulation
    我最鍾意燒蟹, 呢間的食物令人食得開心又放心::mm2254

    回覆刪除
    回覆
    1. 多謝!

      你唔食牛咋,十勝和牛一樣都very good:-bd

      刪除
  5. 嘩, 你呢間旅館都好正啫, 風呂同食物買相都一流!!!

    回覆刪除
    回覆
    1. 係呀,唔單止風呂同食物,服務仲好好:-bd

      刪除
  6. 其實我都不厭其煩講過好多次, 論食材或質素, 佢地一定唔算頂級.
    但考慮到價位及親切的服務, 好多旅館有排都追唔上.

    旅館我都住過唔少, 有時可能會好彩遇到一兩個好 nice 的職員. 但依度係每人位都真心對待客人的, 你會感受到佢地唔係單純表面對你好, 而真係希望令到客人開心而滿足的.

    好多高級旅館都係得個殼, 欠缺叫人再訪的吸引力. 始終令人難忘的宿泊體驗, 人是佔了最大因素.

    回覆刪除
    回覆
    1. 最叫我驚訝的, 係自從第一次住過之後, 我地揀過邊一種枕頭, 邊個瞓左右佢地都會 mark 低.....

      Feedback form 寫過的意見, 佢地下次會同你講有咩已經做到, 有咩仲未改善.

      刪除
    2. 非常同意,我記得一路同位女職員傾計,佢就一路mark低响本簿度,而且仲好主動咁問你依樣嗰樣,當我話俾佢聽我哋係第二次入住時,佢好緊張咁問係幾時,因為上次我係經Jalan book,所以佢哋應該無留意到

      所以我應該會再訪第三次,下次會揀冬天

      刪除
    3. yes, 收你咁啲價錢, 比番咁的質素同服務, 好抵了...

      刪除