由於被垃圾留言侵襲,迫不得已在留言內加入驗證功能,不便之處請見諒!

2013年9月4日 星期三

2013 秋︰紅葉、溫泉、享樂@北海道 - 行程

新的旅程一切就由新的家作為開始...


話咁快又到咗一年一度的秋季旅行
今年揀咗又係我最喜愛嘅北海道
第8次去北海道
秋天我係第2次,老公就係第1次
雖然行程大部份都係重覆之前7次去過嘅地方
不過都有D未去過
而且同一個地方,唔同季節睇嘅感覺會唔同嘛


年初時已經換咗機票
雖然10月並唔係旺季,早D換選擇會多D
有位嘅機會都大D
去程係平日所以飛羽田問題不大
回程諗住都係經東京返
但因為撞正香港假期,羽田/成田回程經濟位已full
最後俾我見到福岡返香港有位
仲要係4點幾港龍嗰班
簡直perfect喇...
去過福岡都知個機場去市區有幾方便
的士去博多駅都係千零円,車程只需10分鐘左右
雖然停留嘅時間唔算多,淨係行Hakata City都夠喇..
諗落仲好過响東京返

Book機位時大致上行程都編好咗
而住宿都陸續揀定咗
由2月尾開始直至6月初先book好所有住宿
之後都改動咗少少
過程中發覺原來秋天北海道住宿有平有貴
有D貴過冬天,有D又會平過夏天

今次亦順道補祝9月尾的結婚週年記念
所以住宿方面嘅預算都幾多,希望會滿意喇!
總之就落足本去享受二人世界

10月初出發
行程會由道東開始,釧路入札幌走,不走回頭路,全程自駕︰


第一天 (3/10 Thu)

香港 - 東京羽田空港 - 釧路空港
住宿︰
ホテルルートイン釧路駅前 (Hotel Route-Inn)

第二天 (4/10 Fri)

釧路(取車) - 網走
住宿︰
網走オーベルジュ北の暖暖 (Auberge 北の暖暖)

第三天 (5/10 Sat)
網走 -  屈斜路湖 - 摩周湖 - 阿寒湖
住宿︰
あかん鶴雅別荘 鄙の座

第四天 (6/10 Sun)
阿寒湖 - 中札內 - 十勝川溫泉
住宿︰
十勝川溫泉 三余庵


第五天 (7/10 Mon) 
十勝川溫泉 - 層雲峽 - 旭岳溫泉
住宿︰
ラビスタ大雪山 (La Vista大雪山)

第六天 (8/10 Tue)
旭岳溫泉 - 天人峽 - 美瑛
住宿︰
オーベルジュアダージオ (Auberge Adagio) (緩慢民宿)

第七天 (9/10 Wed)
美瑛 - 富良野 - 南富良野
住宿︰
かなやま湖ログホテルラーチ (金山湖Log Hotal Larch)

第八天 (10/10 Thu)
南富良野 - 苫小牧 - 支笏湖 - 虎杖浜溫泉
住宿︰
心のリゾート海の別邸ふる川

第九天 (11/10 Fri)
虎杖浜溫泉 - 豐平峽 - 定山溪
住宿︰
定山渓鶴雅リゾートスパ森の謌

第十天 (12/10 Sat)
定山溪 - 小樽 - 札幌
住宿︰
ホテルルートイン札幌駅前北口 (Hotel Route-Inn)

第十一天 (13/10 Sun)
札幌 - 福岡
住宿︰
博多グリーンホテルアネックス (Hakata Green Hotel Annex)


第十二天 (14/10 Mon) 
福岡 - 香港



開始倒數............

83 則留言:

  1. 你個新居裝修得好靚喎!!
    12日...羨慕死人!!

    回覆刪除
    回覆
    1. 唔駛羨慕喎..聽聞你好似會去東北,都起碼10日8日喇...
      我個新居要襯番今次旅行個主題,係咪好絕呢..嘻嘻!
      頭頂banner張相真係响北海道影架,2009年秋天嗰次

      刪除
    2. 哈, 俾你發現左添, 我係10日8日既中間啊, 哈哈!!

      刪除
    3. 咁我都唔係多你好多日啫!

      刪除
  2. HiHi,好嘛,我地又一齊喇:)

    回覆刪除
    回覆
    1. 你返黎我都未出發,冇得喺福岡撞你添。

      刪除
    2. 我去北海道,你去九州,緊係撞唔到喇

      刪除
  3. 嘩,嘩,嘩!好豪華啊!

    回覆刪除
    回覆
    1. 二人世界緊係要豪一豪喇!

      刪除
    2. 比你參考嘅人手搬屋方法 ~ http://blog.yahoo.com/_M3DUN4GYMOYBPTPHCTCB6JI4QQ/articles/1343673/index

      刪除
  4. 8連泊正野呀, 啱晒浸到甩皮再換皮.
    Auberge 北の暖暖 我 plan 咗幾年始終都係去唔到, 到依家又驚已經唔啱自己, 睇你去住算數.

    回覆刪除
    回覆
    1. 其實舊年夏天去網走時已經有諗過,不過感覺兩個人住好D,帶埋阿仔去住北天之丘會好D

      刪除
  5. 其實我想問點解 Day 1 唔飛女満別?
    祝你層雲峽天人峽豐平峽睇到紅葉啦~ 我退休後就會去架喇

    回覆刪除
    回覆
    1. 都估到有人會咁問,其實一開始係無打算去網走,只係諗住由道東三湖開始玩到去札幌,當book好哂所有機位出埋機票(換飛係要即時出)後,隔咗幾日突然因為某個原因想話去埋網走,但就要去多日早一日出發,點知老公又OK喎,目的地係無得改架嘛,唯有由釧路揸去網走囉...

      刪除
    2. 通常都係依個原因架喇.... 邊有可能未出機票已經 plan 好整個行程再夾埋旅館吖.
      依家好多時我都係是是旦旦出咗套機票先算.

      可能你要遷就旅館, 我覺得你條路線開頭有啲南北南北走, 不過似乎你地都慣咗.

      刪除
    3. 事實上如果由網走出發係順路D嘅..
      好在鄙の座早割個價錢星期六同平日個價錢係一樣啫,唔駛點就,打後個D旅館都係平日所以無咩問題

      刪除
  6. 心のリゾート海の別邸ふる川 , 我都想住呀....
    咁多間正野, 真係好羨慕死人

    回覆刪除
    回覆
    1. 我就貪心啲, 未住過的都想住......
      ラビスタ大雪山 又係想去好耐, 但無一次啱路.
      森の謌, 水の謌都唔知要等到幾時..... 仲未計杢の抄.
      三余庵又已經好耐無去....

      刪除
    2. 心のリゾート海の別邸ふる川依一年好紅呀,我都係睇咗幾篇住過嘅人講先好奇想去住
      原本係想住支笏湖架,而且虎杖浜溫泉都唔係順路,都考慮咗好耐
      J少,你住嗰D三重縣、東北嘅旅館我都未住過都好想住呀....

      刪除
    3. 我係睇咗J少個blog的介紹而好想住(你知佢個blog又係好多正野), 如果12月尾去得成, 可以諗吓呢間, 因為小朋友未去過登別

      刪除
    4. 係喎, 你都去支笏湖, 又係紅葉景點.
      我依家 plan 行程已經將 focus 放晒去旅館, 成日都無留意觀光....

      如果要揀, 三重絕對好過東北, 尤其係食方面.

      刪除
    5. Niseko2000,
      係咪 12月尾架? 如果係就要花啲心機去 plan, 因為好多旅館到 27/12 打後會好貴.
      而且 21/12-23/12 係 3連休, 一定會又貴又 full, 小心.

      我唔係叫你唔好去, 想你留意吓 only.

      刪除
    6. Niseko2000︰你今年聖誕又去北海道呀..依間旅館房間無電視,小朋友會唔會悶架
      J少︰三重近海,D海鮮都正D喇!

      刪除
    7. J少, 我己經知道了, 其實差唔多book晒, 去唔去都得, 為咗就三連休, ski resort 都要就到唔貴先book
      3J家庭, 為了小朋友學snowboard, 但孝試又係聖誕後一星期, 所以唔知去唔去
      我都知冇TV, 因為之前睇完J少個blog 就成日入去check, 小朋友平時係日本都好少睇電視, 所以有冇都冇所謂, 仲好, 個環境温書/做功課一流...

      刪除
    8. 每逢 3連休搞到咩酒店都貴到飛起, 旅館更加唔駛講.
      去到日本要溫書, 咁就真係天堂地獄.....
      以海の別邸ふる川定價, 環境+湯都收貨有餘, 咁會唔會"順路"去埋 TOYA乃の風リゾート?

      刪除
    9. TOYA乃の風リゾート唔會去了, 杢の抄就book咗, 開咗幾日就book定(可以cancel嘛), 我驚唔快d去佢好似水の謌越黎越差....

      刪除
    10. 杢の抄好呀! 等你報告.
      水の謌同森の謌都係, 搞搞吓攤凍晒所以都未去住.

      刪除
    11. Niseko2000,想問你森の謌D服務如何? 多唔多強國人住? 杢の抄如果舊年開嘅話都可能會試,下次都唔知幾時會再去二世古,我都係等你報告
      聖誕後一個星期先考試都好D,我個仔間中學係一放完聖誕假第一日返學即考,試過有一年都係帶埋書去旅行溫,後來都係唔妥,所以依幾年聖誕都無去旅行轉咗農曆年去

      刪除
    12. 森の謌服務都ok, 當然冇得同三余庵比, 當日食buffet 只見一家講普通話, 但似台灣人, 最奇怪接待處竟然有2個大陸人, 個女的都幾高級, 冇笑容, 走個日先識笑, 而另外男的就好人好多, 其他的服務人員都好好, 尤其整pizza那位廚師, 小朋友用英文同佢都溝通到, 整体都冇咩問題....

      刪除
    13. 話時話, 個品牌太多華人識, 搞到佢地專登都要請好多"普通話人"........ =_=;

      就連サロマ湖都係一個台灣仲居帶我地上房的....

      刪除
    14. 宜家日本好多旅館請咗唔少服務員係大陸人,有D係响日本讀過書,有D就係交流,我唔mind服務員係大陸人,起碼佢哋train過服務唔會太差,當然同日本人係有D分別,但對唔識日文嘅客人溝通上會好D,尤其當你遇到問題需要人幫忙而又同日本人溝通唔到時,有佢哋幫手解決真係好好多,我就係曾經遇過依D情況

      最緊要係唔好有太多大陸客住囉...總覺得一有佢哋出現,場面就會攪到好混亂

      刪除
  7. 嘿嘿 . . 都整得間屋姆靚 . . .讚\(≧ω≦)/

    回覆刪除
    回覆
    1. 多謝! 不過有時得閒都會再俢改吓

      刪除
  8. 過來打過招呼先 ^^
    順便想問下點整個網友清單的 ? 同追蹤有咩分別呀 ?

    回覆刪除
    回覆
    1. Welcome!
      恕我唔係好識表達,你睇睇依位網友嘅教學
      http://seeddauding.blogspot.ca/2013/09/reading-list.html
      另外佢仲有其他blogspot教學資料
      http://seeddauding.blogspot.ca/search/label/tutorial
      因為好多function我都係睇人哋點教,跟住去做

      刪除
    2. 3j:唔好意思,我抬搭咀幫吓CK。下面豆丁個網其實都好清楚。清單可以分兩步做,或者一次搞都得。先做追蹤 ~睇啱個Blog就copy佢[主頁]條Link,再打開自己[Blogger]版面,右手邊個[齒輪]click一下,plase條Link落去,確認追蹤。2~打開自己設定頁,版面配置,新增小工具。。。

      刪除
    3. click咗新增小工具,會弹出個表,選[綱誌清單],再出一個细表,系度click[加入清單](藍色字),選下面個清單,會見到你已經追蹤既Blog名,click你想出現嘅,確認。基本完成。再將呢個格仔拉去你喜歡位置,套用設定。檢視網誌,唔啱返去再拉過!

      刪除
    4. 真係唔該小肥幫我解釋俾CK知,好多function我都係跟人去做,唔係好識講番出嚟,驚教錯人,所以先叫CK自己去睇

      刪除
    5. 早晨, 唔好客氣. CK 喺要比Ricky 幫, 佢自己一定搞到傻 (~o ̄▽ ̄)~o

      刪除
    6. 好羨慕佢哋有人幫手,我老公只係識睇唔識做,我個YB都係我自己一手一腳攪架咋...

      (最衰blogger無表情符號,好懷念YB嗰D表情符號)

      刪除
    7. 嘩 ! 我之前冇 click 留言通知,所以而家先睇到小肥o既教學 ! haha :P 點都好,唔該晒兩位 ~

      刪除
  9. HI! 你咁快搬咗啦! 新居好靚喎! 我都就搬嚟呢樹, 難唔難搞呀? 係咪跟住你post 條link做就ok?
    我三重的blog埋尾同8月去北海道的blog要新居先搞lu 。北海道呢次主要去溫泉旅館, 試新嘢! 如 TOYA乃の風リゾート同杢の抄, 本來想book森之謌, 但太遲先決定去無晒房, 於是又番炒水之謌。 杢の抄真係有點失望, 那個主菜十勝牛係咬唔開, 小心房間的床! 在官網可見床是木框的, 那個尖角我們全都中招。 另外, TOYA乃の風リゾート就比較滿意, 可能對佢沒有太大期望反而覺得唔錯! 聖誕我本來都去玩, 後來家姐仔新學校原來放假後就考試, 所以改了農曆年才出發, 今次去淡路,倉敷,鳥取,城崎, 希望有靚蟹食啦!

    回覆刪除
    回覆
    1. 我係搭訕的....

      杢の抄在一休的評語都唔多好, 尤其係服務一環更加係差. 希望佢會有改善.

      11月7 到 3月尾都會有新鮮蟹食, 只要記住唔好睇價錢就 book 啦, 有 book 貴無 book 錯.

      刪除
    2. 先就唔好講對他的品牌有期望, 就當係一間好少少的旅館去比較, 真係好唔掂! 我用了我有限的日文去寫了一大篇意見書, 就知我有幾唔滿意! 食,住,溫泉,服務都在期望以下! 地方又細,就是夜間的宵夜也極"奇"小家, 烏冬次麻, 但就只限大人, 小朋友無喎! 喂, 小朋友都有俾錢喎, 不過我們都只係俾小朋友食, 所以實際上係夠, 但這安排真係小家都估唔到! 由頸至尾都係中國人招待, 第一個最唔掂, 唔使講, 第二位都ok可以, 最好係晚餐的一位, 好似金燕玲的, 好好傾, 她教我酒店的"杢"意思, 又教我學日文的方法....
      食蟹要book? 你指住宿plan?

      刪除
    3. 咁大劑, 佢竟然唔調人過去, 全部搵新人.....

      啲靚蟹比當地旅館搶晒, 點都要比佢地賺. 留意吓啲 plan 講明食咩蟹先好, 價錢都差好遠好遠好遠好遠好遠好遠好遠好遠......

      刪除
    4. 都搬咗嚟個幾星期,見好多網友都搬嚟依度,咁咪跟大隊囉..開個blog唔難,但好多funtion要自己遂D遂D加,我都係周圍睇人點做,然後跟住做,你有問題最好問D專家

      由於今次兩公婆去,想住D好少少嘅旅館,無時間住洞爺湖喇,下次有機會先試TOYA乃の風リゾート

      聽聞水の謌D服務差咗喎,係唔係?

      杢の抄咁差? 關唔關太新問題? 要話俾Niseko2000知,佢book咗12月去住

      我都係因為個仔間中學係放完聖誕就考試,所以依幾年先改咗農曆年去,不過佢嚟緊上大學,又唔响香港讀(响英國),以後都唔駛點就佢lu,所以我哋都未必會响大時大節去旅行

      冬天係蟹嘅季節,有得食嘅

      刪除
    5. 路人甲又搭咀 ^0^ zason 2T : 我POST 咗一編Blogspot 嘅基本設定教學, 同blog 友嘅網誌, 你可能有用. 參考吓 啦. . .88 咁多位

      刪除
    6. 小肥, 我見到啦, 睇梗, 不過要等家中的電腦顧問返屋企先敢行動! 你都搬了嗎?

      刪除
    7. J少,3J: 我暫時未見心水旅館有2月的正蟹plan,會再比較先決定, 但又唔想日日都蟹, 而且可能會去市場食, 所以遲些才搞食plan。 其實我最近福井的地方都只係城崎, 那裡好似唔係食越前蟹係間人蟹, 對嗎?
      水の謌在服務方面係有些微差了, 而明顯就在食方面! 大家都知就算食自助餐都有主菜上, 但那個牛我一啖都無食, 因大少食了一口已經唔食, 我試了少少決定唔好嘥胃的空間! 其他食物的質量也沒有第一次的驚喜, 很平淡...應該唔會再去, 就算再去支芴湖都住J少住那間, 到時二小姐都會係成人價年紀可入住了!

      刪除
    8. 城崎係食津居山活ガニ, 丹後半島先係間人, 另外橋立港都出名. 越前附近就產量最多, 所以平啲. 如果住城崎最好兩日, 一晚蟹一晚但馬牛.

      唉, 唔通我同水の謌同森の謌無緣..... 定係同鶴雅 group say goodbye forever....

      刪除
    9. 咁我去天橋立那邊係咪有機會食到越前蟹? 我應該住唔到兩日城崎, 等一些有蟹又有但馬牛的plan出就book。
      鶴雅唔啱你㗎啦!

      刪除
    10. 我意思係城崎溫泉的津居山活ガニ已經唔錯 (我估), 唔駛專程去到越前海岸食.

      唔住兩日好難浸得晒 7個外湯架喎!

      刪除
    11. 由於我今次日子有限制(其實12日都唔少),支芴湖和虎扙浜只可二選一,最後都係敵不住個無敵大海景,支笏湖J少住個間唯有留番下次,我都唔會再住水の謌了

      刪除
    12. 你有冇考慮到個海景一年四季都差不多,但係翠山亭外面的紅葉、茶室望出去個景.....

      不過你其他日子已經大把紅葉、轉個海景又好似啱D

      刪除
    13. J少,我要學某人去虛度光陰嘛...

      學你話齋其他日本子都睇咗唔少紅葉,轉個海景俾對眼休息下都好吖,第二日又要去豐平峽定山溪

      刪除
  10. 呀係, 杢の抄那位大廚的名令我們知道我們有幾瀨野....笑到收唔到聲, 大少同我對望:原來係咁!

    回覆刪除
    回覆
    1. 唔好賴佢個姓啦.... 我知道佢地係公開招聘請返嚟架, 不過佢集團都越嚟越唔重視食物方面.

      刪除
    2. 哈哈! 好奇走去睇睇大廚個名,唔怪之得瀨野喇,日本人D姓氏有D真係幾攪嘢

      刪除
    3. zason 2T 好似3J 咁講睇睇依位網友嘅教學 ~ http://seeddauding.blogspot.ca/search/label/tutorial
      好多function 都係可以跟住去做 ^0^.
      小肥上星期已經用咗Blog 轉Blog 嘅方法搬嚟Blogspot. 昨日系yahoo 備份用咗6個鐘, 會轉去 Xuite 留一份當做backup. 今日, 試緊將備份搬上去google drive (雲端) 不過, 我有13000張相, 上載速度再快都要預佢10個鐘. . . 呀. 有排等. . .

      刪除
    4. 小肥, 所以我要等屋企的腦有位先可以慢慢搞lu! 希望我呢個電腦白痴舞得掂啦!

      刪除
  11. 諗唔到點解會係咁,而咁啱見到大廚個名咪好自然覺得係出事原因囉! 得啖笑吧! 除了金燕玲, 大部份人都黑口黑面???

    回覆刪除
    回覆
    1. 是否全部都是中國人招呼你?初頭聽J少講呢間的comment不是太好, 諗住啱啱開會比較差,因為員工要時間識應,而旅館會推出special plan,但如果過咗3個月都係咁差,咁就要諗清楚是否去住了.......

      刪除
  12. 好期待Auberge 北の暖暖的遊記!

    回覆刪除
  13. Niseko2000, 我唔知可唔可以用差去形容, 但相信係對這集團有點期望,所以當實際情況係意料之外而失望吧! 而且我亦唔覺係因為中國人招待而有這落差, 而係整體上都唔覺係鶴雅。 可能真係新所以咁啩, 不過如你想試晒鶴雅的酒店都無妨, 而且心理上已打定底可能又唔同吧!

    回覆刪除
    回覆
    1. 我又唔係要試哂佢集團的酒店, 只是因為小朋友唔洗比70%覺得抵, 慳番d嘛....
      Summer 住的森の謌服務都ok, 尤其去攞pillow時那個後生的日本仔, 因有老人家, 佢好有心機幫我地揀, 今到老人家好開心...
      依加都係睇定d先算, 不過好大機會唔去, 因為其實係唔順路呀!

      刪除
    2. 真係花幾多錢落硬件都無用, 好心佢唔好整衰成個品牌.
      服務差我都頂得住, 唔好食真係咪搞我.

      刪除
    3. Niseko2000, 其實想試晒鶴雅的係我咋! 本來我都係想住森の謌但無房, 咁啱見二世古有新的開咪試囉, 我訂時佢個website都未有實相, 所以有幾大期待同幻想。 我兩個小姐都係70%價, 所以更加覺得唔抵囉! 但水の謌就唔係, 同一集團定價準則都唔同。

      J少, 其實感覺上佢主打台灣同中國客, 唔知會唔會定位上有影響水準?

      刪除
    4. 直頭係, 成日都係主打自助餐, 啱晒同胞口味.
      我依啲食量唔多的真係唔識欣賞, 家庭客有小朋友會啱啲.

      刪除
    5. 嘻..我係因為連續幾日晚餐都係食和/洋/和洋料理,想食番餐自助餐換吓口味
      J少,你食量唔多? 但你食生果份量好驚人喎,一日份量等於我幾日架喇..

      刪除
    6. 一日買唔等於一日食晒, 我分幾個星期慢慢食架!

      刪除
  14. Hello, 我要留言- 如果你打算用 yahoo 嘅輕鬆搬家做BACKUP . . . 一定要在click 之前將原本系 [私人] , [指定網友] 嘅 post 轉番做 [公開] 唔系, Xuite隨意窩 會出唔到. . . 我中招lu . . ./TT\

    回覆刪除
    回覆
    1. 哈哈! 我個人一向都好大方,所有post都係公開,亦唔會指定某D人可以睇
      Blog名稱講明係旅遊blog嘛,內容只係講旅遊,私人事好少講,而且我平日生活都好平淡,無咩值得話俾人知
      其實你個YB搬哂去Xuite未啫..

      刪除
  15. 3J, 唔好意思借你地方一用, 我好蠢地唔記得在YB留下地埗就搬了! 我主要在聯絡的blogger也在你那裡, 可否借位通知大家呢, 嘻....!
    zason2t.blogspot.hk

    回覆刪除
  16. 我都搬咗lu, 不過大少好似無用Xuite, 只係收到YB的備份通知就直接save在 電腦, 而相片就upload在雲端, 再將所有東西匯入google, 搞咗成個weekend! 不過我仲未研究點樣加"最近post", 追蹤之類的小工具。

    回覆刪除
    回覆
    1. 好快手喎...其實我都未知搬過去Xuite係咩樣,因為YB太多相,我又唔係好識用其他方法save,又驚搬過嚟會用咗好多空間,留番依度俾新遊記,暫時都唔攪住,等去完旅行番嚟先攪,至於blogger嗰D小工具,建議你過去小肥嗰邊睇,唔明就問佢喇

      刪除
  17. 吾...最近幾個朋友住過緩慢, 評價麻麻, 要有心理準備.
    heart's reosrt, 你應該吾會後悔的.
    小樽嘛, 訂左枱未? ^.^

    回覆刪除
    回覆
    1. 吾...我都聽聞過宜家好似差咗D,因為無其他心水,又唔想番兜舊年嗰間,加上book到曩花一現嘅平價,就當住環境囉....
      真係好想試試虛度光陰,浪費生命嘅感覺
      未呀,打算去到日本先訂

      刪除
  18. 咦, 聽日出發喇喎, 玩得開心啲啊!!

    回覆刪除
    回覆
    1. 係呀! 一定開心,我返嚟時又到你了...

      刪除