由於被垃圾留言侵襲,迫不得已在留言內加入驗證功能,不便之處請見諒!

2020年8月18日 星期二

近況 (一)


已有兩個月沒有更新網綕了,土耳其遊記只寫了一半,疫情實在令人感到非常懨悶,連遊記也沒心情繼續寫。

去年12月換了8月尾去北海道的機票,現在當然去不成了,看情況今年內外遊的機會應該是零。

既然要留港,就趁機會把現時的住所來個大翻新,居住了近二十年的地方各處已出現殘舊的現象,是時候需要裝修一下。其實早兩年已經有這個打算,只是當時要返工,又要忙著去旅行,有時間都花了去計劃行程,那有時間心思去處理,所以一直都在拖,沒料到在疫症下終於有時間可以去實行,只有苦笑。

由於工程需時幾個月,因此會暫時搬出到另一個地方暫住,近日忙於清理家中物件及裝箱,月尾便開始動工,待所有事情安頓好後希望可以重拾心情完成餘下的遊記,亦希望到時疫情好轉,講真現時不期望到外國旅行,只但求香港能夠零確診,可以正常跟家人及朋友聚會,閒時到外面逛逛,不用天天躲在家裏,回歸正常生活。


12 則留言:

  1. 疫情下的得與失,唉 ~
    搬一次屋會冇咗半條命 ^__^"

    回覆刪除
    回覆
    1. 我都曾經搬過兩次,箇中滋味當然知道喇,但住咗近二十年,唔裝修無可能再住多二十年,到時我同老公都七老八十,如無意外會住到百年歸老,再裝修等阿仔去做

      我哋年紀唔細,點只半條,係無咗大半條😔😔

      刪除
  2. 無得飛、無得gym嘅日子,我用突然間好似多咗出嚟嘅時間重拾或試下好多嘢,好似行山、烘焙,當然仲有寫下陳年遊記(暗地裏將前朝嘅遊記放番嚟呢度)。

    原來十年前去日本,我會帶notebook同modem去插酒店lan線!睇番得覺得有趣。

    回覆刪除
    回覆
    1. 估唔到男仔都會玩烘焙

      刪除
    2. 我平時都會煮幾味。全家要戒口,自己烘焙就可以減糖、健康啲。

      不過最近最like整雪糕,綠茶味無得彈!

      刪除
    3. Fai&The City :之前我睇唔到你個網站,唔知係咪 setting 問題,而家睇到了,有時間的話可以刨 blog,嘻 ~

      刪除
    4. Fai哥,勁喎...放D相响blog度睇睇

      刪除
  3. 依家短租酒店又咁平, 啱晒啦~

    回覆刪除
    回覆
    1. 短租酒店係平,但唔啱我哋三個人住幾個月,隨身雜物又多又要煮食,加上要近屋企方便經常返去巡視,有好多條件要配合,唔係平就可以,都係一般住宅會適合D,宜家總算搵到已經搬咗了

      刪除
    2. 咁又係。
      我都一樣提唔起勁去寫,明明就係好得閒

      刪除
  4. 恭喜哂,相片影得好靚
    祝繼續有嚟嘅sweet sweet~

    回覆刪除