幣舞橋 ~ 藻琴山展望台 ~ 網走市
一早起床第一時間拉開窗簾
正呀! 陽光普照,真開心!
落大堂餐廳食早餐
只有响日本先會食咁豐富的早餐
然後收拾行李退房去租車公司取車
今次除了試新的租車公司外,還會試新車
早前無意中响其他網友的blog中發現了一間
北海道ツアーランド (Hokkaido Tour) 的租車代理公司
經依間公司在オリックスレンタカー (Orix)
租了架1,500cc Honda Freed Hybrid
實在好抵,因為正常來講Hybrid車會貴很多
但又難得遇上這個價錢,和老公考慮了幾日終於決定改租
【禁煙車指定】燃費と空間の最強コンビ♪
「フリードハイブリッド」指定プラン!《秋前半》
9天連乘捨料金7,350yen,合計55,450yen (係咪好抵呢?)
車身都唔係好大啫,比普通車長少少
摺起最後排坐位後空間好大,可放多件行李
不過最多只能坐5個人
第三次來釧路亦是第三次來幣舞橋
春夏秋冬這4位美女當然不能缺少
到過幣舞橋後便要離開釧路去網走
路過藻琴山展望台
依個位置可以看見屈斜路湖
然後又經過藻琴山芝櫻公園
遠處個山坡5月時會舖滿芝櫻
記得2009年那年來賞芝櫻,場面好壯觀
來到網走市已經差不多中午一點
先食午餐再去景點
回転寿司ビッグ・サン潮見店
依間和鮨ダイニング 月是同一集團,不過價錢比較親民
人客不多,回轉帶上也只是放了幾碟壽司
看見餐牌有Sushi set
No. 1的壽司款式不錯,全部都是想食的
而價錢我估應該跟散叫會便宜少少 (其實無計過)
最後和老公每人一個No. 1
幾新鮮,味道不錯
食過午飯後開始網走行程
首先去小清水原生花園
花已經無咩
只係看看海到此一遊便算了
影幾張相很快便離開去下一站
只有响日本先會食咁豐富的早餐
然後收拾行李退房去租車公司取車
今次除了試新的租車公司外,還會試新車
早前無意中响其他網友的blog中發現了一間
北海道ツアーランド (Hokkaido Tour) 的租車代理公司
經依間公司在オリックスレンタカー (Orix)
租了架1,500cc Honda Freed Hybrid
原本已租咗慣用的1,500cc普通車
但看見這架Freed Hybrid車價比普通車只是貴2,500yen實在好抵,因為正常來講Hybrid車會貴很多
由於Freed是一架7人車,不過亦算是小型的7人車
兩個人租架7人車又好像誇張了少少但又難得遇上這個價錢,和老公考慮了幾日終於決定改租
【禁煙車指定】燃費と空間の最強コンビ♪
「フリードハイブリッド」指定プラン!《秋前半》
9天連乘捨料金7,350yen,合計55,450yen (係咪好抵呢?)
車身都唔係好大啫,比普通車長少少
摺起最後排坐位後空間好大,可放多件行李
不過最多只能坐5個人
數字錶板清楚好多
第一次揸Hybrid車,對錶板內的顯示很新奇
開車第一站去幣舞橋
第三次來釧路亦是第三次來幣舞橋
春夏秋冬這4位美女當然不能缺少
到過幣舞橋後便要離開釧路去網走
路過藻琴山展望台
依個位置可以看見屈斜路湖
然後又經過藻琴山芝櫻公園
遠處個山坡5月時會舖滿芝櫻
記得2009年那年來賞芝櫻,場面好壯觀
來到網走市已經差不多中午一點
先食午餐再去景點
回転寿司ビッグ・サン潮見店
依間和鮨ダイニング 月是同一集團,不過價錢比較親民
人客不多,回轉帶上也只是放了幾碟壽司
看見餐牌有Sushi set
No. 1的壽司款式不錯,全部都是想食的
而價錢我估應該跟散叫會便宜少少 (其實無計過)
最後和老公每人一個No. 1
幾新鮮,味道不錯
最後再加上 (アラ汁) 下 (カニ汁) 兩個湯
首先去小清水原生花園
花已經無咩
只係看看海到此一遊便算了
影幾張相很快便離開去下一站
嗯,匆匆的我來了,匆匆的網走又走了 ^0^ 好鬼快呀 哈!
回覆刪除網走行程未完架...
刪除哈,你咁識貨去北海道ツアーランド租車。:D
回覆刪除FreeD我覺得比一般車短咗少少,好似比人斬咗個尾。
哈,嗰位網友咪係你囉,見你介紹咪走入去check吓,果真平好多,原本打算租Toyota,宜家平咗差唔多18,000yen,油錢都唔駛咁貴
刪除就係因為Freed比一般7人車短少少,但都比Sienta長少少,我老公一向揸慣細車,太大佢泊車會有問題,不過內籠大D又坐得舒服D,仲有個問題係有D細車個車尾箱唔係好大,有時放咗個29吋喼已經好難放到個25吋喼,要放响後排座位
如果租車價比Sienta平,緊係揀Freed,話哂都係“新”出品(08開始,算新架)。
刪除香港代理賣價比較貴,平過Stepwgn得兩萬,都唔知係咪趕客。
咦, 咁好嘢, BOOMARK 先 ^0^ btw, 我仲未有車牌. . . 哈哈哈
刪除嘩~ 我都黎插旗, 出年個Trip可以幫襯喎~~ ^O^
刪除好藍的藍天 ~ good !
回覆刪除七人車大o的好丫 ! 可以 shop 多o的野,哈哈 ! :)
天氣依樣嘢真係....好天到有時想搵舊雲遮吓陰都無,雖然溫度唔算好高,但好鬼曬架嘛...
刪除到落雨時想佢停一陣都唔得,當然去旅行最想係日日都咁好天喇...
shop多D,到還車時大包細包攞落車都幾係嘢....
大包細包攞落車,點都好過我推住大包細包咁上落月台樓梯、同迫地鉄吖 :(
刪除咁又係,起碼我去到最尾先辛苦,而你就沿途都辛苦,所以如果我哋唔自駕的話,沿路真係唔敢買太多嘢
刪除"好天到有時想搵舊雲遮吓陰都無"...... :~(
刪除我啲雲送晒俾你啦不如............
我都返咗嚟...送俾我都無用lu...嘻嘻!
刪除我無坐火車好耐, 今次由福岡上廣島, 再由廣島上大阪至記得當時拎住行李坐火車既味道 :(
刪除坐火車最頭痛係行李問題,你唔試吓用宅急便,將件大行李先寄去兩三日後嘅酒店,減輕吓負擔
刪除火車有火車好,揸車有揸車好,諗諗吓依兩年我哋去日本大部份都係自駕遊
請問 Freed Hybird 是否慳油呢?
回覆刪除請問 Freed Hybird 是否慳油呢?
回覆刪除路人甲撘咀。
刪除http://www.honda.co.jp/FREED/
21km/L,中等慳油,即同Toyota Ractis,Honda Fit(普通版)差不多。
唔該コーさん幫我答咗依個問題,其實我唔識揸車對車認識唔多,只係近幾年多咗响日本租車,叫做知少少,好多時租車只係考慮價錢及大細,而我老公對車款又無乜所謂,反正响香港都無揸開車,上到車再慢慢習慣,總結油似乎又唔係明顯慳好多,今次因為見係Hybrid,未揸過價錢又唔貴,所以先租
刪除唔好意思, 我又有關於租車問題, 我睇過Hokkaido Tour有個早割plan, 12泊13日56800yen包免責補償 《ツアーランドサイトは全プラン免責補償込みだから安心!》, 因為第一次係日本租車, 對呢類保險唔係幾識, 請問是否佢咁寫即係全包保險呀, 會唔會攞車時要另加保險。
回覆刪除又係我撘咀。
刪除tour land包基本保。如果touch wood發生事故,最壞情況要俾幾萬至十萬日元NOC。
你可每日再加保至NOC都cover埋,不過其實依家香港好多旅遊保都會cover幾千港元NOC,已經夠用。
多謝路人甲搭咀XD,乜旅遊保險都包埋汽車保架,等我look look我份旅遊保險先,咁即係我比56800yen就足夠。
刪除有呀,我今次都有買香港旅遊保cover 部份NOC算了。
刪除睇返我買開既保險,Koosan講既係唔係第三者保險呀?
刪除我都唔知旅遊保有cover NOC,係咪要special request保險公司先包架? 保費係咪會貴少少?
刪除我哋响日本都租過接近20次車,每次都只係包免責補償,試過兩次要俾NOC,每次都係2萬yen
我睇個plan加保NOC每日600yen
刪除到我黎搭o下咀,其實我都想問コーさん,NOC係咪包埋touch wood 當架車有乜意外導致租車公司要攞去整而做唔到生意,租車公司會claim你嗰幾日既營業額損失,我曾經見過這個個案。
刪除大小姐,你所講的「營業額損失」應該就係NOC包埋。
刪除touch wood的修理費已包在基本免責(當然有D唔包,例:酒後駕駛出事)。
https://rent.toyota.co.jp/guide/use/jiko.aspx
旅遊保,之前睇Ben哥有提過幾間,我自己今次就買藍X字,同我平時買恆X銀行差不多價。
http://smartbenben.blogspot.hk/2013/11/2013_26.html
Maggie, Kaykie
刪除藍X字例子:
保障概覽
醫療費用保障
海外住院或隔離現金津貼保障
個人意外保障
旅程阻礙保障 ─ 包括旅程取消、縮短及延誤
租車自負額保障(新) <----------------------
郵輪旅程專有保障(新)
原來恒x冇包,咁我睇下藍x字先。
刪除最近係日本撞花架車,比咗yen20000 NOC,返到嚟香港claim唔到喎,他們說租車自負額唔包NOC,so sad. How do you claim noc from hk travel insurance? Thx.
刪除3J,記唔記得tourland租車plan
回覆刪除秋は絶景♪ツアーランド限定の秋ドライブプラン♪
當時有無寫Freed Hybrid指定?
有,啱啱睇番D email,原來我响blog度打錯,依個plan應該係我之前book個plan,後來取消咗,下面依個先係真,嘻嘻...sorry
刪除プラン名:【禁煙車指定】燃費と空間の最強コンビ♪「フリードハイブリッド」指定プラン!《秋前半》
タイプ・クラス:エコカー/フリードハイブリッド指定(禁煙車)
更新了..
刪除明白,我只能夠去orix訂咗エコカー特價plan,無指定,可能係freed hybrid, toyota aqua。當然想要freed雙趟門啦。
刪除因為orix係honda指定租車公司之一,唯有估係freed機會大啲。