今朝無要酒店早餐，嚟函館理所當然去朝市食喇...
check-out 後去到朝市7點幾
一人一個三色丼 (1,680yen)
我和阿仔同樣揀咗蝦、帶子和海膽
而老公就要蟹、帶子和海膽
不過今次D帶子唔得，切得好薄又唔爽
其他都還好
睇怕有機會下次再嚟朝市，要揀過另一間
食完早餐就周圍行吓
都唔打算買D咩嘢
行到依檔燒帶子，問嗰兩父子食唔食
無所謂喎咁就要咗兩隻 (500yen/隻)
食完走去對面生果檔
見D夕張蜜唔算好平
雖然唔太平，都問吓老公好唔好買番個
佢話唔雪無咁好食，話不如一人一件現場即食算數
咁就一人一件囉
之前食嗰碗三色丼好大碗(老公話早知叫迷你size)
加埋燒帶子、一件蜜瓜，飽到上心口
跟住响朝市又行咗一陣
咦...好似有人拍嘢
無咩好睇好買決定走人
成日都見有人嚟依檔釣魷魚，今日咁靜嘅 (可能時間尚早)
攞車之前行去函館駅睇睇
出發去下個景點- 大沼公園
半個幾鐘就到咗大沼公園
泊咗車先行去大沼公園駅望望
見到站外有堆人
阿仔check到話好似有班SL函館大沼號就到
D人應該响度等緊影相
唔怪得沿途入嚟大沼公園時有個位置見到好多人企响路軌旁
仲set哂腳架
都應該係為咗影火車
阿仔又係D火車迷，咁我哋又企响度等埋一份
無幾耐架火車就到咗
影完相我哋就正式行入去公園
大沼公園於1958年被指定為國定公園，全名為大沼國定公園
公園以大沼湖和附近的小沼、蓴菜沼以及
海拔1133米的駒岳的美麗山峰為主。
公園內有幾條自然散策course，
我哋揀咗條島巡りの徑 (唔記得影個map)
途中會經過一些小島及無數個連接島與島之間的小橋
時間約需50分鐘
整條散策course都係平路，唔難行所以唔駛50分鐘已經行完
之後行番去出口，食著名的牛奶雪糕及飲山川牛奶
其實依杯係牛奶 mix 蜜瓜
遊完大沼公園咁就完結咗函館嘅行程
下一篇 -- 二世古
沒有留言:
張貼留言