由於被垃圾留言侵襲,迫不得已在留言內加入驗證功能,不便之處請見諒!

2013年12月27日 星期五

完成了!!!!


隨著yahoo blog已經關閉,歷時一個多月的搬blog行動亦完滿結朿,26個遊記4百多篇的舊blog終於用螞蟻搬屋方法 (copy & paste) 成功由YB 搬咗嚟 blogger。

最初見好多blog友會利用YB的備份滙入嚟blogger,雖然睇咗好多教學,但都無辦法睇得明,反正yahoo可以幫我搬去另一個家,一心諗住搬咗後放條link响blogger,需要時click入去睇就得。

誰不知當我在10月尾正式向Yahoo備份時,竟然會出事 (詳情在此),等咗兩個幾禮拜都話我個備份有問題暫時未能解決,當時除了氣憤之餘~X( 還好擔心個問題唔知幾時先解決到:-SS 後來好好心的小肥提議我不如試吓用copy & paste方法搬過嚟,咁就事不疑遲立即行動。

首先跟上述方法搬一個早期的遊記 (因為相少字少篇數少),好快便完成了,似乎又OK喎,雖然後來好快yahoo都成功send咗個備份俾我,但我見既然都開咗個頭,做落又唔難,係要花些時間,而且小肥叫我可以先copy落google doc,然後有時間再copy過嚟blogger,就算YB關閉咗都唔驚,不過我有時係同步進行,終於响今日大功告成,Yeah.....<:-P 

宜家諗番起應該要多謝yahoo,唔係因為個備份問題,我諗我唔會有衝動去搬blog囉.. 雖然真係花咗唔少時間,仲拖慢咗個北海道遊記進度,但宜家見到個blog可以齊齊整整,感覺好開心!!!:D 

至於YB的留言,我沒有copy過嚟,不過我有備份响google doc,想睇的話可以隨時開個file睇,反正裏面有D係私人留言,我都唔想將佢公開[-X 

好!  要全速快D寫完個北海道遊記,完成遊記後又要plan行程了......:)) 


備註︰從網友コーさん提供的資料所得,google 相薄有機制,如果你短時間去load好多相,即不停click入去睇D舊post,由於係copy & paste原因,會有rate limit exceeded問題,佢會暫時停止你(自己)IP,相片就會出現死圖現象,如果當你遇到依個情況,過一陣再click入去睇就會恢復正常。

17 則留言:

  1. 恭喜恭喜!::_1912

    又有一人完成創舉。

    回覆刪除
    回覆
    1. 多謝! 無法喇...鬼叫自己睇唔明咩,加上YB又多相,D相size又大,YB個備份竟然有成七十幾個zip file

      其實依個方法搬家,甩漏嘅情況唔多,有時間去做都OK嘅...

      刪除
    2. 哈,原來有“2012 秋‧東京、千葉”睇,又有得做功課喇。

      刪除
  2. 我睇咗幾篇舊 post d 相好似出唔到?

    回覆刪除
    回覆
    1. 無事啦:), 可能我部電腦 load 相慢, sorry ::_359

      刪除
    2. 我自己睇都有依個問題,係咪無辦法解決? 一定要等時間過咗先再睇到?

      刪除
    3. 係呀,我連用 ipad 睇都一樣出得好慢。

      刪除
    4. 其實我近幾個遊記,每篇都放咗唔少相,我估每篇約有60-80張或者仲多D,所以應該load得比較慢,舊少少嗰D遊記相少D應該會好D

      刪除
    5. 3J, 我之前就用"lazy loading"(好似同你講過?),即scroll到果個image先load,唔洗短時間一次過load。

      其實除非好快,一兩秒就睇完一篇,正常睇文速度應該唔會有問題。

      刪除
    6. 如果你新遊記,自己一幅褔upload去blogger,問題不大。
      如果係舊post copy-and-paste,可能有rate limit exceeded問題。

      頭先再試,係呢度好快亂click一通(舊post),大約第七,八次就死圖,好耐都未恢復。
      之後我reset自己modem(換新IP),再睇就無事。

      証明:就算exceed limit,係個別讀者問題,其他人無事。

      (我好似越講越遠)。

      刪除
    7. 多謝你提供嘅資料,我已經响內文加咗備註,講真我自己都唔係經常click 入去睇D舊post

      BTW, 點樣可以將D留言加入網友個頭像和文章標題

      刪除
    8. 剛剛係我blog度答咗。你睇睇。

      刪除
  3. 你好....

    我搬左黎呢度幾個月....D 相都未執好....唉..

    回覆刪除
    回覆
    1. 唉...我最怕係執相,好在我copy過嚟D相每張嘅size係一樣,不過都大咗少少,只要改番做原始大少就可以

      刪除
  4. 我仲逐篇執、逐篇匯入緊 …… 都唔知匯o左有冇 1/8 …… ::_2130

    回覆刪除