由於被垃圾留言侵襲,迫不得已在留言內加入驗證功能,不便之處請見諒!

2012年8月6日 星期一

2012 夏日炎炎北海道 (Day 3) (III) - Pension Famille Inn Ramina


當要決定嚟二世古時,就開始搵合意嘅住宿

其實關於二世古嘅遊記並不多

有的多數都係冬天嚟滑雪

提及住宿的更寥寥可數

酒店和溫泉旅館決定唔住

二世古亦有很多Pension,但邊間會比較好呢?

偶然間在某台灣人的部落格裏看到
這間ファミール・イン・ラミーナ(Famille Inn Ramina)

她曾經住過2次(雖然是冬天),但評語很不錯

再上Jalan睇睇,原來總合評分有成4.9
而朝食及接客服務有5分滿分

就咁樣決定咗二世古的住宿

由於今日係星期六,亦係日本三連休的第一日

好驚太遲book會無房

未等到Jalan有得book時,响2月尾時便直接send email來

好快民宿主人便回覆我,後來等咗幾日終於收到confirmation
安樂哂...

接近5點我哋便到咗Ramina



原來我哋係最早到

民宿老板一見到我已經知我係邊位 (之後幾間民宿主人都係一樣)

入咗屋除咗鞋換上拖鞋,老板先用布清潔一下我們的行李箱

跟住便帶我們上房間

原本我book嘅係Twin Room (因為也可以住3個人)

但轉了間Condominium俾我哋
不過只收Twin Room價錢 (算是upgrade咗)

(其實應該係當日只有我哋係3個人,所以俾間大D嘅房我哋)
(Twin Room 9,000yen/人,Condominium 10,500yen/人)

先介紹一下房間

入門左邊係浴室,設備齊全,好似酒店浴室一樣


右邊先係一間雙人房,然後隔離係一間6疊和室


跟住係客廳,旁邊有個細細嘅廚房


客廳仲連接一個小小嘅露台


露台外可清楚望到羊蹄山


依張係一個鐘後影的,清楚好多


民宿總共有4間Twin Room、1間供殘障人士的Twin Room
及2間Condominium

想知道Twin Room的樣子,請看民宿網頁 (英文)

介紹完房間,輪到介紹其他地方

所有房間設於二樓,房間外的空間很寬落


跟住沿著樓梯落番去地下


依個係前台


樓梯旁亦即是門口的右邊有個細細的客廳
有梳化、火爐,仲擺放咗好多書本


門口的左邊便是飯廳


我哋坐依張枱


全間屋都係採用來自北海道的天然原木建造

好光猛乾淨,給人好溫暖舒適感覺

餐枱另一邊放了一座鋼琴,地上仲有個結他
(唔知係裝飾又或是真係主人嘅喜好)


鋼琴上的小擺設


飯廳這個角落擺放咗水、茶及咖啡俾客人隨便享用


這位便是民宿老板藤峰俊一(Fujimine san)


老板英文唔錯,因為間中都有接待一些外國人

個人感覺佢唔屬於好健談,不過好nice

門口脫鞋處設有放置雪靴及滑雪用具的地方


另外民宿還設有家族風呂供一家人一起浸浴


影完相番上房

枱上放了一本關於民宿的資料及守則

以下便是民宿的名字Ramina的由來

大致意思是

Ramina的名字出自愛奴語的「心」和「微笑」

(即表示民宿主人會用真心和笑容對待每位客人)


在房間hea到6點半去食晚餐


竟然有夕食餐單


依張清楚D


前菜


しばれ生ハム (火腿)


たたき長芋の雲丹添え (磨成蓉的長芋放上海膽)


スモークサーモンのマリネ (煙三文魚)


さらだ︰ニセコ產黑さんご胡瓜の三色さらだ
(沙律︰青瓜、蘿蔔、蕃茄三色沙律)


お造り︰余市產「活縞ゾイ」の昆布〆
(刺身︰縞ゾイ)
(縞ゾイ係一種魚,唔知有無人知係咩魚)


野菜料理︰清水さんの米ナスのチーズ焼 (芝士焗茄子)
(我一向唔太喜歡食茄子,但依個好好味,芝士好香)


豆腐料理︰焼豆腐の野菜添え
(食落口完全唔覺得係豆腐)


肉料理︰羊蹄ハーブポークのカレー風味煮
(依個係免治豬肉漢堡,豬肉好鬆化,送飯一流)


デザート︰余市產さくらんぼの寒天寄せ
(甜品︰櫻桃啫喱)


好美味的夕食

無論食材或烹調方法都令人非常滿意

至於翌日的朝食亦很好

留待下一篇再介紹


第三日完

沒有留言:

張貼留言