由於被垃圾留言侵襲,迫不得已在留言內加入驗證功能,不便之處請見諒!

2015年9月9日 星期三

2015 銀婚紀念@西葡 - 序


時間過得好快,距離上次去東歐旅行慶祝20週年結婚紀念到現在不經不覺又快將5年。

月尾便是25週年銀婚紀念日子,年初時已經開始計劃銀婚紀念的旅行地點,主要是日本以外未到過的地方。


未到過的地方其實有很多,好像是一向都喜歡的歐洲國家,一般的西歐及東歐都去過,只欠北歐四國及南歐的西葡/雙牙 (西班牙、葡萄牙) 未去,所以今次會在兩者中選一個。


雖然年初時去了趟英國及法國,來回每程要坐十多個小時飛機並不好受,但趁著先前所講暫時還捱得住,就決定再去多次長途旅行。


在有限的假期及能夠配合到出發日子的情況下 (好難才夾到個出發日子可以只需請5天假便可以去12天),最後選擇了西葡。北歐就留待另一個合適的日子例如老公想看北極光的時間才去了。


跟東歐一樣,西葡這地方相信好大機會是只會去一次,為了想儘量去多些景點看多一些,我會偏向選擇參加旅行團,行程無疑一定會怱忙,但能在十多天內可以儘看,我絕對不介意走馬看花。


雖然是趕,相反跟團亦有好處,全程有旅遊車接載,大多是門口停門口走,回想上次自由行到巴黎,一天行6、7個鐘,行到雙腳痛,年紀大了真的有點吃不消了。再者,不用煩食住,有專人安排及講解,樂得輕鬆。


至於行程,回來寫遊記時再詳細報告。


自從4月初復活節去完日本回來後到現在足足等了5個月有多,2個星期後終於可以再出發了!



19 則留言:

  1. 25週年銀婚紀念日子, 恭喜你呀!

    回覆刪除
  2. 有啲地方自己去真係麻煩好多, 跟個好的 tour 又安全又唔駛 plan.

    回覆刪除
    回覆
    1. 自己去的話12日真係去唔到咁多地方,反正依D地方去一次都夠,再要坐10幾個鐘我情願去D未去過嘅地方,已經揀咗個叫做專做長線嘅旅行社,希望唔會失望喇...

      刪除
    2. 長線主要都係得嗰 3間做, 捷X / 翠X / 勝XX , 正常都唔衰得.
      好多國家想去但每次落手 plan 就頭都痛, 人懶就會返鄉下............

      刪除
    3. 價錢、行程及食住大致上都差唔多,主要睇個領隊做得好唔好,我上次東歐跟第三間,今次都係
      歐洲自由行真係要花好多時間,加上每次要飛10幾個鐘,好難經常去,鄉下就唔同,隨時去3、5、7日,一年去3、5、7次都得

      刪除
    4. 用錢解決到就唔算大問題, 坐前啲十幾個鐘頭好快過架咋~
      反而年紀大, 返到香港要適應時差先慘, 捱咗成個星期先習慣.

      鄉下其實都好花時間 plan, 3次已經夠忙足一年.

      刪除
    5. 幣在我AM又唔多,錢又唔捨得俾,anyway我都仲可以接受坐後D,哈哈...
      鄉下要搵好旅館好食店又係幾花時間,好在你一年都只係3次,再多D都唔夠時間plan

      刪除
    6. 如果 airline 有 PEY 都唔錯吖, 比多少少咋.
      近期都係搵酒店頭痛啲, 搶到貴晒, 我又唔捨得比咁貴.

      刪除
  3. 恭喜恭喜!!
    我嘅銀婚紀念3前已經過咗,一早已經係老餅喇 XDD
    我都要計劃下我個珍珠婚紀念先 :P

    回覆刪除
    回覆
    1. 多謝! 多謝!
      兩年時間好快,計劃定都差唔多
      老餅唔緊要,希望到珍珠婚我倆都仲可以健健康康去旅行慶祝

      刪除
  4. 銀婚紀念!! 恭喜晒!!
    Enjoy the trip^^

    回覆刪除
  5. 恭喜恭喜!! 玩得開心啲, 西葡都係跟團感覺比較安全些.
    銀婚紀念幾年前喺新潟渡過, 嗰晚竟然冇啖好食, 不過可能鍾意秋天去旅行, 好多時結婚紀念都喺外地過, 今年就喺四國 :D

    回覆刪除
    回覆
    1. 多謝! 其實我從來唔抗拒跟團,視乎去咩地方,跟團唔駛煩嘛..
      當年揀結婚日子無話要揀咩季節,只因為要遷就依樣嗰樣,最係揀咗9月尾,雖然未到秋天,但都避咗暑假
      我就每5年先會安排正日去旅行,其他年數無話刻意去慶祝,或者只係食餐飯,如果之後去旅行就當補祝就算了

      刪除