由於被垃圾留言侵襲,迫不得已在留言內加入驗證功能,不便之處請見諒!

2021年4月2日 星期五

香港迪士尼樂園

 
前日趁復活節假期前去了香港迪士尼樂園

去年到愉景灣時遇著樂園重開已打算待天氣涼些時進去
可惜不久又迎來了第四波疫情
樂園關閉了整個冬天
直至農曆年後才再次重開
現在才有機會進園

雖然是平日但人不少
當天的入場名額好像差不多爆滿
有很多小朋友
一家大細、年青朋友非常熱鬧
由於人多關係,有些遊玩設施等候時間不短
不過還可接受

香港的迪士尼已有15年歷史
一向對樂園有某程度的喜愛
由開幕到現在每隔一段時間便會進去一次
上一次是2017年10月
至今去過無10次也有8次
好像永遠都不會厭
每次都會好開心

趁機想講講我對迪士尼主題樂園這些年來的一些心路歷程

1990年 (30年前) 去日本第一次踏足東京的迪士尼樂園
當時的心情非常雀躍
8年後 (1998年) 再次探訪
隨後幾年還去了兩次包一括一次到迪士尼海洋
後來因為每次到東京都沒太多時間逗留
加上又有其他地方要去
所以有10幾年沒有再去過了

去過日本後在1994年歐遊時去了位於法國巴黎的迪士尼樂園
然後2001年去美國西岸洛杉磯 (LA) 的迪士尼樂園
回來後只欠美國東岸奧蘭多 (Orlando) 亦是最大的迪士尼渡假村還未去
好想完成制霸迪士尼樂園的心願
因此就趁著阿仔還在小學階段
仍然喜愛迪士尼卡通人物
在2004年時終於去實現這個夢想
5日4夜住宿園內渡假村酒店去了迪士尼4個不同的主題樂園
實在是大滿足

一年後香港亦擁有自己的迪士尼樂園
雖然相比其他的簡直是小巫見到大巫
但要知香港這彈丸之地
能夠擁有一個國際性的主題樂園已經很不錯了
而且樂園一直以來也在擴建
設施也越來越多

2016年上海也開了迪士尼樂園
面積比東京及香港的大
不過暫時還未有衝動去
要面對強國人那種素質
很害怕到時會玩到一肚氣
盡興而去敗興而歸

言歸正傳
以往去樂園都沒影太多相
鑑於已有一段時間沒有出外旅行
今次進園有點去旅行的感覺
好有衝動去影相
應該是有史以來最多的一次

香港迪士尼樂園現正慶祝15周年
推出了兩款門票優惠
包括三人同行 (七五折) 及四人同行 (七折)
連同額外樂園優惠 (詳程參閱樂園網頁)
個人認為都算幾抵

最近 Asia Miles 也提供8折里數優惠換購香港迪士尼樂園門票
可以用里數換以上的優惠門票 (詳程參閱相關網頁)
由於手頭上有些里數快將到期
在不明朗的旅遊因素下
暫時都不會換機票
那麼就用作換門票
慳了千多元

未夠十點半已可進園


因為只有三個人
所以換了三人同行門票


天氣比較熱
慶幸無落雨



改裝後的新城堡



下面是改裝前的舊城堡 (攝於2005年開幕時)


另一張 (攝於2008年)


穿過城堡是幻想世界園區

去玩小熊維尼歷險之旅



然後到反斗奇兵大本營


玩類似海盜船的沖天遙控車


跟著是迷離莊園的迷離大宅


最遺憾是灰熊山谷的灰熊山極速礦車因維修暫停



然後去到探險世界

泰山樹屋


坐船遊歷森林河流之旅







回到幻想世界欣賞第N次的米奇幻想曲


街頭表演





中午時份去到明日世界

去玩新的第二個 Marvel 主題遊樂設施 「蟻俠與黃蜂女:擊戰特攻!」
前身是巴斯光年
其實玩法一樣,只是改變了主題


竟然出現宣萱




我對 Marvel 人物角色不熟識
這兩位點稱呼


再來 Iron Man



中午時園內已非常多人

玩完 Iron Man 已經兩點要搵食
每間餐廳排隊等位的人龍都是長長的
根據以往經驗迷離莊園那邊人流比較少
大宅旁有間大冒險家餐廳食過兩次
室內空間頗大 (室外免了)
坐位也算舒適
食物味道亦不差
就決定去看看
果然排隊的人比其他的少
終於等了半個小時便有位了

韓式牛肉套餐


食完已3點多
繼續去完成想玩的項目
Space Mountain 升了級
變成 Hyperspace Mountain
依然是那條路軌
只是背景改變了少許


排隊時剛巧碰著「米奇與好友歡聚十五周年」列車巡遊經過




最後又回去幻想世界
等待欣賞全新的音樂劇「迪士尼魔法書房」
以前是米奇音樂頒奬禮
由於有人數限制
開演一小前便要來排隊
很快10分鐘後便已滿座截龍


等了大半小時才能入座


內容是關於迪士尼經典與新一代的故事
當中包括經典動畫《小泰山》、《小魚仙》、《魔髮奇緣》、《勇敢傳說之幻險森林》、
《阿拉丁》、《公主與青蛙》及熱賣動畫《魔雪奇緣》



















Elsa 出場






表演完畢時已6點幾


想玩的也七七八八了
去換雪條食 (亦可換爆谷)


士多啤梨及黑加侖子味道


額外樂園優惠除了以上外
還有換領迪士尼頭箍一個或米奇耳朵一頂 (只剩頭箍)


著了燈的城堡






美國小鎮大街聚滿了人



夜空下的城堡


7點半閉園前沒有煙花表演而改為燈光表演


看片







看了一會便轉身離開了

難得在疫情中能夠渡過了開心又充實的一天


17 則留言:

  1. 香港迪迪尼我一次都未去過, 反而老公就去過.
    第四波疫情樂園關閉前有門票抽獎, 我老公抽中但我冇獎, 不過佢又唔係咁想去, 但係阿女好雀躍話要入去幫佢買嘢, 阿女好似你咁鍾意迪迪尼, 佢都去過巴黎迪迪尼, 而家去咗東京更加成日去, 香港就差不多每次番都要抽時間去.

    回覆刪除
    回覆
    1. 我都有朋友一次都未過
      你講起我都有抽奬,不過抽唔中
      買嘢我會鍾意日本,香港好少買
      我鍾意樂園內嗰種氣氛感覺,反而動畫好少睇,阿仔細個時都有陪佢睇,當然早期家喻戶曉嘅故事就一定識
      如果我响東京生活,一定會買張年票當公園咁去,近年無諗過去因為真係一日玩唔哂,雖然未必樣樣都要玩,但如果唔駛排隊的話,幾低B嘅我都會玩
      美國東岸Orlando嗰個係最大最好玩一個,叫你阿女將來有機會去一次

      刪除
    2. 香港嗰個我都未去過😬

      刪除
    3. 原來Fai哥都未去過,可能香港依個真係唔吸引你

      刪除
    4. "買嘢我會鍾意日本,香港好少買" 香港迪迪尼好多限定品東京係冇架, 所以除咗我個女, 佢好多日本妹朋友都成日黎香港迪迪尼買架, 不過而家冇得黎咯.
      我老公抽到張免費飛都應該用唔到, 因為到6月尾佢平日又行唔開, 假期太多人又唔想去.

      刪除
    5. "香港迪迪尼好多限定品東京係冇架"啱喎,正如香港都買唔到東京限定品,我記得以前去東京每次都買唔少,不過園內精品整體上我都係覺得日本靚過香港,餅乾糖果都好食過香港😋
      平日去唔到或者試下星期六,應該好過星期日

      刪除
    6. 我聽你講過
      主題樂園人多又迫又要排隊唔啱你架,食同住先係你杯茶

      刪除
  2. 香港迪士尼我都去過好多次,以前係老公舊公司每年萬聖節包場玩。近年就係我公司喺迪士尼酒店攪活動,完畢後入場玩。不過舊年活動剎停冇得去玩。

    回覆刪除
    回覆
    1. 我舊公司都屬於係跨國大集團,响香港員工都唔少,亦曾經包過場,特別節日間中都會有優惠價門票提供,所以我好都時都會買依D票入去,萬聖節我都去過兩年

      刪除
  3. 到今天都未有機會帶細女去一次迪迪尼,不是門票太貴就是疫情

    回覆刪除
    回覆
    1. 咁不如宜家諗諗,最近疫情好番D加上有門票優惠,兩大兩細有七折又有嘢送 (30/6前),我覺得算好抵
      再者如果你有足夠AM可以好似我咁用里數換 (18/4前),就一毫子都唔駛俾添

      刪除
    2. 5 月尾大女會入去影畢業相,到時先一齊入去玩,希望去得成啦

      刪除
    3. 我嗰日都見到班幼稚園學生着住畢業袍入去,宜家連幼稚園生都出去影相,時代唔同了
      我都希望你去得成,玩得開心

      刪除
    4. 而家好似大部份幼稚園都會喺迪迪尼著畢業袍影相的了

      刪除
    5. 不過好似近幾年先興,以前都唔見有

      刪除
    6. 你咁講開,我又記得我老遠去過廸士尼酒店曝曬下影過一輯團體相。

      刪除