由於被垃圾留言侵襲,迫不得已在留言內加入驗證功能,不便之處請見諒!

2016年2月29日 星期一

2016 單拖九州福岡快閃3天遊︰歸來篇


趕完北海道遊記後靜靜雞又走了一轉日本返嚟,哈哈!

又再次任性的一個人出走
自從舊年試過獨自去關西賞櫻後
好想搵機會再次一人旅

由於老公久不久都會出差工幹
如果阿仔不在香港時就會只剩下自己一人
正是出走的好機會

不過老公出差一般都不會太早知道
而太短時間決定亦都較難安排
舊年已知今年二月尾老公會出差幾天
所以一早已經開始計劃
因為唔想放太多假
所以日數只打算去3天,仲要係星期五、六、日

何解今次會選擇去九州福岡呢?
下篇自有交待

由於航班早去晚返加起來有兩整日的時間
景點只去了太宰府天滿宮賞梅
其餘時間便四圍逛逛去買物

22 則留言:

  1. 太瘋狂, N年前已戒咗依類 48 / 72小時小旅行.

    回覆刪除
    回覆
    1. 我今次純粹想過下癮,3曰2夜行足兩整日都夠皮了,再耐D都唔知去邊好,又唔諗住去太遠地方,不過我今次最遠都去咗鳥栖

      刪除
  2. Oh, 如果得3曰2夜, 我只會去shopping, 哈哈哈....

    回覆刪除
    回覆
    1. 我今次都係主力shopping,博多駅、天神、運河城、outlet、Aeon Mall都行到夠皮
      因為正係梅花時間,所以先會去太宰府,只係一個景點咁多

      刪除
    2. 好少見你只會去入貨, 一定有啲野哈哈~~~~

      刪除
    3. 我絕對唔係購物狂,又無儲精品嗜好,你幾時見到我响個blog度show戰利品,因為真係買得唔多
      只不過同老公一齊行得無咁自在,我有時遇著喜歡又想買嘅嘢會磨好耐,唔想老公响隔離等
      有時睇D女人嘢又好唔方便,總之就唔痛快喇...
      今次雖然shop咗咁多地方,都唔係買咗好多,不過我好enjoy自己行街,鍾意行去邊就去邊,喜歡睇咩就睇咩,磨幾耐都得,幾爽囉!
      宜家諗番點解以前唔識利用依D機會自己去,不過宜家知道都未遲,再有機會的話都會再去

      刪除
    4. 雖然今次坐廉航,其實機票都唔算太平架,因為係weekend,但航班時間就真係唔錯,下篇會講,仲有酒店呢...你都知星期六嘅酒店係貴到唔合理,不過我早book都算係咁...

      點都好,唔好講錢,最緊要玩得開心enjoy啫:))

      刪除
    5. "不過我好enjoy自己行街,鍾意行去邊就去邊,喜歡睇咩就睇咩,磨幾耐都得,幾爽囉!" 絕對同意, 依加好麻煩, shopping 地點有限制, 附近最好有Bic Camera, Yodobashi....咁小朋友就有地方去.....BTW, 我一個人住酒店有少少驚...

      刪除
    6. 如果係女仔都好,可以陪佢睇D靚靚嘢,男仔真係好悶,我仔細個時成日都睇埋D車呀(阿仔鍾意玩車),有時頂唔順搵老公陪佢睇,我就去睇其他嘢,不過始終都唔可以離開太耐,到時到候又要搵番佢哋,宜家阿仔大個,如果响酒店附近行的話就索性叫佢哋返酒店先,我自己行完先返酒店

      老公阿仔唔响香港都慣咗獨處,一個人食飯,一個人瞓,一個人响間屋,所以一個人响陌生環境住酒店都無話驚

      刪除
  3. 如果三日嘅,我會凌晨機去夜機返,玩足三天,其中一晚要温泉。

    回覆刪除
    回覆
    1. Fai哥,我唔似得你仲後生,凌晨機對我依D上咗年紀嘅人嚟講會好辛苦,可免則免
      溫泉留番同老公去先浸,一個人唔了

      刪除
    2. Fai哥係青春無敵
      我直頭依家全部都係早機返香港,要休息半日先回魂,之後再瞓多一個星期補眠.

      刪除
    3. 咁我又唔想早機返,因為要早起,夜機返到嚟瞓一晚第二朝返工都仲可以
      J少,你D行程已經好hea,返嚟仲要休息咁耐

      刪除
    4. 夜機返到屋企唔掂喇,第二日根本做唔到野,隊咖啡粉都唔得.
      CNY 嗰啲行程係好忙架,平時嗰啲去住旅館一啲都唔 hea,因為我好八卦架.

      刪除
    5. 做唔到嘢係你個心仲未飛返嚟啫
      CNY同埋D富貴團友緊係忙喇,食宵夜、生果、飲酒好似開party咁
      但你已經係一早check-in最遲check-out大排時間喎

      刪除
    6. 唔可以踢爆我架!

      因為我份人又八卦又麻煩,你計吓如果一間旅館要參觀幾間唔同設計的房間,又貪心影埋相,時間係好緊迫.

      刪除
    7. Oh..sorry,一時口快手快添...

      刪除
    8. 出發前公司嘅嘢盡清,返嚟遊魂就梗架嘞。不過我通常响飛機都瞓得唔錯,所以又唔太辛苦啫。

      刪除