由於被垃圾留言侵襲,迫不得已在留言內加入驗證功能,不便之處請見諒!
2014年4月3日 星期四
2014 春の南北關東賞花遊湖之旅 - 行程
距離上次去北海道返嚟到現在足足有半年多無去過日本了,連續睇咗兩年櫻花,今年想轉轉口味。
舊年見過網友5月去睇藤花和芝櫻,覺得好靚,好想去睇,咁就近近哋去關東喇...
日期定咗5月初,由於行程最初幾日仲係日本黃金周假期,所以行程安排上都幾頭痛,除咗假期間要儘量避免自駕,加上一個响栃木縣,一個响山梨縣,並唔順路,最後決定買張3日關東Pass先上栃木縣足利フラワーパーク,然後再租車自駕去富士山睇芝櫻,順道會去埋箱根。
買得Pass,當然要儘量利用,除咗第一日由成田去東京外,第二日會去軽井沢,自從06年去過一次軽井沢後再無去過,都預咗假期會多人,只係諗住行吓outlet及舊軽銀座商店街。
然後第三日去栃木足利睇藤花,回程或者會上一上去那須塩原,其實去唔到咩地方,只不過反正用Pass唔好浪費嘛,當係遊吓新幹線車河囉....
接著4日3夜會租車去箱根富士山,數番原來上次去箱根富士山已經係12年前嘅事,而富士山都只係去咗好少地方,plan行程時先知富士五湖周邊都有唔少景點,所以淨玩富士山都佔咗3日2夜。
最後一日响東京,到時再諗去邊,大概行程如下︰
第一天
香港 > 東京成田空港 > 品川
住宿︰東橫Inn品川駅高輪口
第二天
品川 > 東京 > 軽井沢 > 小山
住宿︰イーホテル小山 (E Hotel Oyama)
第三天
小山 > 富田 > あしかがフラワーパーク (足利 Flower Park) > 那須塩原 > 東京 > 品川
住宿︰東橫Inn品川駅高輪口
第四天
品川 (取車) > 小田原 > 箱根
住宿︰きたの風茶寮
第五天
箱根 > 山中湖 > 河口湖
住宿︰風のテラスKUKUNA(くくな)
第六天
河口湖 > 富士芝桜まつり会場 > 五湖周邊觀光 > 河口湖
住宿︰富士レークホテル (Lake Hotel)
第七天
河口湖 > 富士山五合目 > 御殿場 > 上野 (還車)
住宿︰三井ガーデンホテル上野 (Mitsui Garden Hotel Ueno)
第八天
上野 > 東京成田空港 > 香港
實際行程等返嚟再詳述
仲有一個月出發!!!
(原本依篇打算兩個星期後先出,不過見個行程應該唔會再有太大改動,咁就早少少post出嚟俾大家睇吓喇...)
訂閱:
張貼留言 (Atom)
::mm1581 好似好正咁 . . .
回覆刪除希望正喇...
刪除等你返黎參巧參巧~~
回覆刪除好...
刪除羨慕.....我都好想睇藤花, 不過時間永遠配合唔到, 唯有等睇你既靚相啦
回覆刪除我都係第一次睇,好...到時up多D相上嚟
刪除終於都啟動喇, 倒數~
回覆刪除5月, 11月, 有命的話退休先可以去.
依個trip等到頸都長,今年我都係遲你少少啫..
刪除你寫遊記又咁快手, 咁你下次唔好再隔咁耐先去一轉喇, 得閒就 plan 多轉二人世界嘛.
刪除其實一年四季之中去旅行最舒服係春秋兩季,冬天除非去睇雪,夏天又太熱,不過今年就阿仔放暑假都可能夏天會去一轉 (未定)
刪除阿仔唔响香港,日日都係二人世界喇....XD
正喎, 又有得坐火車, 又有得自駕, 自從試過一次塞車, 真係好怕, 所以選擇日本假期搭火車係明智決定...
回覆刪除最後一日係東京, 去食甜品 ::mm1568
我哋都好喜歡坐火車架...又快又慳時間,時間又容易控制,不過係行李處理方面有時幾傷腦筋
刪除我只係對北海道嘅甜品興趣較大
一打吖唔該
刪除http://www.snaffles.jp/store/tokyo_yurakucho/
青山的 Pierre Hermé食甜品呀!
刪除咦...係喎...醒唔起見你去過添...
刪除一打,你自己去仲食唔夠咩? 我仲遲過你喎...
:)) 「第六天」都應該早過我上富士山?
回覆刪除第二,二係咪用Kanto JR PASS?
上面第二條問題,已經解決。
刪除我早過你出發嘛...
刪除如果去"富士芝桜まつり会場"時遇上星期六日怕會好多人, 上次就係紅葉祭+星期六日, d 車喺河口湖塞車打晒"困籠"完全無辦法喺河口湖是但一處停低行吓.
回覆刪除我去嗰日係星期四平日,應該會好D,之前嗰晚住河口湖,由河口湖去會場大約半個鐘,希望10點前去到唔會太多人喇....
刪除聽講假日去,塞車都塞o左 3 個鐘 ? :-SS
刪除如果由東京入去的話都唔出奇架,由河口湖出發相信會好D
刪除我都係「舊年見過網友5月去睇藤花和芝櫻」之後好恨去的,可惜 Ricky 唔肯同我去,唯有睇你o的相了 ::oo2055
回覆刪除點解呀...Ricky唔鍾意?
刪除其實想問,藤花係咪比較“人工化”?
刪除好似得幾棵藤樹,加個棚的東西,將藤花散出來欣賞?
我睇 http://flower.enjoytokyo.jp/fuji/
好多藤樹數量都好少。
我無研究過藤花種植過程,只係覺得外觀比較特別,碰啱又係依段時間開花
刪除東京附近係有幾個藤花名所,但あしかがフラワーパーク規模較大,數量較多,而且晚上仲有light-up
藤花都有唔同品種和顏色,開花見頃時間都唔同
http://www.ashikaga.co.jp/season/season03/index.html
有睇過あしかが,說是全國最大藤まつり,對我來講比較遠。
刪除我住横浜,可能半小時去「横須賀市立しょうぶ園 ふじまつり」看看,到時再算。:)
距離東京係唔近架,所以前一晚住小山,第二朝一早搭両毛線去富田再行去公園,早D去到希望無咁迫人喇,如果唔係因為GW假期,我可能直接揸車上去添
刪除車程大約1h30,其實我第一天全日無乜野做,8AM攞車,本想去上野動物園+Skytree,夜晚返富士山下瞓覺。
刪除如果去足利,我諗會去埋秩父芝桜囉,行大運。>:)
都曾經有諗過去埋秩父,好似芝桜嘅時間唔太好(唔記得) ,加上唔想趕嚟趕去,假期又多人,反正都去睇富士芝桜,所以放棄
刪除Ricky 話對芝櫻冇興趣喎 ! :-w
刪除睇落足利又真係好似值得去⋯⋯秩父就算la,果條山路要行好耐。
刪除CK, 冇興趣咪去第二度囉,無所謂喇...又或者等我返嚟post多D芝櫻相,睇吓可唔可以吸引到佢
刪除コーさん,仲有時間再諗諗佢
刪除路人甲: 藤花係用棚將藤花散開, 排列 . . . 當見頃時會好一大片紫色嘅雲霧喺你頭上面. . . 好鬼正架!! ::mm2217 至於, 咁做法算唔算人工化, 我諗, 富田嗰D 都會算系囉 . . . 因為, 根本唔系野生嘅花, 都一定系人工種啦.::mm2065
刪除係呀,決定去以前,做咗功課,最快係睇youtube。:))
刪除最初估唔到,一棵樹可以撐到咁大範圍。
CK鼠, 你同Ricky講你唔同我去我自己1個人去, 咁佢就會陪你去啦!! >:)
刪除3J, 我記得你好似去過成田同埋高尾山,可唔可以俾條link 我?唔該晒 ::vv4081
回覆刪除成田
刪除http://www.nrtk.jp/
高尾山
http://www.takaotozan.co.jp/index.htm
唔該晒, 其實我係想睇你個 blog 既 post.
刪除google
刪除site:3jfamily.blogspot.com 高尾
就有喇。
哈哈...會錯意添...
刪除同一個trip同一個遊記嚟架...
芝櫻我一直都想睇, 不過未安排到, 惟有睇住你啲靚相先!!
回覆刪除幾年前响北海道已經睇過芝櫻,只不過今年唔想睇櫻花,5月正好係睇芝櫻,順便上去足利睇藤花,藤花外形好特別都好靚架,會擺多D靚相嚟放毒
刪除3J ~ 你睇一下- 今年あしかがフラワーパーク藤花已經開花了::mm1630
刪除Yes..::mm2254
刪除仲有3個禮輪到我發花顛喇..::mm2185
到數緊..::mm2217
一個二個都去賞花住靚酒店食好嘢, 越睇越想去......
回覆刪除想去就去喇...
刪除週間天気出哂,算是不錯。
回覆刪除http://weather.yahoo.co.jp/weather/week/3.html#kanto
都算OK,但願如此
刪除