由於被垃圾留言侵襲,迫不得已在留言內加入驗證功能,不便之處請見諒!

2015年4月7日 星期二

2015 復活節一個人關西賞櫻の旅 - 出走成功


我回來了!!!

第一次成功離家出走,一人旅真的可以考驗到個人的應變能力,特別是在這超級旺的旅遊日子裏,原來有些事情的發生是過往從未遇過亦預計不到,去程時已經歷了一個刺激的晚上,最後我發現自己在這方面能力算是不錯。


以往和老公同行,除了編行程、預訂機票及酒店是我負責外,其他事情都是由他負責,雖是一向依賴慣了,但當只有自己一人時,原來自己還是可以做到。


整個旅程當然並不是樣樣順利,出錯的地方包括行錯路、出錯口、搭錯車、企錯巴士站,這些事情都有發生,不過花多少許時間然後糾正過來就可以了,而且Google map幫了很大忙。


由於是第一次出走,沒有經驗,所以行程編排上盡量簡單,移動範圍不要大,靈活性要高,住宿只集中在一間酒店,變數少的話自然較容易應付。這次只是小試牛刀,往後再有機會出走的話,或許會嘗試其他編排方式。


出發前已知旅程期間天氣都不太好,中間的三整天都會有雨,都沒辦法,唯有到時看天氣再作決定。不過還好,第三天竟然放晴,有半天的大藍天,終於可以看到有藍天背景襯托的櫻花。


一人旅無疑真的很自由,無論食、玩、買都可以隨自己喜歡,時間長短亦任由自己決定,沒有老公在身邊,除了買物時間多了 (其實主要因為落雨),食也可以很簡單,隨隨便便食份三文治或小食也可以。話雖如此,有老公在身邊的話,樣樣事情都有人可以一起分享及分擔,有些情況下有多個人亦會較好,特別是排隊,如果排隊期間突然要去洗手間的話,怎算好? 又或者晚上在一條僻靜陌生的路上去找目的地,身邊有多個人會否好些?  總而言之,對我來說,久不久來一次一人旅來放縱一下無妨,始終還是有老公相伴會最好。


鑑於今次旅程和英、法之旅相隔的時間太短,所以會先推出今次的賞櫻の旅遊記,相信會較為吸引。


17 則留言:

  1. 我都好期待六月既一人旅,畢竟已經太久沒有獨自旅行,今次又會坐火車,一切好像回復當年 plan 行程計時間的日子。

    回覆刪除
    回覆
    1. 你都叫做以前試過,我一個人搭飛機就試過,但一個人玩就真係第一次,今次對自己嘅表現都算滿意

      建議你要買張上網卡,google map 會幫到你,今次我好多時都係靠佢帶我行帶我去搭車

      刪除
    2. 唔該晒,コーさん都係咁同我講,不過我始終都係電話白痴,睇平面地圖我應該無問題 :P

      刪除
    3. 如果睇唔掂都可以whatsapp求救嘛...

      刪除
    4. Nerissa你向我求救的話,我實指你去相反方向,哈哈!

      刪除
    5. 咦...蜻蜓,你返咗未?

      刪除
    6. 淘張富士卡啦,好有用,隨時機動改行程都得。

      Google Map導航有人講嘢教路㗎,唔駛點睇。

      刪除
    7. 蜻蜓咁你叫我去東我去西咪實啱囉 :))

      刪除
  2. 嘩 ~ o的櫻花相好靚 ! ::mm2217 等睇你的詳細遊記,不過你的效率一向好高,相信好快有得睇 ::mm2376
    我諗我都會唔習慣冇人可以同我分享,全個旅程冇人同我講o野 ^_____^"

    回覆刪除
    回覆
    1. Ricky咁鍚你點會放心俾你自己一個人去旅行呢!:))

      其實都唔係完全無得分享,我會放D相上FB喇,我得閒就會whatsapp老公同傾幾句,又send d相俾佢睇,夜晚有時間會同佢skype,一D都唔會悶囉...:D

      刪除
    2. 果然快手。
      ck, 自己同自己傾計囉,我地太少同自己嘅心傾計喇

      刪除
    3. 自己同自己傾咪即係自言自語,我驚會嚇親人喎,以為係傻架

      都唔駛嘅,只要得閒最好係搭車時whatsapp同人傾吓都得,反正宜家D人都習慣用whatsapp傾計,曾經聽過有兩公婆,一個响廳一個响房,竟然大家都因為懶得行,都係用whatsapp交流,你話死未,哈哈!

      刪除
    4. 你上面個例子我都有,兩個在不同房,whatsapp send算了。當然係講緊要睇某篇相/新聞,都懶得行。

      刪除
    5. 原來依個例子咁普遍,我老公放工返到屋企,無咩特別事會習慣將電話飛番屋企後就熄機,休想whatsapp佢,反而我會瞓覺時先熄電話,其實我响屋企唔會將個電話跟身,就算煮飯都唔會帶去廚房囉....不過每個人習慣唔同,我都明白嘅

      刪除
    6. 我個電話唔係上網 plan,所以出街收唔到 what's app ,同你一樣都係瞓覺熄電話,所以好多時一開機就會見到個 group 裡面傾到不亦樂乎。

      刪除
  3. 所以呢,唔好睇小自己啊,我地平時唔係做唔到,而係唔想去做啫!

    回覆刪除
    回覆
    1. 我一向無睇小自己架,一開始我對自己好有信心,如果唔係都唔會要求一個人去喇...
      當然每個人有得依賴就依賴,都好正常,但侷住要自己做的話並唔係做唔到,依個世界無話無咗邊個唔得囉....:))

      刪除