離開咗知床Villa Hotel Freeze後
今日早上會遊覽知床五湖
去五湖一定會途經依個知床八景之一嘅オシンコシンの滝
今日全日天氣都唔好會落雨，嚟咗北海道咁多日終於遇上雨天
到達知床五湖時又霧又雨
由於幾年前已經嚟過，加上遇著咁嘅天氣
我唔打算行高架木道，而老公就陪阿仔行入去
以下相片由佢哋提供
其間佢哋遇上好多鹿
由木道可直接到達一湖
(上次我哋係行地上遊步道去一湖及二湖)
由於依段時間係棕熊活動期，所以只可由木道行到去一湖
(二湖至五湖要導遊帶領)
當老公和阿仔去咗行高架木道時，我自己一個入咗去Service Centre
改裝咗空間大咗好多
(09年嚟仲係舊嘅)
跟住過咗隔離間Field House
(09年嚟時仲未有)
知床五湖四季景色
如果想行二湖至五湖，可參加由導遊帶領的tour
時間約需3小時，每人費用5,000円
和老公阿仔會合後行咗一陣便離開
雨越落越大﹐知床峠又去唔成了
去ウトロ前路經知床自然Centre
依隻假的熊先生幾有趣
參觀完接近12點，去ウトロ食lunch
記得上次想食但又搵唔到的那間食店
今次再搵多次，終於搵到但竟然無開
最後嚟咗依間一休屋
店內又掛咗一個個簽名，相信應該頗有名氣
見menu有うに丼，仲係採用高級嘅蝦夷馬糞海膽
不過份量無積丹中村屋的海膽多
最後我要咗個ハーフ丼 (因為我又想食三文魚籽)
第一次食馬糞海膽味道好甜，而三文魚籽好大粒
老公和阿仔要咗親子丼1,575円
食完lunch後去網走
下一篇 -- 網走
沒有留言:
張貼留言