由於被垃圾留言侵襲,迫不得已在留言內加入驗證功能,不便之處請見諒!

2015年11月25日 星期三

2015 銀婚紀念@西葡 - Day 11 & 12 回程香港 (完結篇)


機場離市區不遠,約半小時車程


4點左右到達機場

航空公司一早幫我們出好了登機証
而座位也由領隊一早在網上安排好了
這也是跟團的好處

寄行李前必須要去做退稅
因為辦理退稅時職員會要求檢查退稅的貨品
辦好手續便可以把物件放進喼內寄倉


排隊退稅然後寄倉再過關便可在禁區裏辦理退款
花了一個半小時有多



行了一會感覺有點餓,一陣飛德國慕尼黑的那程機應該只得三文治
食少少東西上飛機比較好


見有麥當勞

價錢也不便宜



最後找到個最平的麥香雞飽 10euro

一人一個



食完去閘口等上機,還有15分鐘才登機

由巴塞隆拿到德國慕尼黑轉機
18:45起飛,預計20:45到達,約兩個鐘

由於距離較近,所以比來時由法蘭克福到波爾圖少了差不多一個鐘


西班牙有緣再見


飛機上提供的三文治


準時到達慕尼黑機場

由於轉機時間只有一個半鐘,而且還要辦理出境手續
所以要急步走過去



其實我們持英國護照的只要出境時
把護照在自助閘口外的掃瞄器上一掃
閘口打開後走過去便完成,過程等於香港的e通道
完全不經人手,快捷方便

不過旁邊手持其他不是EU護照的人要人手操作的櫃位也不多人

不用半個鐘便到達閘口,還有半個鐘才登機

慕尼黑前往香港
22:15起飛,預計翌日香港時間15:55到達,接近12個鐘



飛香港的機型不是747而是Airbus

第一次坐飛長程的空中巴士A340-600
內襱除了較新外,最特別的設計竟然是經濟客位的洗手間位置是在下層


在德航官網找來一張平面圖

洗手間在飛機的中央位置,要落樓梯


準時開動


好欣賞機內的飛行地圖,好有立體感覺

起飛了!  再見了歐洲!








晚餐




餐後看了套電影然後搵周公

半夢半醒大約過了5、6個鐘
在到達前3小時便決定不再睡了



等了一會食早餐


到達香港時剛打完風,機場橫風橫雨
最不幸的是之前因為有太多航班延誤
所有停泊飛機的閘口都滿了
這班機唯有停在停機坪上
等候接駁巴士到入境大樓

在機上等了一會,然後空姐派給每人一件雨衣
(記得3年前的夏天從東京返香港時正直8號風球,亦是要穿雨衣落飛機)
各人穿上雨衣後陸陸續續落飛機坐接駁巴士到大樓


等行李也等了大半個鐘

12日的葡萄牙、西班牙之旅完滿結束

期待5年後的珍珠婚紀念旅行

****************************************************************************

西葡遊記相信對各位日遊網友會感到有點沉悶
我亦極速地在個多月內完成
因為下個星期將要出發去今年最後一個旅行
到我至愛的日本北海道,行程將會稍後發佈


26 則留言:

  1. 唔好意思,真係有少少悶, 哈哈, 可能要再過N年先有興趣.....
    嘩, 又有我至愛的北海道睇, 快d post 行程啦!!!

    回覆刪除
    回覆
    1. 都知架,不過唔寫又唔得,所以快手寫完咪安樂哂囉...
      今次主要去道南,睇下雪、聖誕燈飾及湯巡咁喇,過幾日會post
      你聖誕都去喇...

      刪除
    2. 一定要寫, 唔寫會唔記得架, 第日可以睇番麻.....

      刪除
  2. 我唔覺悶, 因為啲地方都未去過.
    你好似經常返香港都會遇到打風.....

    依家北海道好凍呀~~

    回覆刪除
    回覆
    1. 不過好在都係回程,去程就麻煩
      我今次係想睇雪,上個星期成日睇live cam都仲未有雪,好在今個星期開始落都好D
      我試過1,2月去咪仲凍

      刪除
    2. 所以近年已經避開冬天去了, 貪得意咩....
      有雪浸係吸引啲, 但凍到傻.

      刪除
    3. 冬天去北海道今次只係第4次,上次冬天去已經係2011年初嘅事了,而12月份去仲係1999年嗰時
      北海道要四季輪住去嘛,2012夏天,2013秋天,2009年春天去過一次唔太吸引,下次會輪到夏天,最快2017年喇...
      你都唔觀光嘅,留响旅館點會凍呢..

      刪除
    4. 身字弱但係無財多....
      春天最啱住旅館, 有殘雪又唔太凍, 夏天就去食糞.

      刪除
    5. 殘雪好污糟,我喜歡白雪多D,我就話秋天最舒服,秋高氣爽,你未試過啫..>:)

      刪除
    6. 路過....只去過夏天和冬天, 不過agree with 3J, 應該秋天最舒服, 唔太熱唔太凍....但依加都係鍾意白雪
      J少, 財多先身子弱...

      刪除
    7. 等我比人炒咗咪秋天自己去o羅

      刪除
    8. Niseko2000, 唔緊要等兩個仔大D,可以掉低佢哋同老公去,秋天比春天好
      我無錢但身子仲頂得順>:)

      刪除
  3. 歐洲真係又愛又恨, 飛十幾個鐘, 諗起都怕怕 !

    回覆刪除
    回覆
    1. 都係架..我就係怕坐長途機,所以依10年經常去日本,幾年先去一次長線,不過今年飛過兩次歐洲感覺還可以,嚟緊或者會去多少少歐洲都唔定

      刪除
  4. 你好似係參加 KUONI, 咁你覺得佢地既服務OK嗎??

    回覆刪除
    回覆
    1. 响簡報都提過我跟團經驗不多,上次係5年前跟佢去東歐,都OK,所以今次都再跟,唔差又唔可以講好好,咁話哂佢做開長線,又收得唔平,食住應該無得挑剔,行程又set好哂,主要係睇個領隊如何,今次個領隊好有經驗,景點資料都算講得好詳細,當然間中都會sell下自己/公司,又踩下其他旅行社咁,不過都有聽到有些團友對行程包括食住及領隊的評語,以及跟其他旅行社的比較,有好有唔好喇...有時參加旅行團都要講彩數

      刪除
    2. 呢個我都明, 只不過剛才打電話詢問旅行團既資料, 個職員初頭既服膀都感覺良好, 只係問多兩句就... =_=!

      刪除
    3. 依樣真係要睇個別職員,我最初先上網睇資料,睇啱咗就上去佢尖沙咀分行再問,個職員都OK
      後來上去銅鑼灣分行報名,一般無咩特別,再上去俾尾數時嗰個職員就十下十下咁
      不過佢哋比較容易成團,就算一個客都未收都可以肯定成團,我5月中報9月尾已經話成咗團,後來先知原來我哋係第一、二個報名,我相信佢哋係好有信心一定收到客囉..

      刪除
    4. 我上網睇過吓資料, 只係想知多少少, 初頭都OK, 可能知我都係得個問字, 之後覺得佢既態度有d差!
      一個客都未收都可以肯定成團, 呢樣真係唔係好多旅行社都做到, 通想都話仲收梗, 電腦睇唔到之類...

      刪除
    5. 就係因為佢話我知已經成團我先報名,好驚嗰D要出發一個星期前先通知我成唔成到團,到時成唔到臨急臨忙我都唔知去邊到搵
      宜家參加旅行團嘅人心態跟以前好似唔同咗,好似越貴越多人去,所以依D叫做優質走高檔嘅旅行社都幾多人參加,尤其係長線團

      刪除
    6. 仲有佢哋嘅服務同一般大眾化嘅旅行社有D唔同,CWB分社搬咗新址後有個茶會室,無茶會開就辦講座,開茶會係個別一張張圓枱,食物係英式茶架,臨尾仲有Haagen-Dazs雪糕 (5年前我仲响中式酒樓開茶會),除咗旅行袋送仲有行李帶,去到機場集合時領隊會每一派個袋仔,裏面有e-ticket、酒店資料、行李牌 (裏面已有哂客人姓名及資料),派埋boarding pass可以去counter check-in,攪掂就可以直接入閘,到時响閘口再見

      我唔知其他旅行社會係點,但我覺得依方面佢哋安排得幾好,去到目的地無論用餐、交通、景點入場、酒店check-in都處理得唔錯,無咩可以投訴

      刪除
    7. 我都好怕嗰D要出發前一星期才通知成不成團既旅行社, 一心諗住高高興興等出發, 假都請埋, 佢一個唔好意思唔成團真係企咗喺度, group你落第二團又未必啱自己心水 !
      我都好大疑惑, 果D優質高檔嘅旅行社, D團費一點也不便宜, 但大都成團兼滿額

      刪除
    8. 依家茶會點型式我就唔清楚啦, 好多時就唔到時間都無出席, 只係上旅行社攞番資料便算;
      (响中式酒樓開茶會)是很久以前的事了, 除咗旅行袋, 行李帶仲送埋26"行李喼添;
      去到機場做法大致上一樣啦, 有D旅行社都已經提升咗自己既服務水平, 去到當地酒店, 每晚仲有張卡仔寫低明日天氣等資料, 領隊又寫埋自己房既電話號碼等等

      刪除
    9. 茶會我會儘量去開,有時上旅行社後補資料無去聽咁詳細,除非真係抽唔到時間去無法辦
      咁啱我5年前參加東歐同今次去西葡都有送旅行喼,我唔知係咩情況咩原因送,上次係25吋,今次係29吋,卡仔每日都有,今次去西葡好多餐廳都提供wifi,領隊都好主動去問餐廳待應攞wifi資料俾我哋

      刪除
  5. 我剛報左3月尾跟勝景去德瑞,你覺得食住行程都滿意嗎?

    回覆刪除
    回覆
    1. 佢個價食住基本上都交足功課不會差,不過德國食就麻麻,唔係旅行社問題,係國家問題

      刪除