由於被垃圾留言侵襲,迫不得已在留言內加入驗證功能,不便之處請見諒!

2014年5月29日 星期四

2014 春の南北關東賞花遊湖之旅 - Day 4 (II) (箱根)


一點多鐘來到箱根湯本




原本想在這裏行一會
可惜附近的停車場全都滿,有一個又離得太遠
算了走吧,反正人又多


下個目的地是大涌谷

一直上山,越上越大霧
當距離目的地約1公里時開始有車龍
後來知道應該是排隊入停車場


排了約10分鐘,感覺不對路
不知還要排幾耐,加上上面可能因為大霧而什麼也看不到
到不如不要浪費時間放棄算了

回頭時車龍更長



唉!  以往曾經來過兩次大涌谷
第一次因遇著打風
第二次亦因強風而吊車停駛
兩次因天氣不佳而未能去到
今次又是去不成,莫非整定與大涌谷無緣

去不成大涌谷,唯有去下個地方















強羅公園開幕於1914年
是日本唯一一個法式庭園
佔地面積有36,300平方米




園內最多的是這ツツジ (杜鵑)





還有個Rose Garden,不過未到花期


另一邊的熱帶植物館






熱帶ハーブ館 (Herb)



最後去看這個春の山野草展





行了大約一個鐘左右

然後到芦ノ湖畔






再去桃源台


芦ノ湖是一個火山湖,周長18公里,湖面海拔7百多米
在冬天也不會結冰,已有4千年歷史





在湖畔見不時有陽光射入,當時已經接近4點
理應要到旅館
可是去不到大涌谷始終有點心心不忿
總有些耿耿於懷
加上天氣好像比早前好了些
跟老公相量決定再去多一次大涌谷

由於時間不早,一路上都很暢順
已看不見有車龍
十多分鐘便到達大涌谷






果然天氣比早前的好,霧氣散了很多

向著大涌谷自然研究路直上



便是硫黃溫泉山

大涌谷是3000年前上一次箱根山噴發時
在火山口附近形成的區域














上到來大涌谷,不能不試著名的黑玉子


一包5隻售500yen


在地熱與火山氣體化學反應下的「黑玉子」
是把生蛋放進溫泉池煮後
造成鐵質(溫泉池的成分)附著在多氣孔的蛋殻上
然後鐵質又與硫化氫產生反應變成硫化鐵(變黑)
形成具有黑色蛋殻的溫泉蛋


兩個人一次食5隻實在太多
我們只食了3隻,另外兩隻留待明天


食完黑玉子後沿路返回停車場







好開心成功來到大涌谷,任務終於完成,不用再來第四次了

在大涌谷又耗用了接近一個鐘
時間不早,要趕快去旅館
今晚入住的溫泉旅館
不但是全程最貴的一晚
還是最期待的一間旅館


24 則留言:

  1. 我依類"旅館控"若果四點都仲未 check-in 已經發咗癲不斷鬧人, 仲點會追景點.
    除非間旅館之前住過, 或者明知無咩地方影啦.

    回覆刪除
    回覆
    1. 我知,我老公後來都有話應該早D入去旅館,最衰之前上唔到大涌谷,因為強羅公園可以唔去,如果去得成的話,頂多去埋個芦ノ湖影幾張相就會入旅館

      哈哈...好彩我老公唔似你,唔會發癲鬧人啫...

      話時話間旅館真係唔大,足夠時間影相

      刪除
    2. 架車在我手, 我會逼人走啦, 唔比停去廁所啦, 鬧前面啲人行得慢啦, 鬧警察捉我浪費時間啦, 鬧人地買野唔快啲比錢啦............... 下刪一萬字.

      跟我去的人係有苦自己知.....

      刪除
    3. 嘻嘻....又唔好講到自己咁差!!!!!

      刪除
    4. 嘩...你都幾無賴喎,不過我諗你老婆都習慣咗了...

      哈哈...旅館係我book,行程係我plan,所有資料响我手上,我話去邊佢就要車我去邊

      跟我去的人就咩都要聽我話....

      刪除
    5. 哈哈....好似我呀! 揸車果個只係"車手"+"苦力"一名^^"

      刪除
    6. 咁我算係咩?全包宴?
      ::ee5059

      刪除
    7. 我好似係以上所有+相機佬。

      刪除
    8. 可以嘅話我都想我老公係全包宴...哈哈! 相機佬就唔駛,佢影相手震....架!

      算喇...做人唔得咁貪心嘅....:D

      刪除
    9. 嘻嘻 ! 我都有個"車手"+"苦力"+"相機佬", 所以今次去台北冇咗呢個隨行好辛苦 ::mm1613 , 拎野拎到手軟.

      刪除
  2. 其實坐船遊盧之湖係咪睇唔到富士山呢, 我上次坐船藍天白雲望來望去都睇唔到富士山!!

    回覆刪除
    回覆
    1. 10幾年前坐過一次,不過遇著落雨咩都睇唔到,我今次無再坐,正路係話睇到,其實大涌谷上面都睇到,不過當時好厚雲又係睇唔到

      刪除
    2. 睇到喎。
      記得盧之湖,元箱根有個photo spot,可以影盧之湖+鳥居+富士山。

      刪除
    3. 盧之湖去咗三次但冇一次睇到富士山.

      刪除
  3. 好囉,本來我都要去強羅公園睇つつじ,依家唔洗自己去都有得睇。:))

    大涌谷就上過好多次。以前上係撘ropeway,無難度。自駕的話,我係大涌谷車程十分鐘的姥子住ペンション,第二朝八時就上,都無難度。不過回程時就見到好似你相中的車龍。

    自駕果次,我一家六個。外父自已行去買黑玉子,想買兩隻,舉起兩隻手指,點知買咗兩包共十隻返來,成個旅程都食唔哂。

    回覆刪除
    回覆
    1. 我上次就係因為大風ropeway停駛先上唔到去,今次都曾經見過ropeway响半空停咗一陣先再行

      佢pack好咗一包包,5隻一包,我見不停有人幫襯,因為有好多旅行團上去,500yen都幾好賺

      刪除
  4. 行公園, 好鬼詩情畫意哦.....期待你最期待既溫泉旅館!!

    回覆刪除
    回覆
    1. 比起你哋同J少住嗰D,我依間都只係中上啫...仲要住最cheap嘅房,下篇就係喇...

      刪除
  5. 當年去箱根,又大霧又大雨,求其撘過晒下o的交通工具就算,大涌谷上到冇野睇 (超大霧) 都算,之後冒住大雨又搵o左好耐再行餐死先搵到間旅館,回港後仲要發覺呢日o的旅行相片冇o左 9 成 (當年係燒落隻 cd 度的),所以箱根對我o黎講冇咩印象、只有超級黑仔的經歷 ::_2439

    回覆刪除
    回覆
    1. 我去過兩次箱根天氣都係唔好,今次諗住去富士山先打算再去箱根行吓,所以都無諗住去好多地方,最想去係大涌谷,好彩最係我唔放棄先成功

      睇吓將來有無機會再去過喇...

      刪除
    2. 我以為箱根個個都經常去?以前自由行興住新宿,永遠係小田急都有roman屎卡出發去湯本,即日來回都唔耐。

      刪除
    3. 我自己都未去過喎, 新年去箱根都係為咗食個 lunch 就閃.

      刪除
    4. 自從初初自由行去東京時去過箱根後,再去日本都會去D未去過嘅地方,當年我都係買箱根pass去玩﹐,今次如果唔係去富士山都唔會諗住再去箱根

      刪除