有10年未曾响聖誕節去旅行了
因為通常去到12月時年假都已經放哂
想去都無得去
北海道過後今年嘅大假只剩番一日
一直都好想利用僅餘嘅依一日再去多次旅行
而依日啱啱好可以安排响聖誕期間
只需一日然後加埋星期六、日及聖誕假期
咁又可以去5日
真係諗起都開心
宜家為咗可以去以去多幾次
不得不利用節日假期
唔再理會係淡或者旺
人多或者係貴
總之想玩就去玩
年中時已經有咁嘅打算
所以當時就開始留意機票價錢
當然响依段旺季日子係無可能有正常價錢嘅機票
日本一線嘅城市固然係超貴
連二、三線嘅地方都只係平少少
而且仲唔係每日有機
有嘅來回時間也未必好
後來俾我睇到香港航空去米子嘅航班
啱啱好可以星期六去星期三返
仲要去回程時間亦正常
價錢方面當然比正常貴
但香港航空始終唔係廉航
價錢都算可以接受
講到底任性係要付出代價嘅
飛米子即係到山陰鳥取、島根嗰邊
其實2014年夏天已經去過
大部份主要景點亦都去過
當然要搵些未去過嘅亦唔難
今次行程只會圍繞米子、松江一帶，唔會去太遠
兩晚溫泉宿會响玉造溫泉及皆生溫泉
冬天嚟山陰又豈能放過松葉蟹
以下是大概行程︰
第一天
香港 > 米子
住宿︰ホテルハーベストイン米子 (Hotel Harvestin Yonago)
第二天
米子 > 北栄町 > 大山
住宿︰ロイヤルホテル 大山 (Royal Hotel Daisen)
第三天
大山 > 倉吉 > 松江 >玉造溫泉
住宿︰佳翠苑 皆美
第四天
玉造溫泉 > 境港 >皆生溫泉
住宿︰海色・湯の宿 松月
第五天
米子 > 香港
始終同鳥取島根無緣, plan好晒臨出發都要撻Q。明年都唔會有機會去=_=
回覆刪除咁快已經知明年唔會去，明年嘅trip已經plan好哂?
刪除已經有4套機票在手。
刪除哈哈...咁啱我出年都有4套在手，仲一個trip未定地方
刪除阿女明年除咗已plan既trip之外，仲有6日假剩，所以我都係仲有一個未定日期地方既trip😆
刪除我就叫做定咗日期但未定地方，宜家有一兩日紅日都唔放過，盡量慳得一日得一日
刪除哈哈, 我都唔執輸, give me 4, 兩個已定, 兩個未定 :P
刪除果然係同道中人
刪除短短地都唔錯, 做到悶悶地. 走番轉hea 吓都開心
回覆刪除唔係悶悶地，係超悶，返工返到悶死...
刪除如果唔係只剩一日，我想去耐D添..最好係去到出年先返
我呢排攪office搬位既野攪到又煩又攰，我都好想放幾日假抖抖氣。不過因為同同事夾好假，我過年放，佢放聖誕，所以冇得飛。
刪除過年好快啫，仲有個幾月就係
刪除3J, 講真, 係悶到個個月都想飛
刪除雖然話仲有個幾月就過年, 但想飛嘅心情簡直渡日如年
刪除非常同意，好在臨尾俾我飛番轉都好d
刪除皆生温泉我上次都住呢間。幾正。
回覆刪除係咪都撞正大雪？睇新聞話日本海嗰邊好厲害咁。
我知，服務確實唔錯
刪除好彩我响落雪前返咗嚟了，不過天氣都唔太好