由於被垃圾留言侵襲,迫不得已在留言內加入驗證功能,不便之處請見諒!

2018年3月25日 星期日

2018 好友同遊韓國首爾


從加拿大回來不足一個月又飛了

好久沒有跟朋友一起去旅行

這班好朋友兼舊同事已相識了20多年
久不久也有聚會
也曾講過要找個機會一起去次旅行
總是只有講沒有行動

今次終於有藉口驅使去實行
其中一位姐妹不久將返回加拿大定居
於是便趁她離港前一起去趟旅行當是餞別

出發前兩個星期才落實
機票及酒店亦是落實後兩日內訂好

地點選了最適合女性旅遊的地方 - 韓國首爾

近年不少人喜歡到韓國旅遊
但相比日本較吸引我
不過我並不抗拒韓國
只是我不太想和老公去

實際上韓國去過三次
距離上一次已是17年前


第一天

食過晚飯相約在機場集合

去旅行去到盡
坐凌晨機出發


5位好姐妹開心同行


飛機餐


早上5點幾到達首爾仁川機場

取過行李先去找換店換少許韓元

然後坐機場巴士到酒店

酒店在明洞區,不過不在明洞站附近
是在一個站後的忠武路站
酒店提供免費穿梭巴士來往,都算方便


由於到達酒店只是7點多太早未有房間
只好把行李寄存

然後在大堂休息等第一班 shuttle bus 到明洞

到達明洞先找個地方食早餐

去了麵包店 Paris Baguette

飲品的紙杯好 cute


餐後去找換店換錢
明洞的滙率比機場的好

今日天氣好
然後決定到明洞附近的南山 N 首爾塔 (南山塔) 觀光


要坐纜車


有不少韓劇在這裏取景
可惜我對韓劇無興趣 









午餐又回到明洞

在南山塔決定的 Myth Jokbal (Miss 豬腳)


看見門口的那隻豬就知是食豬的

肉很多應該是豬手

味道很好的豬手,肉質很稔,旁邊那是跟豬手的沙律
這款是原味,另外有款是豬手上面鋪滿蒜泥


跟豬手的鍋 (內有麵)


泡菜煎餅


Bibimbap


餐後回到酒店取房

5個人訂了兩間三人房


房間外連接露台


放下行了又再出動

去了江南高速巴士客運站地下街 Shopping,無影相

行了兩個鐘後去食晚飯

到兩站相隔的新沙洞食醬油蟹

新沙洞元祖馬山醬油蟹


杜小姐推介



初次食這醬油蟹,蟹是生的
好新鮮超好味,有機會再來要再食多次


這香煎牙帶魚好香口,肉質不乾


要了個鱆魚鍋,原來是把活生生的鱆魚放進鍋裏,好殘忍



大家在飛機上都沒睡得好
我基本上沒怎麼睡過
由前一天早上六點幾起床
到現在有差不多40小時沒睡過
飯後各人都非常疲累
立即回酒店梳洗上床找周先生


第二天

可能昨晚太累
上床不久便睡著了
亦睡得不錯
所以精神很好

訂房沒包早餐

姐妹要食出名的 Isaac Toast

又去明洞 (好在有免費車)

只可外買沒有堂食


人龍很長





邊行邊食

到便利店買飲品
昨晚飲了香蕉奶
今早飲士多啤梨奶


早餐後出發到首爾站


在 Lotte Outlet shopping 完到樓上的飲食層食韓式料理





還有一樣不過忘記影相

飯後繼續 shopping
主要到 Lotte Mart 超市買食的


最後各人左一袋右一袋的返回酒店

不久又再出動到東大門夜市

晚上酒店的免費車會到東大門好方便



到達後先去找食

最後隨便進了一間






味道一般

飯後去散步

東大門設計廣場





在途中看到這廣告

地點好像不遠
大家都想食
就決定買來做宵夜


經過東大門 (興仁之門)


原來即叫即炸,製作需時,要等30分鐘

回到酒店已經是11點半


在房間內邊食邊傾又弄到一點多才去睡


第三天

第一天在明洞已留意到這快餐車

售買的多士很吸引
決定今早來買



多士比昨天 Isaac 的厚,菜很多


食完很飽

跟著到附近的 Coffee Bean 飲咖啡

誰不知邊飲邊講又花去兩個多小時


明洞購物街



今天是星期日

假日的明洞在街道兩旁擺滿食檔

我們又邊行邊食當午餐




韓式炸醬麵




年糕炸雞



行夠食夠後坐地鐵到弘大


前面是弘益大學


假日有街頭表演







晚飯到馬場洞

在馬場站步行約15分鐘來到馬場畜產物市場 (韓牛市場)


在龍門家食韓牛





有人不食牛要了豬腩肉



食韓牛附送的生牛肉配水梨


韓牛雖是不錯,但還是日本的和牛好食

飯後回酒店

昨天在 Lotte Mart 超市買了生果還未食
今晚要食了去

這是韓國出產的一種梨,味道還好


第四天

好快來到最後一天

由於坐晚機,所以還有大半天時間

早上到酒店附近看看有甚麼食
最後去了便利店
其他人食麵包
我要了韓式手卷配韓國鮮奶



check out 後把行李寄存在酒店
然後到南大門


跟著從南大門又走到明洞

在明洞食了人蔘雞湯再逛一會便開始踏上歸途


到酒店取回行李後到機場

滿載而歸


先去退税再 check in 

上飛機前在 Food Court 食過最後的晚餐


飛機餐
又有久違的 Häagen-Dazs 雪糕


晚上10點多到達香港
回到家裏已是12點半

4天的旅程完滿結束

出發前其實都有點擔心
雖然是相識了這麼久
以往相聚食飯都只是幾個鐘
但今次要相處整整 4天
怕會有意見不合而弄至不歡的問題出現
好在到最後都依然是開開心心的
即使各人的口味及習慣都不是一致
只要互相遷就那便可以融洽相處
5位好姐妹傾傾講講、飲飲食食、買買逛逛歡度了一個開心難忘的旅程
期望再有下次


23 則留言:

  1. 仲未提到興趣去韓國呀。好怕好多人。

    回覆刪除
    回覆
    1. 其實韓國唔太啱男仔去,講shopping,9成以上都係女人嘢,去慣日本你係唔會鍾意佢D衫雖然平
      食嘅除非你好鍾意食韓國料理,仲要食到辣,點講都係日本和牛好食過韓牛
      至於景點,如果你有睇開韓劇的話你會認識,去到會有feel,相反去到都只係景點一個
      我從來都無諗過同老公去韓國,有時間都去日本喇...
      今次只係成班女人去,女人強項係行街shopping,吱吱喳喳,唔買都可以睇一餐,有男人响旁邊阻住哂兼佢又會悶,不迥有樣好處係可以幫你做阿四囉... (當我哋買到成手嘢就會諗到D老公)
      我亦發現好少一個男仔或者一班男仔去韓國,大多數係一pair pair情侶或couple去,又或者一大班人有男有女咁
      不過去韓國平過日本好多就真

      刪除
    2. 講人多反而日本仲多過韓國,心齋橋道頓崛一定多人過明洞,我仲怕怕

      刪除
    3. 如果男士唔like整個行程都係購物和食野,我都好認同首爾不是男士既旅遊目的地。

      刪除
  2. 我都未去過韓國,如你所說,有假有錢都去咗日本了
    By the way,韓國衫有啲人話貴有啲人話平,其實又係睇乜牌子 ? 😯

    回覆刪除
    回覆
    1. 我唔識韓國牌子,無去睇D高檔衫,去過一個地下街,D衫好平,一萬won(大約港幣70幾蚊)已經有

      刪除
  3. 唔知點解次次睇完段文字之後以為已經完,仲等緊一篇篇行程,原來係一篇過,要慢慢睇因為裡面樣樣都想食😋

    回覆刪除
    回覆
    1. 今次無影好多相,全部都係用電話影連相機都無帶,幾日主要都係行街同飲飲食食,濃縮一篇算數
      睇下有邊D啱我再詳細話你知,不過兩個人食嘢唔食得太多款式

      刪除
    2. 其實見到樣樣都想食,韓燒,醬油蟹,炸雞,豬手,石頭飯,人蔘雞,仲有個女話要食芝士年糕,但係我地去四日食盡都係得六餐,我住弘大唔知嗰度多唔多嘢食?不過又可能搵咗地方但係去咗第二度玩。

      刪除
    3. 記憶中有D分店弘大都好似有,你可以search一下,不過你兩個人真係唔食得多,4日中有無星期日,有的話建議你去名洞,有好多街邊小食檔,款式又多

      刪除
    4. 想問仁川機場多唔多地方hea ,因為我個女五點幾機而我11點半至飛,有成六、七粒鐘唔知做乜!

      刪除
    5. 仁川機場好大,上次因為去到機場要攪退稅,又要食嘢,所以check-in完就入閘無行出面,入到禁區都仲有好多shop,如果你响出面行到無嘢好行就不如早D入禁區,食下行下,再唔係去到閘口等上機

      刪除
    6. 仲有用剩啲韓圜係咪機場有得換番港幣?比如好似你地咁食一個人一日要預幾多韓圜?我完全一啲概念都冇:P

      刪除
    7. 由於我剩番唔係好多won,所以無換番港幣,不過有得換won自然有港幣換番
      食其實唔貴,最貴係韓牛同醬油蟹,因為我哋有5個人,叫嘅款式多D,除5份相對都會平D,普通嘅大約平圴百幾蚊港紙一個人,但你兩個人食法唔同或者就要多D,我上次換咗HK$2,500,連食連買都用唔哂,其實如果買護膚品之類嘅嘢甚至食店都可以簽咭

      刪除
    8. 唔該晒.
      我諗我都係預食嘢既錢, 老公唔去買既應該唔會好多XD, 個女話要買既護膚品都預咗碌卡.

      刪除
  4. 唔該我想問問機場換錢同去明洞換錢的滙率係咪相差真係好大?

    回覆刪除
    回覆
    1. 你即管睇下依篇
      https://www.weekendhk.com/korea/%E9%9F%93%E5%9C%8B%E6%8F%9B%E9%8C%A2-%E5%85%8C%E9%9F%93%E5%B9%A3-%E9%A6%96%E7%88%BE-%E6%98%8E%E6%B4%9E%E6%89%BE%E6%8F%9B%E5%BA%97/16/
      我哋只响機場換咗少少,夠搭機場巴士同埋食個早餐,因為係我朋友換所以唔知清楚個rate
      由於我哋第一站去明洞,所以主要都會响明洞換,至於相差有幾大唔太清楚
      明洞最出名就係嗰間"大使館",好易搵位置就响大使館對面

      刪除
  5. 我都來分享一下我既韓國遊經驗。

    回想我第一次去韓國自駕,其實我都係唔係好想去,原因如下:
    1) 韓國的食物是辣既,我又唔食得辣,會無啖好食。
    2) 唔識韓文,日本都有好多漢字,都有機會睇得明。
    3) 韓國人粗魯。
    4) 想睇既櫻花、楓葉景點日本都有,跟本就不需要去韓國睇。

    但去過一次之後,上面既睇改變左如下:
    1a) 韓國都真係好多辣野食,對於我和團友呢類唔食我辣既人,原來係有好多想像唔到唔辣又好味既野食。
    2a) 如果以開車嚟講,無疑是在plan行程時多了很多功夫,就是要中、英和韓文地址名稱都最好預備好。如果以用餐來說,我地就會睇照片選食物。都一樣可以應付得到。
    3a) 離開左首爾之後,暫時未試過被韓國人撞過,就算我們去市場,去排隊買景點門票等人多地方都未試過。另外在某些食店遇上溝通上既問題時,韓國人都好主動用身體語言使我地明白佢地想表達啲乜野。
    4a) 雖然兩國都有櫻花,有楓樹,但我們like韓國的櫻花、楓樹。原因是韓國賞櫻賞楓葉,除了在國家公園內,在車道兩旁也超易睇到,而且是延綿數十公里咁長添,又無特意去修剪得靚靚,比較自然。

    回覆刪除
    回覆
    1. 每個地方都有佢嘅特色,有佢吸引人之處,只要自己喜就得
      我從來唔抗拒韓國,只係偏愛日本多D,或都將來有機會的話(唔駛返工),會考慮下去韓國賞櫻賞楓
      BTW,你提及車道兩旁都係櫻花/紅葉,依類櫻花/紅葉隧道响日本都唔少,有無十公里咁長就唔肯定,可能你仲未去過,講到日本自駕我相信我哋會比你多 (由2005年開始,到現在接近30次),去嘅地方亦比你多 (唔好介意),其他地方就唔及你了,起碼仲未衝出日本

      刪除
    2. 係呀!我只去過日本幾次,所以要多多向你地搵料架。我都唔係去左好多地方,我去來去去都係嗰幾度。

      刪除
    3. 我去日本等同你去台灣差唔多,資料啱用隨便攞去駛,唔駛客氣

      刪除