由於被垃圾留言侵襲,迫不得已在留言內加入驗證功能,不便之處請見諒!

2015年11月14日 星期六

2015 銀婚紀念@西葡 - Day 9 (I) 華倫西亞 (Valencia) 古城之旅 (1)


落樓下食早餐



好無聊


今日會離開馬德里去西班牙第三大城市華倫西亞 (Valencia)

由馬德里到華倫西亞車程約4小時

途中停了一個休息站後到達時已經一點幾


落車先去食午餐






餐後開始古城之旅,其實是市內觀光






聖瑪利亞廣場 (Plaza de la Virgen)





孤苦聖母教堂 (Real Basílica De Nuestra Señora De Los Desamparados)
另一邊連著華倫西亞大教堂 (Valencia Cathedral)


大教堂北面哥德式建築的使徒門


大教堂左側的八角形高塔
是建於西元14~15世紀的米格雷特之塔 (Torre del Miguelete)
為華倫西亞地標
有207級螺旋樓梯可登上塔頂環視整個舊區





大教堂是天主教華倫西亞總教區的主教座堂
曾是西哥特人主教座堂的原址,摩爾人統治時期改為清真寺
在收復失地運動後,1238年,第一任華倫西亞主教將清真寺祝聖為天主堂
根據海梅一世的命令,供奉聖母,當時牆上還有古蘭經銘文
1262年,主教將其拆除,興建新的教堂
該主教座堂主要為加泰羅尼亞哥德式風格
但也包含了羅馬式、法國哥德式、文藝復興、巴洛克和新古典主義元素





教堂內有許多15世紀繪畫
有些是當地藝術家的作品
還有一些是羅馬藝術家的作品
由出生於華倫西亞的教宗亞歷山大六世 (當時還是樞機) 贈送




主教座堂保存有一個聖杯,據說是最後的晚餐使用的正宗聖杯
世界上大多數基督教歷史學家認為所有的證據都指向
在所有所謂的聖杯中,華倫西亞聖杯最有可能是最後的晚餐使用的正宗杯子
 許多位天主教教宗都曾使用這個聖杯,最近的一位是本篤十六世,在2006年7月9日
這聖杯可追溯到第1世紀,由阿拉貢國王阿方索五世在1436年贈送給華倫西亞主教座堂


















離開大教堂繼續古城之旅

聖卡塔利娜教堂 (Iglesia de Santa Catalina)





來到女王廣場 (Plaza de la Reina) 這間雪糕店


領隊介紹這雪糕店有些味道很特別的雪糕
例如蕃茄、沙丁魚、西班牙庵列、茄汁豆、西班牙凍湯





當然也有些正常味道的雪糕,種類都很多


最後買了杯細的 (2.2 Euro),有兩個球,黃色是芒果、粉紅是西瓜
芒果正常的味道,反而西瓜雪糕好少有,食落好香西瓜味,好清甜,不錯食


邊食邊行

經過市政廳廣場 (Plaça de l'Ajuntament)





來到華倫西亞市政廳 (Ajuntament de València)



市政廳上的蝙蝠在華倫西亞各處都不難發現

傳說13世紀時,為了驅趕入侵的摩爾人
阿拉貢國王海梅一世率大軍東征,意欲收復華倫西亞城
在一次戰役中,一支敵箭悄悄射向了正全神貫注指揮戰鬥的海梅
恰巧這時有一隻蝙蝠飛過,幫他擋下了這致命的一箭
因此,在華倫西亞城光復後,為了感谢蝙蝠對他的庇護
他把蝙蝠封為他的保護神,蝙蝠便作為一個英雄角色被設計進了城徽當中
從此,這樣的傳說讓蝙蝠滲透進了華倫西亞的文化當中,各處都會有蝙蝠圖案
甚至在華倫西亞的球會都不約而同地選擇了蝙蝠來作為隊徽的元素之一


領隊介紹完市政廳後有少許自由活動時間


我們跟著領隊指示一直向前行




來到華倫西亞火車站


Estació del Nord (The North Station)


火車站時鐘亦有蝙蝠標誌


火車站始建於1906年,是城中現代主義建築的典範


車站票務處充滿精緻的馬賽克肖像畫飾



車站月台




火車站旁邊是華倫西亞鬥牛場 (Plaza de Toros de Valencia)



建於1841年的鬥牛場現時可容納 10,500 名觀眾


著名的鬥牛勇士 Manolo Montoliu,終於1992年


完成了舊城區的觀光
剩餘時間在附商店及百貨公司
然後去集合地點上車到酒店


6 則留言:

  1. 西班牙啲消費真係好平.

    我一路睇發覺依個 trip 真係好多地方都好值得去見識, 而且好多地方都係自己懶無時間嘗試去搵資料的, 個 tour 都幾吸引.

    回覆刪除
    回覆
    1. 其實西葡物價比其他西歐平,起碼平過法國
      南歐風景同西歐好唔同,可能係地中海沿岸經常見到海,有熱帶感覺
      如果自由行可只去馬德里和巴塞,其他城市視乎有無時間
      巴塞hea hea地都可以stay幾日,如果鐘意高迪作品都可以消磨唔少時間,依位建築師風格真係好特別 (下篇會開始介紹)
      明年CX有直飛馬德里慳番轉機時間,可以諗諗,不過唔建議夏天去,熱到40度都幾難頂,反而3、4月Easter會幾舒服,我今次9月尾已過咗最熱時間,只係日頭熱D,早晚都好涼,天氣超好,幾乎日日都藍天

      刪除
    2. 其實一離開 London 瑞士, 其他國家即時變得好平, 尤其係啲酒店價錢.

      歐洲都仲有好多國家未去, 好難的起心肝去 plan, 每次借完書睇完一輪都係放棄. 有機會 join 團都會考慮吓.

      刪除
    3. 我今次住嗰D 4星酒店試過响 booking.com 睇過都唔貴,不過有D就唔近市中心,偏僻咗少少,旅行團一般都係咁,因為返到酒店就瞓,瞓醒就出發,但間間都好乾淨舒服

      自由行去歐洲真係好難plan,又去唔得多地方,上次去巴黎只去一個城市,先至唔難,所以去歐洲都會諗住跟團,不過再去會揀D深度遊,只去一個國家但去幾個城市

      自己去喇,join 團你唔得架...

      刪除
    4. 總之一離開日本瑞士就好似變咗小學雞咁, 咩都唔識 plan. London Paris 依啲一個城市緊係無問題, 意大利咁大路但要去好幾個城市我已經 R 晒頭.... 不過我去旅行真係好怕安全問題, 唔係怕死怕比人打劫, 係總係要經常 alert 自己, 完全無放假 feel.

      刪除
    5. 我都好怕歐洲嘅治安,上次去巴黎都成日要小心
      反而今次跟團仲好D,領隊第一日已經千叮萬囑我哋要小心財物,不過因為我哋經常係一班人一齊行,可能反而仲難落手,又唔會搭公共交通工具,所以感覺無咁驚

      刪除