朝早响酒店餐廳食完早餐又一早出發
(好一般嘅早餐，無咩影相，唔post)
今日的目的地係道東帶廣
但我哋會先去南富良野
由小樽去南富良野的金山湖足足有差不多18X公里
係今個旅程最長的一段路
一開始search GPS 已經感覺有D問題，點解要成4個幾鐘(應該3個幾鐘)
連路線都有問題，明明上咗道東自動車道應該响占冠IC出
但GPS竟然話要响夕張IC出
哼...原來個GPS唔update
其實由夕張IC至占冠IC依段高速道路响舊年10月尾已經開通咗
為何大半年後個GPS都唔update
好彩我之前有做定功課
一直去到接近夕張IC嘅時候，我千叮萬囑老公唔好理個GPS直去
一路直踩去占冠IC先出
由夕張IC至占冠IC依段路係途中經過幾條隧道
以前未開通時要行山路，兜兜轉轉要花好多時間
開通後節省咗起碼一個鐘，都好緊要架
終於唔駛3個鐘就到咗金山湖 (かなやま湖)
咿...做乜嚟個camp場
好多人响度紮營
原來金山湖旁係個camp場
如果香港都有個咁樣嘅camp場就好囉 (發夢中...)
又要嚟個全景
問答題︰有無人知依個係咩場? (答中無奬)
原來係俾人放置用完嘅炭
日本人真的好自律，眼見D人離開時執得乾乾淨淨
將D垃圾一袋袋分類包好
走咗後完全唔覺個位置曾經有人响度紮過營
遠望有個薰衣草畑
不過感覺未係時候，可能時間尚早
又有D人在湖上划艇，優哉悠哉
行完一圈又到食lunch時間
前面就係Log House嘅屋仔
點知去到先知原來無做lunch，只係得cake和drink
Reception嗰位小姐提議要搵食店的話可以到道の駅
返上車即刻search最近嘅道の駅
依個南富良野道の駅都好近
一睇原來依間道の駅的食店都係Larch
係self restaurant ごはん家ラーチ
入到去見到放置咗一些資料
我和老公要咗道産牛と地物野菜のペッパー丼 950yen
阿仔要咗チキンカレー (chicken curry) 650yen
食完出去附近行吓
遠望依座山應該冬天係滑雪場
又有個細細嘅薰衣草畑
不過都一樣未係時候
睇完去下一站
幾寅駅
幾寅駅係日本電影「鉄道員」的拍攝場所，而電影內的車站叫幌舞駅
依D全部都係當時拍攝電影的佈景
幾寅站 (いくとらえき) 屬於JR北海道根室本線的鐵路車站
是一個無人車站
片中的キハ12形（Kiha 12）柴油客車因為實車已全數報廢
因此是利用キハ40 764這輛加以改裝，重現成キハ12形
進入車廂參觀
電影劇照
各位演員的簽名
候車室內
候車室有電影拍攝相關的照片等展示
以下內容取自維基百科︰
《鐵道員》是一部發表於1995年的日文短篇小說，作者是淺田次郎
此作品主要是描寫一條即將被廢止的地方鐵道路線車站站長
他在經歷了事故變遷之後才得來幸福的探訪
本作品是第117回直木賞受獎之作
銷售量達140萬部以上
是1997年日本最佳暢銷（Best seller）的代表書籍
1999年改編成電影，由降旗康男執導，高倉健主演
電影在2000年得到第23屆（1999年度）
日本學院賞的最佳影片及最佳男主角等主要獎項
情節介紹︰主人翁佐藤乙松 (高倉健飾)
是北道道一條地方鐵道「幌舞線」終點站「幌舞站」的站長
從前該線因為為附近的煤礦運送而十分風光
但煤礦停止開採後，鐵道就只剩下提供當地居民對外交通的用途
學生放寒暑假時，經常是空車在跑，因此而被列入廢線名單
佐藤拒絕了多年老友兼同事的邀請，在退休後調到國鐵附屬的飯店
他堅持要守在幌舞站，直到廢線為止
其女兒幼時因病夭折，而妻子亦在不久前逝世
因此佐藤過著孤獨的生活。
在一天下雪的日子
佐藤在月台鏟雪的時候看到一個小女孩抱着一個舊式的洋娃娃跑到車站
該洋娃娃被遺落在候車室由站長撿到
有個女孩前來認領這個洋娃娃，佐藤以為是該小女孩的姐姐
後來有位穿着舊式中學制服 (水手服) (廣未涼子飾) 的少女前來
這三個女孩其實是佐藤以前夭折的女兒佐藤雪子，為了報答父親而現身
佐藤知道這三個女孩其實就是他的女兒後沒多久
就倒臥在月台上去世了。
雖然我無睇過依套電影
根據劇情亦想像到應該是套賺人熱淚的電影
見門口放了本展示來場受付簿
我哋亦在簿上記錄下來
(我無睇錯的話第一行的10個人係嚟自法國
外國人都識嚟依度，好厲害呢..)
望一望錶，又差不多兩點
要去帶廣了
下一篇 -- 帶廣
原來 かなやま湖 譯作 金山湖 , 唔講都唔知 .
回覆刪除我都有去果度 , 過一兩日就Post 出街 . ^^