離開咗帶廣，下一站係釧路
由帶廣到釧路依段路嘅天氣真係變幻無常
一時藍天白雲，一時天陰，一時又起霧
經過釧路空港
首先會去釧路市丹頂鶴自然公園
買飛入場，一般(高校生以上) 460yen
一入門口左邊係売店
另一邊係展示室
睇完展示室我哋出室外
請留意天色，唔錯呢! (斷估唔到...)
丹頂鶴自然公園於1958 年在釧路市開園
是為保護及繁殖丹頂鶴而設，以拯救這種瀕臨絕種的「國鳥」
受保護的丹頂鶴有鐵絲網相隔，遊人可以近距離觀賞牠們的優美姿態
卻絕不能接觸驚擾到牠們，現時放養了20隻，每年的五、六月為繁殖期
其中以這頭頂為紅色、羽毛為純白、脖子與
長羽毛的先端部分為黑色的丹頂鶴最為珍奇
被指定為「特別天然紀念物」
公園唔係好大，約一個鐘已經行完
跟住去濕原展望台
啡色建築的濕原展望台外觀有些似中古歐洲城堡
売店
入館料︰一般/大学生460yen 高校生240yen (阿仔又可以平D)
先上頂樓展望台，可眺望釧路的濕原美景
剛才响丹頂鶴自然公園仲好好天
宜家又變成白濛濛一片
(變化仲陸續有來)
大家睇唔睇到濕原美景呢....
依座咁有特色的建築物原來係出自一位著名的建築家毛綱毅曠
在1941年出生於釧路市的毛綱毅曠除了設計了這座展望台外
還有相信曾經來過釧路大多數人都熟悉的釧路フィッシャーマンズワーフMOO (Fisherman's Wharf MOO)
(幣舞橋隔離)
和釧路市立幣舞中学校等
2/F展示室內展示了有關釧路濕原的生態環境和形成過程、
以及棲息育有的動植物資料和照片等
參觀完時間已經12點半，去釧路市食lunch
阿仔經常响D北海道旅遊節目睇到介紹釧路和商市場嘅勝手丼
但相信去食過嘅人都會認為其實係唔平
隨時一碗丼買吓買吓都起碼2、3千yen
為咗滿足阿仔個好奇心，就帶佢嚟見識吓
本來打算嚟到買海鮮食，點知嚟到除咗蟹外
其他魚類及貝殼類都話唔可以即場食
(我記得曾經睇過有人可以喎，都唔明)
其實賣海鮮都唔係好多檔，問咗幾檔唔得即時無哂mood
最後唯有買咗隻鱈場蟹即煮
然後一人一碗勝手丼
(張相朦咗)
依隻蟹7,000yen，唔係好大隻，太大驚食唔哂
因為細所以D肉唔算太豐滿，如果要豐滿D就要大隻D兼貴D
要成萬五、六yen
檔主曾經游說我不如要熟咗嗰D
我梗係唔要喇，要食梗係食新鮮即撈即煮
3個人好快便KO咗成隻蟹，份量都足夠
跟住去生果檔買D蜜瓜做飯後果
食完兩點幾又再出發
下一篇 -- 細岡展望台
沒有留言:
張貼留言