由於被垃圾留言侵襲,迫不得已在留言內加入驗證功能,不便之處請見諒!

2015年3月30日 星期一

2015 復活節一個人關西賞櫻の旅


難得的5連休假期,可惜老公一早講過復活節假期中有工作,不能去旅行,所以剛去完的英法之旅也要改在3月中出發。

原本已疊埋心水5天假期在香港無聊地渡過,豈料在農曆年前一個星期的某天在網上看了今年日本櫻開花予想的資訊,櫻花開放時正好遇著復活節假期間,突然好想利用那幾天假期去看櫻花。


雖然櫻花也看過好幾次,但時間配合也不妨一看再看,再者真不想難得的假期白白浪費。


老公無時間但我有時間,從而想到不如自己一人去賞櫻,還可以趁機體驗一人旅的感覺。


打鐵趁熱,即晚便和老公相量,最初老公也有意見,雖然我也曾試過和朋友或親人去旅行,但從未試過一人旅,他似乎有點不放心,不過最後也應承了。


在未得到老公批准前已經在網上搜尋機票,踏著5天假期已有心理準備機票價錢一定貴,就算貴也未必有位,加上距離日子只有一個半月,有位的機會不太高。


那時心想只要有位,廉航也不介意,可是原來廉航也不廉,那幾天也要6、7千,東京又比大阪貴。最後終於找到在日航訂票坐國泰機但來回要停台北HK$6,XXX (連稅) 午去早返的機票,差不多的價錢當然坐國泰好過坐廉航雖然要停台北會花多些時間。


搜尋時還有3/4去7/4返的機位,可是當晚正想預訂時回程已無位了,無奈只好提早一天2/4去6/4返 (同價)。一心以為可以不用請假,好不情願地最終也要請一天 (今年剩餘的年假想儘量留給下半年用)。


可能有人會問何不找個朋友/親人一起去?  因為一來決定時間太倉卒,沒太多時間給人家考慮,二來機票價錢實在不是便宜,亦無謂要人家陪我破費,就讓自己一個人去任性算了。


由於只得3整天的時間,景點只會去一些賞櫻地方,除了大阪,還會去姬路城及京都。


至於酒店,慶幸在未訂機票前已找到,賞櫻季節大阪酒店房間非常緊張,加上4連泊,大阪駅、梅田、心斎橋、難波這些地區已沒甚麼選擇,即使有的都很貴,而且位置又不太好。非常幸運最後在新大阪駅找到間位置方便的酒店,其實一開始都打算住新大阪,去京都神戶都很方便,雖然價錢亦稍貴,既然6千幾的機票也不吝嗇的話,酒店價錢亦不會是問題了。


可是今天剛 check 過天氣,那3整天竟然會落雨,唉! 

剛回來幾天,幾天後又再出發,當真馬不停蹄,哈哈!




19 則留言:

  1. 復活節蜻蜓都喺名古屋嗰頭,呢個假期好似識既人都飛晒咯。

    回覆刪除
    回覆
    1. 仲有D會去東京,我係不甘寂寞先一個人出走:P

      刪除
  2. 哈哈, 係我隔離喎, 過嚟搵我啦!! >:)
    你都好, 只係3日落雨, 我頭2日陰天, 打後6日都落雨.... :((

    回覆刪除
    回覆
    1. 你去行山就麻煩D,我打算見勢色唔對,求其影幾棵樹幾朵花就走人,去搵D室內活動算了:))

      刪除
    2. 3號過嚟伊勢神宮啦, 成條街有排shop喎!! 仲有Nerissa好想食既伊勢海老啊!! 哈哈

      刪除
    3. 神宮條街我都行過,我都係鍾意行心齋橋同道頓崛多D:x

      刪除
  3. 你個topic同我剛剛寫的好似。。哈。

    旺季,假期買票真難。

    回覆刪除
    回覆
    1. 你好似去東京喎,又係一個人去賞櫻?

      刪除
    2. 啱啱睇到你嗰篇,原來已經出發咗..

      刪除
    3. コーさん成日快閃咪多d 幫我地買野 >:)

      刪除
  4. 最近咁多人一個人去旅行..........
    我都覺得坐國泰好過坐廉航, 雖然要停台北
    玩得開心d喇!

    回覆刪除
    回覆
    1. 當仔大女大,老公又唔得閒陪時,自己又不甘寂寞就自然會諗起一個人出走,今次係第一次,唔知會點架:D
      你去台北都玩得開心D呀...

      刪除
  5. 旺季去日本﹐廉航都好鬼貴

    回覆刪除
    回覆
    1. 係呀,所以差不多價錢情願坐CX雖然要停台北

      刪除
  6. 最近真係好多一人旅行,我所見都起碼三個
    呢o的日子出發除o左可以賞櫻,仲可以影埋油菜花呢 ! 粉紅加黃仲正呀,影多o的、影多o的 !

    回覆刪除
  7. 可惜連續幾日都天陰落雨呢!
    第一次一人旅,真係可以訓練一個人嘅應變能力,我發覺自己都唔差,第一日已經好刺激,返嚟先再講

    回覆刪除
  8. 姬路城剛重開,友人正處當地話雖然好多人,不過真係好靚。

    回覆刪除