由於被垃圾留言侵襲,迫不得已在留言內加入驗證功能,不便之處請見諒!

2013年10月26日 星期六

2013 秋︰紅葉、溫泉、享樂@北海道 - Day 2 (北の暖暖) (上)


由能取湖到今晚住宿的旅館車程約20分鐘

オーベルジュ北の暖暖

北の暖暖屬於一間Auberge
第一次在網上認識依間旅館已經好想來住
早前曾經在某壽司店的微電影內看到這個門口
印象更加深刻

不過網上遊記提及唔多,就等我詳細介紹
有興趣的網友可以考慮一下

舊年暑假原本亦有考慮過,在衡量過價錢後
最後都係揀咗價錢相宜的北天の丘


旅館女職員聽到門外有聲,趕快出來迎接

在大廳坐了一會,辦好入住手續,約好夕食時間
女職員便帶我們上房


旅館共有14間客房,這層有8間
另外還有Suite Room及特別室




我們被分配到213號つま黃蝶


入到房間,空間尚算寬敞
傢俬地板都用上木材,加上特色的設計,感覺好溫暖





門口的左邊是洗面盤及淋浴間

潔具時尚


設有按摩花洒,還可以坐著淋浴,好體貼的設計



打開雪櫃,放了甜品,是椰汁布甸


雪櫃門旁上格的兩樽茶及水是免費的


窗外望著網走湖,正值日落時分,好靚!
此情此景,感覺好舒服



正當陶醉在這個景色時
想起明明我訂咗係最便宜的山側Twin Room
理應唔係望湖景,但竟然會望到湖
相信房間係被提升了
山側Twin Room要20,000yen/人
湖側比山側價錢貴3,000yen/人
當初為了慳錢而無揀湖側
好彩現在轉了湖側,原來個湖景咁靚,賺咗

趁未天黑去浸一浸溫泉先 

雖然旅館不大,房間不多,但溫泉又不少

溫泉位於地下再落一層


首先是3個無料的貸切風呂 (無用過) 





再進去係男、女大浴場
兩個都無人,可以影相


男湯





女湯





由於大浴場距離露天風呂有一般路程
放置在木架上的袍是旅館提供給住客
沖完身或浸完大浴場後穿上它直接上樓上露天風呂
而不須再穿上浴衣上去,有心思



泉質︰低張性アルカリ性低溫溫泉




影完大浴場,再去露天風呂
大浴場旁有條走廊
穿過走廊,打開前面那扇門,然後上樓梯


又再經過一條走廊


前面便是男、女露天風呂


又無人,又可以影相
首先是男露天


露天風呂不設沖身,所以一定要在大浴場先沖身再上來




最特別係依個龍湯,要企在木桶裏浸
一般浸溫泉不是坐就是臥
企著浸溫泉真係第一次,感覺好過癮 (第二天早上試過)


水深有1.5米,都幾深,不過一般男人都無問題


要扶著梯落去,上面還有繩吊落嚟,捉住它可以預防滑倒


面對網走湖


男露天隔離便是女露天




依個釜湯和男露天的一樣


教你入浴的姿勢



景觀也是和男露天一樣


影相擾攘咗一輪後天色越來越喑,再不浸便天黑了
先浸大浴場再浸露天風呂
浸完溫泉後還未夠鐘食晚餐,在旅館到處走走影吓相
樓梯旁的這個告示板貼咗好多相片及留言
還掛了枝TVB的簱


和味無窮亦曾經來過拍攝


另外這個告示板


則有容祖兒來拍微電的相片


門口玄關位



旅館大堂


前台


這應該算是売店


先前我們便坐在這裏飲茶等候上房


旅館空間不算大,但每處都放了很多東西
連人力車都有一輛



牆上又掛了很多畫
這個好像是個古董留聲機



還有這些木刻



及陶器,有部份是售賣品


整間旅館的設計及裝修風格都好特別
特別到唔太懂得點樣去形容
還有一點十分奇怪,就係我們由到達直至現在
一個客人都未遇過,但時間都唔早,無理由還未到
那時開始懷疑莫非今天我們包場,只有我們一組客人
等到夠鐘去食事處食晚餐



又唔見其他人


今日餐單,全英文,其實我較喜歡睇日文


根據官網介紹,北の暖暖的夕食是揉合和式及法式的創作料理
食材全部採用自家農園栽培的無農藥野菜
及時令的鄂霍次克海裏的海鮮,評分甚高


遠處那杯紅色是老公的Craneberry juice
而近處那杯是我的Grape juice


好快便來了第一道菜︰Cauliflower mousse with crab
蟹肉配上西蘭花製成的啫喱,口感清新


Home made bread
自家製的麵包,上枱時仲熱
外脆內軟,非常好味,之後還追加多一件


Marinated pacific saury (漬け秋刀魚)


Local oyster in soup (法式蠔湯)


好大隻蠔,足足有兩隻


湯內還有薯仔及蔬菜
好creamy但又不太濃味,蠔好鮮甜,薯仔好稔


看器皿便知這道菜係日式︰Scallop ball with skin of soya milk
有帶子、腐皮,還拌入一些菇類


Home made smoked salmon
香煎煙三文魚


煎得香而不乾


Octopus with sesame ponzu sauce


第一次食咁柔軟的八爪魚,配上酸酸的芝麻醬汁
正好清一清味蕾


來迎接這道主菜︰Local beef filet (網走牛)


肉質雖不是入口溶化,但又不韌,很嫩滑,熟度剛好
最好是不會食到一口油,有種好油膩的感覺


然後是甜品


creme brulee 法式焦糖布甸
滑滑的布甸舖上一片脆脆的焦糖,yummy!


梅子雪芭
我一向嫌酸不太喜歡雪芭,但老公就超喜歡
所以食了兩啖後俾老公KO埋,佢話好清爽好味


最後來一杯咖啡作為結朿



有水準及味道很好的夕食,怪不得有相當高的評分4.9
真的食得非常滿足

直到夕食完結後都不見其他客人
我們基本上都認為好大機會今晚我們是包場
睡前再到大浴場浸浸
老公見反正都無人,索性走過來女湯一起浸
不過將近浸完時,隱約聽到有女子聲音
莫非我們估計錯誤,還是趕快離開好些


17 則留言:

  1. 唔錯唔錯,好詳盡報導。:))

    回覆刪除
    回覆
    1. 我“揾”緊機票下年暑假去道東,希望可以拜訪一下「北の暖暖」(我見佢地D PLAN,小朋友無料)

      刪除
    2. 暑假好呀,小朋友無料抵喎

      刪除
  2. 呢間北の暖暖內外的建築都以木板為主,唔怪得之令人感覺「暖暖」啦 ! 個晚餐的確好有特色,樣樣都好似好好味咁呀 !! 好肚餓 ……

    回覆刪除
    回覆
    1. 相信冬天時都會給人一種「暖暖」感覺,其實未住前已聽聞食事唔錯,哈哈...我一路寫都一路流口水

      刪除
  3. 給人很温暖,很c服的感覺,洗滌心靈之旅~~

    回覆刪除
  4. 估唔到小小的旅館, 溫泉設備十分完善。有機會我都好想住!

    回覆刪除
    回覆
    1. 強烈推介,部屋、溫泉、食事都好得...

      刪除
    2. 還有,價錢! 嘿嘿 ^。^

      刪除
    3. 價錢,最緊要係物有所值咪得囉...嘻嘻..

      刪除
  5. 見到你個大藍天就想搶佢喎嚟!! >:)

    回覆刪除
    回覆
    1. 可以俾嘅話,俾多幾個你有咩所謂呢....

      刪除
  6. 想問餐單有三種,grade up,普通,輕食版。

    呢個係grade up定係普通版?

    回覆刪除
    回覆
    1. 哦,咁得喇,普通版都咁豐富,唔洗grade up。

      暫時book咗,八月份綱走地區無加價。

      刪除