由於被垃圾留言侵襲,迫不得已在留言內加入驗證功能,不便之處請見諒!

2012年8月28日 星期二

2012 夏日炎炎北海道 (Day 7) (II) - 摩周湖、屈斜路湖、硫磺山、知床斜里


到達摩周湖已經一點幾

天色開始轉差,天氣預告下午開始會有雨

雖然雲層明顯比之前在阿寒湖時變厚

總算還可清楚看到摩周湖

由於摩周湖經常有霧,所以並唔一定可以睇到

我哋嚟咗三次,三次都睇到算好好彩




摩周湖海拔351米,周圍19.8km、面積19.1km²、最深達211.5m


去完第一及第三展望台時間已經一點半有多
應該趕唔到去原來計劃去的那間食店食lunch
立即打開旅遊書睇吓屈斜路湖有咩食
求其揀咗依間丸木舟


依間除咗係食店仲有民宿


裏面的裝修好愛奴feel


我和阿仔要咗依個コタン丼1,050yen


キトピロ醤油ラーメン945yen


好快唔駛半個鐘便食完

10分鐘後到達屈斜路湖


記得第一次冬天嚟時見到好多白鳥


夏天當然無白鳥喇..


屈斜路湖周圍57km、面積79.7 km²、最深達117.5m、透明度20m,是日本最巨大的破火山口湖


只要在湖邊的砂上挖一下,就會有溫泉湧出來(砂湯)


我留意咗這pair台灣男女好耐
女的花了不少時間把那兩隻公仔擺好位置
然後試影咗幾張
最後和那位男生及公仔嚟張大合照
你看那位女生笑得多開心

一向都知宜家有許多人會喜愛帶公仔去旅行影相
但那兩隻感覺似乎大咗D囉


除了可以自己挖沙浸腳外,還可利用利用這些足湯


飲得嘅溫泉水,老公試過,味道有D怪怪


最後食埋這杯桃味雪糕後又完成一個影點


下個目的地係硫磺山


好快到咗硫磺山


第二次嚟依度,上次係冬天


其實無咩好睇,只有陣好臭嘅硫磺味
但唔明有好多旅行團都會嚟


到此一遊,所以逗留咗15分鐘便離開

接著下來要到知床斜里,約需一個鐘左右

看見天色漸漸暗,隨時都有機會落雨,還是早些去到比較好

今晚會入住嘅pension住於知床鈄里

去pension前先去一去附近這個來運公園


曾經响某個收費電視裏看過一個北海道旅遊節目

主持人嚟到依個公園

究竟依個公園有咩特別

就係這名水來運の水


來運水是斜里岳秀峰的雪和雨歷經數十年的歲月在這裏湧出
水溫全年維持在攝氏6℃左右,冬天也不會結冰
據說飲咗來運水會帶來好運


水道內的水可以隨便飲用,旁邊仲有杯供人使用
還有不少人帶一些膠樽來載水回家
我哋都唔執輸都載咗一樽


公園旁還有個來運神社


運完水後跟住便去pension


下一篇 -- 知床Villa Hotel Freeze

沒有留言:

張貼留言