2012 夏日炎炎北海道 (Day 6) (III) - 釧路市

返回釧路市天氣又再次起變化

路經釧路駅影幾張相

然後到酒店check-in

今晚住依間位於幣舞橋旁

天然温泉 幣舞の湯 ラビスタ釧路川（ドーミーインチェーン） 

(Dormy Inn) 

早割14 [朝食付き]

兩間Double Room (10,600yen + 7,700yen = 18,300yen)

其實Dormy Inn嘅房間影過好多次

大致上佈置顔色都一樣

放低行李後到幣舞橋行吓

霧中的幣舞橋另有一番景象

霧中的MOO

橋對面的花時鐘

難得一見的霧中釧路川

(後來先知原來夏天釧路經常有霧)

橫跨在釧路川上的幣舞橋，和札幌的豐平橋、

旭川的旭橋合稱為北海道三大名橋

橋的欄杆上的春夏秋冬「四季之像」，是幣舞橋的象徵

跟住行去MOO廣場

釧路出名炉端燒

廣場外這檔有不少人光顧

但係我哋唔太喜歡自己燒

再進去商場行吓，由於時間唔早，大多數商店開始收舖

我哋大致行咗一圈就離開

雖然時間只係6點幾，無咩地方去便決定早D去食晚飯

因為晚飯地方唔大，早D去唔會太多人

唔使10分鐘步行到達這間くしろ 「炉ばた」

U形的枱只可坐10數人，好彩唔使等位

由於一睇便知我哋唔係日本人，便有個識講英文的女仔過嚟招呼

又正當阿仔攞個相機出嚟，佢話︰no photo

咁我哋就唔敢影相

點完菜後坐响度等

但都忍唔住偷影咗一張

中間坐响爐旁嘅阿婆係主角，所有燒物都係阿婆一個人燒

坐咗一陣第一碟白灼蝦便嚟到，係嗰位姐姐介紹 (可惜無影相)

之後心中總係有個疑問，明明網上曾經見過有人影相架

點解又話唔俾影相

終於我忍唔住問姐姐可唔可以剩係影食物，佢話只影食物就可以

咁都好起碼知道自己食咗咩囉

跟住一碟碟陸續咁嚟

蘆筍係夏季野菜，幼嫩又爽口，好味

茄子好味

依條燒ほっけ好香，肉唔乾又係好好味

燒魷魚好稔唔韌

燒帶子

燒肉串

最後加埋個日式煎蛋，熱辣辣又香又滑

總結這餐爐端燒極之好味

食完都只係7點半左右，外面凍咗好多，只係得10幾度

慢慢散步番酒店，又再行一陣幣舞橋

咦...D霧散咗D喎..

天未黑齊又有另一種感覺

酒店的側面

現在清楚好多

入到酒店，在大堂影吓相

上到房間，睇吓電視上吓網

又到時間食宵夜

宜家每次住Dormy Inn都唔少得食碗夜鳴拉麵

雖然只係一碗無咩料的拉麵，但食完總會感覺好溫暖滿足

臨瞓前又照例到大浴場浸浸喇...

第二朝起身又再上浴場

又只有機會在門口影張相

看見浴場旁休息的地方有益力多飲

可惜只剩下一樽，老公無得飲

窗邊可清楚望到幣舞橋、釧路川及MOO

個view一流

今日天氣比昨日好得多

落餐廳食早餐

嘩...有炉端燒及勝手丼

好豐富呢....

食飽早餐，趁天氣好又再出外行一陣

餐廳側門直出便是依個廣場

好清楚的MOO，隔離係植物園EGG

再嚟一張春夏秋冬「四季之像」

然後返酒店收拾行李離開

離開釧路後會繼續向東行

第6日完