今天將會離開札幌
天氣跟昨天相比來個180度轉變
早上天陰間中有雨
食過早餐便退房
酒店在南口，租車公司在北口
步行也要15分鐘
把行李放在酒店
再去取車
又再次經たびらいレンタカー租車
今次是ホンダレンタカー (Honda)
又試新車
VEZEL ハイブリッド (Hybrid) (1,500cc)
8天連保險加 ETC card 總共¥52,452
全程走了1,802公里，平均一天二百多公里
整體算是不錯
最讚的是車尾箱夠大
兩個29吋行李箱放得下不只
還可放多一個較細的在旁邊
以往所租的最多只可放到一大一小
如果是兩個大的話，另一個便要放進後面座位
可惜有另一個較奇特的問题發生在錶板上
我坐在旁邊位置看無問題
重要的問題竟然在司機位置上
從老公的角度望向
軚盤基本上遮蓋了大部份錶板
完全看不到車速顯示
第一次遇上這種問題
不知是否因為老公的身高 (老公個子不算高屬中等)
但這種身高實在好普通
有點摸不著頭腦
看到都有些無奈
幸好老公在日本駕車都算經驗豐富
就算看不到憑感覺都知大約的速度
若真的要看便把頭抬高少許
雖然有這種弊處
但老公覺得性能及舒適度都幾好
又不介意再租
取了車後先到酒店取回行李
然後出發到富良野
途中在岩見沢SA停了一會
旁邊公園放了些假馬
天色越暗途中落起兩來
剛進入富良野不久
突然發現有架警車在後面跟著
還响起警號示意要我們停車
頓時好驚即刻問老公是否揸得很快
老公來不及反應警察已來到身邊
問我們是否遊客
然後派了這單張給我們
提醒我們要留意日本的交通規則及路旁的交通標誌
可能近年北海道太多自駕遊
而且富良野是熱門的旅遊區
不熟稔日本交通規則及標誌的很容易發生意外
所以便向租車自駕的人士派發單張
嚇得我們，還以為是超速
後來在富良野及美瑛老公都不敢揸得太快
未到11點來到ファーム富田 (富田農場)
微微細雨，冷了很多只得13度
立即要拿件厚褸來穿
這個時間來北海道，四季衣服都要準備
雖然已過了全盛時期，但仍有不少花
所以亦值得來一趙
只可借天氣不好
午餐就在園裏解決
我沒要飯，只要了熱狗加粟米湯
然看再買了粟米及薯餅
粟米忌廉薯餅
跟著便離開花畑到外面食生果
好有趣的 Halloween 蜜瓜
兩個人要了半個
其間我還去買了個蜜瓜飽
幾種小食加起來便是一餐，感覺豐富
等陣還要去食下午茶
餐後雨停了
離開去下個地方
日の出公園ラベンダー
展望台上還有不少花
山坡上的花沒有了
只逗留了一會便走了
比警察叫停好驚呀, 好彩是派傳單
回覆刪除呢款車睇佢唔大, 車尾放2個29吋好正
其實我比較喜歡Honda, 但有時Toyota 的分店比較方便...
係呀，因為幾年前試過一次俾騎警話過開得太快，又見網友被抄過牌，當時真係好驚
刪除其實老公話架車比之前租嘅FIT或AQUA車身長少少，所以車尾箱大少少
我同意Toyota分店係比較方便又多，但如果其他租車公司唔太遠而比較過價錢及車款又啱的話行多幾步我都都會無所謂
個軚盤高低係有得調較架。
回覆刪除係? 點調較? 我老公响香港無揸開車，唔識喎，因為從未試過有咁嘅情況
刪除在軚盤左下面，有條細細既桿，向下調撥就鬆開左，個軚盤就可以上上下下咁旭動。較啱個軚盤後就將呢條桿(bar)向上回復原位就lock住。
刪除係咪每架車基本上都係咁較?
刪除明白，下次再有咁嘅情況知道點做，再唔係搵租車公司職員幫手
有啲車就喺軚盤既下面而唔係左下面。你可以去youtub打調較方向盤，就搵到係點樣架喇。
刪除知道，唔該1733
刪除上次我在富良野都比警察截停車，原因係超速。最終因為佢唔識得講英語放過我。
回覆刪除你碰啱依個警察唔識好彩，我上次嗰個竟然講到兩句，叫我哋要slow down，仲問我哋會去邊，好彩最後都係口頭警告，諗起都一額汗
刪除