Check-in 時酒店俾咗張pass可以任坐Sentosa Express
好快10分鐘後便到咗Beach Station
第一時間去玩Segway個度
可惜Eco Adventure已經fully booked
今日星期六都預咗，只係即管碰碰運氣
唔緊要，即時問問聽朝早有無位
11點有位，OK無問題，反正住响島上
之前考慮過1日內可能玩唔哂島上嘅設施
所以住响島應該會方便D
玩唔成Segway，去玩第二樣
有班人响度唱歌表演
去咗玩Luge
Luge係由New Zealand引入
幾年前同老公去New Zealand南島玩過一次，感覺好好玩
知道新加坡有，一定要帶阿仔嚟玩
阿仔對所有類似揸車的玩意都非常有興趣，我同老公都鐘意架
因為曾經玩過，知道玩一次係唔夠喉
所以買咗Combo B : 3 Luge rides S$20
買咗飛去排隊坐Skyride
要响山上滑落嚟
高處望到的景色
島上的摩天塔(好似海洋公園)
每個人都要戴上頭盔
都排咗差不多10分鐘，玩過一次後，第2、3次就唔再需要排隊
阿仔玩完一次話超好玩，我同老公都話正，仲好玩過响New Zealand嗰次
玩完Luge都成6點幾，趁天未黑行出去Beach
黃昏時間，開始日落西山
好多人玩沙灘排球
沙灘上仲有其他活動
好似依個ParaJump
諗唔到阿仔想玩依個MegaZip
可惜時間唔早，因為之前book咗枱8點食飯，驚玩完會遲
諗住睇吓走之前如果有時間再入嚟玩，可惜無所以結果都係無玩到
依個叫NorthFace嘅攀石活動
影埋依個Siloso Beach地標
然後坐Beach Tram去Beach Station
去到Beach Station有條長長人龍排隊搭Sentosa Express
返到Vivo City去食飯，食下午茶前順便經過依間無招牌訂咗8點晚飯
無招牌主要食海鮮，好多人嚟新加坡都會食蟹
見旅遊書有介紹同埋有網友食過，加上Vivo City有分店
唔想花時間專登坐車出去食
而且老公同阿仔對蟹興趣又唔大 (除咗北海道嘅蟹)
係咁意食番餐叫做食過就算
依碟係旅遊書介紹嘅沙律油條 S$10
(裏面係手打墨魚肉)
豉油王蝦 S$20
炒介蘭 S$10
依碟係辣椒蟹 S$66，另外店內最出名係白胡椒蟹
不過有人話辣椒蟹入面嘅汁好味
咁就要咗依個
點知老公食咗兩啖，辣到不停咳
阿仔都食到兩嚿
其餘就我一個人KO哂，好在我食到啫
炸饅頭係跟蟹，要來點蟹汁食
要另外俾錢，要咗半打 S$3
最後仲要咗個蟹肉炒飯 S$20
成餐飯不過不失，但價錢都幾貴
計埋茶錢(S$9)、加一服務(S$14.04)、GST(S$10.81)，連濕紙巾(S$2.4)
總共S$165.25 (港幣成千蚊)
好在只係諗住食一餐，下次再嚟都未必會再食
食完飯仲有少少時間去咗行Supermarket，買咗飲品
返到酒店10點幾，加咗張摺床，不過塞住個衣櫃
(第一日完)
沒有留言:
張貼留言