由於被垃圾留言侵襲,迫不得已在留言內加入驗證功能,不便之處請見諒!

2017年10月4日 星期三

2017 夏末名古屋、靜岡之旅︰簡報及行程

5天的日子飛快地過去了,首先多謝網友Nerissa的關心問及回程的航班是否有問題。其實當星期五晚知道快運出事,有多班飛機取消包括香港來往名古屋,即時上官網查看,慶幸沒有在受影響名單當中,加上亦沒有收到電郵,相信是沒問題,真的一額汗!

第二次搭快運,有過去年試過到福岡的經驗,今次即管再用多次博一博。其實今次來回起飛時間上都沒太大問題,去程雖然因為空管而延誤了少許,到達名古屋也只是遲了15分鐘,可以接受。回程亦算準時,到達香港還早了5分鐘。可惜臨尾香早到亦無用,因為飛機停在停機坪,需要坐接駁巴士,當所有人在機上等落機時,機長竟然宣佈要等外判的機場工作人員來打開機門,約需5分鐘,誰不知最後在機上被困了30 分鐘才有人打開機門讓乘客落機。坐了幾十次飛機,第一次發生這種事情,不知是否只有快運才會有這樣情況出現,加上近日的負評,下次再要坐的話真的要認真考慮。

行程除了名古屋外,大約有一半時間在靜岡縣,去了清水市及浜松市,亦罕有地去了兩個樂園Legoland Japan及浜名湖パルパル。第一次看到在9月尾10月初開花的彼岸花又稱蔓茱沙華 (背景相片),不過開花時間太短,也不是隨處可以看到。除了在名古屋市內,其他地方遊人不多,尤其在靜岡縣,景點及酒店沒遇過香港、台灣及大陸人,全是日本人,感覺好寧靜、好舒服。

至於天氣,天公造美,第一天到達時由雨天開始轉為晴天,跟著第二至第四天依然晴朗,有時更萬里無雲,只是在清水市的那個早上雲較厚,只看到穿了白裙的富士山,有點失望。回程的那天又開始落雨,不過行程也差不多完結,影響不大。

住宿方面,兩晚的一泊二食住宿都不錯,最特別是南知多的若松,改裝兼改了名的新旅館引進了不少革新的服務,感受了前所未有的體驗,相當特別,令人耳目一新。

打鐵趁熱,北歐遊記暫且放在一旁,先寫了新鮮熱辣的日本遊記,相信應該是大家所期望的安排。

以下是詳細行程︰


第一天
香港 > 名古屋中部空港 > 名古屋駅
住宿︰チサンイン名古屋 (Chisun Inn Nagoya)

第二天
取車 > Legoland Japan > 刈谷ハイウェイオアシス > 靜岡清水市 > エスパルスドリームプラザ (S-Pulse Dream Plaza)
住宿︰ホテルクエスト清水 (Hotel Quest Shimizu)

第三天
清水市 (日本平 > 清水灯台 > 三保松原 > 清水魚市場) > 浜松 > はままつ フラワーパーク > 浜名湖
住宿︰ホテル ウェルシーズン浜名湖 (Hotel Wellseason Hamanako)

第四天
浜名湖 (浜名湖パルパル > かんざんじロープウェイ > 大草山展望台) > 知多半島 (矢勝川の彼岸花)

第五天
知多半島 (魚太郎) > イオンモール常滑 > 名古屋中部空港 > 香港




13 則留言:

  1. 唔駛客氣,因為我都剛好有朋友會由大阪返港,好彩都冇問題.

    回覆刪除
  2. 怕咩吖, 係我就即刻 book 多轉添呀.

    回覆刪除
    回覆
    1. 唔了,除非有原因,今次都係貪佢時間好又無其他選擇先搭佢,雖然CX都唔算好,但廉航總令人擔心

      刪除
    2. 緊係 book 啲可去可唔去的 weekend trip 啦.

      刪除
    3. 唔似你會咁做喎...weekend價錢一般都貴D,舊年我去福岡weekend張飛差唔多二千一,唔著數

      刪除
    4. 我學習緊得閒玩吓 budget trip.

      刪除
  3. 我搭過幾次又無乜甩轆喎。今次咁搞法,可能又出多幾次promotion。

    靜岡我我都好鍾意。响日本平睇到富士山嗎?

    回覆刪除
    回覆
    1. 我相信真係睇彩數,我都識人搭過幾次都好正常,但有人一次已經出事
      我買嘅promotion都唔係真係好平,連行李劃位都成2,3XX一個人,CX都唔係貴好多,不過無位,咁又想去咪照殺,幾十蚊嗰D唔係屬於我嘅
      靜岡勝在少人去,無乜人好舒服,响日本平睇到富士山頂,山腰就俾雲圍住咗,嗰朝早又比較厚雲,所以都係麻麻,但下午去到浜松又陽光普照,激死....

      刪除
  4. 你真的lucky, 沒有影響行程, 講真有時ANA, CX or JAL low season 做特價都唔係好貴, 但你今次冇機位又想去就冇辦法, 我地呢d有細路就唔會揀廉航, 最近呢間廉航的news 真係睇到我好驚....
    浜名湖同清水真的很舒服, 只是小丸子museum 同曰本平有少許台灣人

    回覆刪除
    回覆
    1. 我哋去到S-Plus都成5點幾,無入小丸子museum,只係响外面間shop行下買嘢,不過個商場好靜好少人,連壽司店都無乜人。

      連浜名湖パルパル星期日都唔多人,玩咗兩個遊戲,坐埋個ropeway後就離開。

      刪除