由於被垃圾留言侵襲,迫不得已在留言內加入驗證功能,不便之處請見諒!
2014年6月18日 星期三
2014 夏の山陰︰行程
趕完5月個遊記,終於可以專注番個新旅程
事緣3個月前當阿仔確實咗返香港日期後,忽然有個念頭,打算趁住7、8月暑假旺季前同阿仔去一轉旅行。一開始無諗過去日本,因為天氣熱,好怕夏天去,後來除咗日本又諗唔到有咩地方想去,最後終於決定去日本。
5月時已經去過東京 (9月仲有一轉),唔想又再去東京,然後諗到大阪,近郊的地方好多都去過,況且今次只係打算去5、6日左右,再睇一睇地圖,好似只剩下山陰未去,咁就決定去鳥取及島根。
幾年前曾經有諗過去鳥取,主要為去砂丘,但每次去關西那邊唔係時間唔夠,就係唔順路,不過鳥取、島根真的好難可以順路去到。
不計頭尾,4日時間只玩兩個縣的話時間應該都夠,第5天會有半日在神戶消磨,至於大阪市內除了行街外,亦無什麼地方想去,算吧..
行程如下︰
第一天
香港 > 大阪関西空港 (取車) > 鳥取
住宿︰鳥取グリーンホテルモーリス (Green Hotel Morris)
第二天
鳥取砂丘 > 鳥取港海鮮市場「かろいち」 > 浦富海岸
住宿︰鳥取グリーンホテルモーリス (Green Hotel Morris)
第三天
鳥取 > 白兔神社 > 二十世紀梨記念館 > 米子 > 境港
住宿︰スーパーホテル米子駅前 (Super Hotel)
第四天
米子 > 島根足立美術館 > 出雲大社 > 日御崎 > 宍道湖
住宿︰しんじこ温泉なにわ一水
第五天
宍道湖溫泉 > 神戶 > 大阪関西空港 (還車)
住宿︰ホテル日航関西空港
第六天
大阪關西空港 (早機) > 香港
距離出發仲有一個星期
訂閱:
張貼留言 (Atom)
::mm1630
回覆刪除鳥取砂丘一日夠唔夠?個個都話要就天氣“補飛”。:))
咁熱行砂丘, 應該唔駛1日, 唔夠1個鐘都熱到調頭走..... >:)
刪除如果一早去係咪應該好D呢?
刪除早啲去少啲腳印, 哈哈~~~
刪除幾年前我試過响杜拜30幾度著住拖鞋行沙漠都OK喎,雖然當時係黃昏時間
刪除著拖鞋上行砂丘最高點(馬背), 我驚跣死你喎, 啲人一係赤腳, 一係著鞋(不過入晒沙), 咁熱天氣, 赤腳的話.....清晨當然係最好啦, 有好多風紋, 不過要早起身喎!! >:)
刪除我未決定著咩鞋行沙好,或者布鞋,如果D沙唔係太辣腳,其實赤腳係咪仲好D呢?
刪除清晨又未必可以咁早起到身,或者去到都要9、10點了
鳥取行程會彈性處理,到時睇天氣再安排
回覆刪除距離出發仲有一個星期=>真係快得交關^^ Enjoy the trip!!!!
回覆刪除係呀..所以要快快攪掂個遊記,不過好在係去東京前已經plan得7788,如果等返嚟先plan就無時間了
刪除多謝!
所以唔可以聖誕新年都唔去, 要去的始終要去, 去少咗就要補番.
回覆刪除BTW, 依個 route 我曾經 4月去過. 足立美術館唔知依家仲有冇半價.
鳥取二十世紀梨記念館好多野睇, 記住預多少少時間. 附近的 とっとり花回廊都唔錯, 但唔知你依家係咪對花飽晒.
刪除去旅館 check-in 前可以停一停島根県立美術館, 嗰度望宍道湖都幾靚. 不過你大可以到旅館慢慢再睇, 包括日落.
聖誕新年無時間去嘛...
刪除有呀..我上星期去旅遊展攞咗D書仔裏面有話憑外國人護照有優惠,好似係1,100yen
我考慮咗好耐去唔去好,因為入館料實在太貴,成2,300yen/人,其實我只係想入去睇個庭園,對D展覽無乜興趣
天氣咁熱唔睇花了,我係有打算入旅館前會停一停鳥根県立美術館,旅館响對岸,望湖個角度唔同D嘅...
刪除半價我認為係超值, 記得借聲音 Guide.
刪除收到...
刪除嘩, 咁快又出發, 玩得開心d呀!
回覆刪除係呀..多謝!
刪除鳥取沙丘我上次都想去, 不過行程關係冇去到. 山陰其實都幾多嘢睇, 我上次冬天去, 天氣陰陰沉沉仲好寒... 我唸夏天去應該天氣好好......
回覆刪除所以我今次集中去山陰算了
刪除其實我比較喜歡春秋時間去,夏天會又熱又曬,不過去嘅話又當然想天氣好
咁啱嘅,我又去山陰呀~~玩得開心啲
回覆刪除咁啱﹐,你幾時出發?
刪除廿九呀,似乎你先
刪除白兔神被社o的御守好鬼靚的,留多o的彈藥呀 ! >:)
回覆刪除去到睇睇先..
刪除請問你這個遊程是用那家"流動上網'服務? 接收能力可ok? 聽關E-Mobile 在山陽山陰區域接收不太好。
回覆刪除唔太記得了,依家個網絡接收會唔會好D,不過自從上網咭越出越多又平,所以依年幾去日本已經無租router了
刪除謝謝, 明白了。
回覆刪除